týsdagur 5. oktober 1999síða 21

NR. 188 - 5. OKTOBER 1999 tíðindablaðið 21 HB hevði lætt spæl Fótbóltur: Eitt væl HB vann stórt móti nógv skerdum B71 liði, sum als einki hevði at spæla fyri. Vóru spælararnir ikki so sjålvsøknir, so kundi sigurin verið fleiri mál stórri. Samstundis fekk Kaj Leo eitt sómiligt farvæl í sínum dysti nummar 300 fyri HB SVEINUR TRÓNDARSON 1. deild menn: HB-B71 7-1 (4-0) HB vann dystin i Gundadali móti B71 seinnapartin leygardagin heili 7-1. Tað var ongantíð nakar ivi um hvønn veg sigurin fór, til tað var HB ov nógv styrkt og B71 ov nógv skert. Men vóru HB leikararnir ikki so sjålvsøknir tá teir nærkaðust málinum, so vunnu teir nógv meir. Veðrið í Gundadali var heldur frægari enn í restini av landinum, men kortini var ikki hugsingur um at fáa polerað fótbóltsspæl. Til tað var vindurin í meira lagi, og tá hugurin bara er til staðar hjá øðrum liðnum, so verð- ur ongantíð talan um ein dyst. Tá er tað einvegis ferðsla, og tað var júst so- leiðis, at dysturin í Gunda- dali "útartaði" seg. HB hevur seinastu dyst- irnar fingið styrk úr Íslandi, haðani bæði Uni Arge og Allan Mørkøre eru komnir, nú íslendska kappingin er endað. At hetta er styrkur ið munar sæst á gllum brøgdum, tí seinastu báðar dystirnar hevur HB aftur funnið vegin til meskarnar, og í báðum dystunum eru tað "fremmandamenninir", sum hava gjørt málini. Tað, sum kanska er ser- liga merkisvert í hesum sambandinum er, at teir báðir nú liggja á øðrum plássi á HB málskjúttara- listanum við seks málum, meðan menn sum hava leikt alt árið eru aftanfyri. Fremstur á HB-skjúttara- listanum gjørdist Súni Fríði Johannesen við 10 málum. Tað er kanska ikki rætta høvid at taka slíkt upp, tå liðið júst hevur vunnið 7-1, Súni Fríði Johannesen tveitir seg fram og stútar bóltin í málið men tað er kanska júst her orsøkin til "vánaligu" plaseringina hjá HB í ár skal finnast. Fremstu menninir gera ov fá mál, og tá so er, verður torført at vinna dyst- irnar. Avgjørt eftir átta minuttum Sum sagt, so vóru tað teir báðir íslandsfararnir hjá HB, sum gjørdu mest um seg leygardagin. Teir gjørdu fimm av sjey målum. Fyrstu tjågu minuttirnar av dystinum brúkti HB til at løda kanónirnar, og tað sást beinanvegin, at tað fór at standa nógv á B71 verjuni, tí hon varð trýst í botn frá byrjan. HB-snill- ingarnir gjørdu sum teimum lysti. Tað einasta teir ikki fingu burturúr vóru málini. Men tá tjúgu minuttir vóru farnir brast fyri nev, og var tað Uni Arge, sum skallaði bóltin í málið úr ellivu metrum. Málmaðurin hjá B71 vardi fyri skoti, men bólturin sprakk til Una, sum við høvdinum setti hol á. Minuttin eftir var tað enn einaferð Uni, súm fór við eini avlerering sum tað sømir seg, tá hann setti fótin á eina avlevering úr høgra borðið. Sjey minuttir seinni var aftur galið, og við triðja málinum var dysturin í veruleikanum avgjørdur. Súni Fríði var skarprættari hesaferð tá hann varð spældur púra blankur næst- an mitt fyri málinum. Enn meira skerdir Vóru sandoyingar illa fyri tá teir komu um Skopunar- fjórð, so vórðu tei enn verri fyri, stutt áðrenn hálvleik. Ernst Løkjå sá seg noyddan at taka hondina til hjålpar tå HB-ari smekkaði til, og tað hevdi reyða kortið við sær. Allan Mørkøre setti brotssparkið í máli, og tað við lít. Hetta var eisini hálv- leiksstødan, og hon hevði við sær, at tað sá rættiliga svart út hjá B71. So svart, at onkur sandoyingur óttað- ist fyri, at metið fyri størsta sigrinum í ár skuldi rúka. Tað meti var upp á 6-0, og eigarin undan dystunum leygardagin var ... B71. Um tað var tað sum gjørdi tað, ella tað var HB dovinskapur, skal vera ósagt, men beint eftir hálv- leik var eitt sindur av futti í B71 leikarunum og einu ferðina var um reppið, at Antines Magnussen slapp framvið Kaj Leo, sum stóð sín seinasta dyst fyri 1. lið hjá HB. Mál varð ikki hesaferð, men kvøkkurin vakti HB- ararnar og sjey minuttir seinni tók Rúni Nolsøe sak- ina í egnar hendur tá hann eini tíggju-fimtan metrar uttanfyri brotsteigin smekk- aði til eftir jørd beint móti vindinum. Bólturin streyk í málið, dygst við stongina og eykamálverjin hjá B71 rakk ikki eftir honum. Bert tríggjar minuttir seinni fekk Uni enn eitt mál, og tað gjørdi hann eisini tríggjar = minuttir fyri dystarenda. Men ímillum tey bæði málini sníkti B71 seg til ein møguleika uppá kontra. Ístaðin fyri at langa bóltin upp í luftina undan vindi- num, fór hann fram eftir jørdini og úr høgru var bólturin sendur inn til Eli Hentze, sum sendi framvið Kaj Leo. Kaj Leo epokan er av Hetta var kanska ikki júst tann endin, sum Kaj Leo hevði ætlað sær, men tað dugir hann at bera yvir við. Eingin ivi um tað. Men veruleikin er, at dysturin leygardagin var tann allar, allar seinasti í rødini hjá Kaj Leo fyri HB. Henda røðin er ikki so stutt, tí tað er eisini ein veruleiki, at Kaj Leo er fyrsti leikari í HB, sum røkkur 300 landskappingar- dystir á besta liði. Hetta er ein bragd í sær sjálvum, men tá hugsað verður um, at hann hevur vunnið trý FM-heiti og sjey steypa- finalur, so gerst bragdið bara enn stórri. A landsliðnum fekk hann ongantíð fótin fastan - har var jú ein maður við eini topphúgvu, sum varð mett- ur betri enn Kaj Leo, og tí hevur hann bara spælt fýra landsdystir. Við dystinum leygardagin er ein epoka av, ikki bara í HB, men eisini í føroyskum fótbólti. Tí aftanfyri mongu dystirnar á besta liðnum hjá HB liggur eitt Oført arbeiði, sum uttan iva er til fyri- myndar fyri mangan ungan knassa, sum ætlar sær at dríva fótbóltin til nakað. Tá dysturin var av fekk Kaj Leo handaða gávu og blómutyssi frá HB og lið- feløgum sínum. Hann fer neyvan at minn- ast tann seinasta dystin fyri tað poleraða fótbóltsspælið, men hann fer nokk at minn- ast til at HB vann stórsigur 7-1 á B71, og tryggjaði sær møguleikan at spæla evro- peiskan fótbólt næsta ár, tá teir skulu spæla í Intertoto kappingini. Og rekordin hjá B71? Jú hon varð standandi, men við tí løgnu krúllu, at nú hevur B71 bæði størsta sigur, 6-0 á IF, og størsta ósigur í ár 1-7 móti HB! Vælupplagdur Todi sá reytt ótbóltur: Jákup Mikkelsen er á odda, og Óli Johannesen er í botninum í superliguni Mikukvøldid fer landsliðið úr Vágum og til Kekkia. Allan Simonsen, landsliðsvenjari, sum leygardagin var í Klaks- vík, verður ikki við í ferða- lagnum úr Føroyum. Saman við Juliani Johnsson fer hann mikudagin beinleiðis úr Keypmannahavn og til Prag Ætlanin hevur verið, at teir tríggir landsliðsmenninir í superliguni skuldu fara úr Keypmannahavn og til Prag hósmorgunin, tí tað verður spælt í superliguni miku- kvoldið. Tá hittast FCK og Herfølge i Parkini í Keyp- mannahavn, medan AGF spælir å heimavøllinum i Arhus ímóti Esbjerg Ætlanirnar eru framvegis tær somu, men um tað hevði verið møguleiki fyri at broyta ferðaseðilin, so hevdi verið møguleiki hjá Toda Jónsson at farið til Prag mikukvøldid Todi Jónsson sá reytt sunnu- dagin, og tað vil siga, at hann verður leikbannaður og verð- ur tískil millum åskodararnar, tå FCK mikukvøldid fer at spæla ímóti Jåkupi Mikkel- sen og Herfølge. Gongur rætta vegin Vit søgdu í síðstu viku, at gongdin hjá FCK hevur verið meiri hugalig tær síðstu ferð- irnar, og at hetta er so, varð aftur staðfest sunnudagin, tá teir á útivelli vunnu 2—1 ímóti AB, sum higartil hevur verið oddalið. Sambært donskum fjøl- miðlum var Todi Jónsson í 1. hálvleiki, sum endaði mál- leysur, best upplagdi FCK maðurin. Við utgangsstødu í vinstra borði setti hann í gamla lagnum ferð eftir ferð futt í álopsspælið, og tað var bara svørt óeydna, sum gjørdi, at føroyski landsliðs- maðurin ikki kom á mál- skjúttaralistan. Eftir at hava sneitt fleiri spælarar av sær fleiri ferðir, hevði Todi tríggjar vandamiklar royndir ímóti málinum. Eina ferð sendi hann klokkureint í tvør- træið, og tað var tað nærm- asta, sum hann kom at fåa hol á målleysa svullin, sum síð- ani undan summarfrítíðini bara er vaksin. Todi sá gult seint í 1. hálv- leiki, og tá hann tveir minuttir inn í 2. hálvleik var ímyndin av, at FCK menninir hava smoygt stríðshamin upp á seg, eftir at tað hevur víst seg, at årtøkan ikki hevur verið góð, sá hann aftur gult, og so var ostaskorpan á lofti. Átta minuttir eftir at FCK var vorðið undirmannað, stútaði Michael Mio Nielsen hornasparksinnlegg í kassan, og í 65. minutti skoraði Thomas Thorninger til 2-0. Tað restaði eitt korter, tá Chris Hermansen minkaði um munin, og so ráddi um hjá undirmannaðu FCK monnunum at halda tørn. Tað stóð nógv á, m.a. sendi AB bóltin í tríkantssamankom- ingina, men tað eydnaðist hjá FCK, og harvið hava teir - fyribils í hvussu so er — sagt botninum farvæl og kunnu líta uppeftir. Jákup á toppinum Dysturin millum AB og FCK var á skránni seint seinna- partin sunnudagin, eftir at hinir dystirnir í superliguni vóru liðugt spældir. Jákup Mikkelsen og Herfølge vann fyrri á degnum 2—1 á heima- vellli ímóti Viborg, sum hevur havt undanvind, og tá úrslitið í Gladsakse var stað- fest, var greitt, at Herfølge er nýtt oddalið í superliguni Tað er líka mikið fyri meg, um vit nú eru fremstir, næstfremstir ella á triðja plássi. Tað, sum ræður um og fer at telja er, at vit vera á odda, tá kappingin er liðug. var viðmerkingin hjá spæl- andi venjaranum í Herfølge, John Jensen At siga at Faxe er spælandi venjari. er kanska at taka í so rívan til. Hann setti seg sjálv an á vøllin, tá eitt korter var eftir, og 90 sekund seinni hevði hann sæd reyða kortið, og so ráddi um hjá Jákupi Mikkelsen og teimum at halda tætt Herfølge, sum fyrsta tíman var greitt omaná og hevði nógvar møguleikar, kom á odda longu í 3. minutti, og í 33. minutti øktu teir til 2-0 Bæði málini vórðu stútað, men í seinna førinum var ætlanin ikki at stúta í málið, tí tað var ein av Viborg monnunum, ið stútaði bóltin í sítt egna mál. Tað restaðu 25 minuttir, tå Alex Nørlund hjå Viborg var fyrstur å inn- leggi og skoradi hjå Jåkupi Mikkelsen. Føroyski lands- lidsmålverjin fær — sum hann ger tað eftir hvørt umfar — gott skoðsmál fyri avrikið. Herfolge er tvey stig undan AB í oddastríðnum. Óli í botninum Hjá AGF og Óla Johannesen gongur ikki væl. Danskir fjøl- miðlar vita at siga, at penga- pungurin er tómur, stórfelag- ið í Arhus er meiri ella minni í leidsluloysi, og tað er ikki greitt, hvor skal loysa venj- aran av, tá Peter Rudbæk komandi summar fer úr starv- inum. Sunnudagin var AGF í Brøndby, har heimaliðið royndi at koma yvir vónbrot- ið tað var fyri teir at verða sent úr Europa Cup hós- kveldið. Brøndby vann 3-0 Teir fingu hol á i 3. minutti, men tað var ikki fyrrenn í 56. minutti, at teir øktu, og so var liðugt. Síðsta málið kom, tá % eitt korter var eftir. Oli Jo- hannesen sat á beinkinum all- ar 90 minuttirnar. AGF stríðist m.a. við Es- bjerg fyri at sleppa undan botnplássinum. Hesa ferð spældi Esbjerg ikki. Vøllurin stóð undir í vatni, og tað + hevði við sær, at dysturin ímóti AaB varð avlýstur. Vejle og OB tykjast hava fingið eitt sindur av viðráki. Dysturin teirra millum endaði 1-1, meðan Silkeborg vann 3-1 i Lyngby. jh