týsdagur 25. januar 2005síða 13

Nr. 16 - 25. januar 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Nú komu tey tíðindini, sum vit, sum kendu til sjúkuna hjá Maritu, kundu vænta okkum, men tó ikki høvdu roknað við, at Marita var farin frá okkum – høvdu vónað til tað síðsta, at okkurt kundi bjarga henni undan herviligu sjúkuni. Tíðindini eru nú um at verða veruleiki fyri okkum, og vit merkja tómleikan, nú ein av okkara hevur lagt árarnar inn. Tað ber til at siga, at Marita í okkara høpi hoyrdi til tað nýggja ættarliðið av arkitekt- um, sum kom aftaná Olaf Morten- sen síðani Palla Gregoriussen og við Gunnari Hoydal sum eitt inter- mezzo. Marita gjørdist bert 56 ára gomul og hevði fyri nøkrum árum síðan stovnað arkitektastovuna Arkitekt- ar 99 saman við Jóhan Laksáfoss, og framtíðin hjá Maritu og virkin- um tyktist vera ljós. Eg havi frá ungum árum vitað um Maritu og kom at kenna hana á arkitektateknistovuni hjá Palla Gregoriussen í 1974, tá eg í summ- arfrítíðini, meðan eg las til arkitekt, arbeiddi har, og seinni í 1976, tá eg fekk starv hjá Palla og kom at arbeiða saman við henni. Seinni í 1984 kom Marita at starvast á teknistovuni hjá okkum til hon í 1992 fór í annað starv. Sum menniskja var Marita av skynsamastu fólkum, var altíð við tí góða orðinum og allur hennara atburður var merktur av tolsemi og vælvilja og í framferð var hon há- bærslig og ladylike – tað er eyðsæð at hon hevur fingið gott í beinini heimanífrá. Tær listarligu gávurnar komu henni til góðar í arbeiðinum, men altíð helt hon seg aftur í lítillátni, hvat tí listarliga viðvíkti, men ong- in, sum kom í samband við hana, var í iva um hennara skapandi evnir. Sum samstarvsfelagi var hon íðin og nærløgd og arbeiddi væl saman við øðrum til tess at náa dygdini, hetta sóu vit á teknistovuni og henda hugburð bar hon við sær, tá ið hon gjørdist sjálvstøðug. Dømi um hetta síggja vit í sam- bandi við umbyggingina av Quill- ingsgarði, sum er eitt gott dømi um skilagott tilfarsval og góða propor- tionering í royndini at sambyggja gamalt og nýtt. Eisini er stóra um- byggingin av Tryggingini verd at nevna. Bert spell, at tað ikki untist Maritu longri tíð sum sjálvstøðug at virka í fakinum. Eitt skifti var hon formaður í Arkitektafelag Føroya og í hennara formansskeiði mentist felagið munandi og hon gjørdi her eitt stórt arbeiði saman við Gunnleyg Dur- huus og øðrum, til tess at fáa felag- num altjóða viðurkenning, so at vit í dag sita javnbjóðis við fundar- borðið, tá norðurlendsku feløgini hava stýrisfund. Samskifti millum okkum og hini norðurlendsku fe- løgini er gott, og hava vit nakrar ferðir verið vertir í Føroyum fyri hesar stýrisfundir, og hevur Marita í sambandi við stýrisfundarnar ver- ið fyrimyndarligur ambassadørur fyri Føroyar bæði her og uttan- lands. Vit eru mong, sum sakna Maritu, og eg hugsi serliga um tykkum Katrin, Heini og Diaba, sum nú hava mist eina kærleiksfulla mammu og konu. Vit drýpa høvur í samkenslu og lýsa frið yvir minnið um Maritu Weihe. Albert Isfeld Minningarorð um Maritu Weihe arkitekt Dagurin 25. januar. Pálsmessa. Verður hildin til minnis um umvending Paulusar á leiðini til Damaskus í árinum 36. Á pálsmessu koma súlan og lomvigin at landi. Súludagurin er hátíðardagur í Mykinesi, og í eldri tíðum varð dansað har henda dagin . Erlendur biskupur var bispvígdur hendan dagin í 1269. Tøkk Hjartaliga takka vit øllum, sum á ymsan hátt sýndu samkenslu, tá ið okkara kæra systir, manssystir, fastir og abbasystir Minna Jacobsen so brádliga doyði og varð jarðað.Tøkk til tykkum mongu, sum fylgdu henni til hennara seinasta hvíldar- stað. Ein serstøk tøkk til Hera Joensen, prest, fyri fjálgandi orðini við jarðarferðina. Fyri tey avvarðandi Ingrid og Steinbjørn Kunngjørt verður fyri ætt og vinum, at kæra mamma, vermamma og omma okkara, Brynhild Niclasen Hestur fødd Midjord, úr Havn andaðist á Lágargarði 21. januar, 75 ára gomul. Jarðarferðin verður úr Hests kirkju týsdagin 25. januar kl. 13.00. Fyri tey avvarðandi Børnini Tey ið ynskja at minnast Brynhild kunnu lata Lágargarði eina peningagávu. Kunngjørt verður fyri ætt, vinum og kenningum, at kæri maður, pápi, verpápi og abbi okkara Oliver Olsen (vanl. nevndur Olivar á Geilini, ætt. úr Svínoy) Klaksvík andaðist á Klaksvíkar sjúkrahúsi 21. januar, 79 ára gamal. Jarðarferðin verður úr Betesda týsdagin 25. januar kl. 13. 00. Jóhanna Ruth,Fróði og genturnar Tey, ið vilja minnast Oliver, kunnu lata Zarepta eina peningagávu. Tøkk Hjartaliga takka vit øllum, sum sýndu okkum samkenslu, tá okkara kæra mamma, vermamma, omma og langomma Ragnhild Bisp Argir andaðist og varð borin til hvíldar. Tøkk til Bergur D. Joensen, prest, fyri orðini í heiminum og í kirkjuni. Tøkk til sangarar, tøkk fyri blómur og kransar, og tøkk til øll tykkum, ið fylgdu henni til hennara seinasta hvíldarstað.Tøkk til tey, ið hjálptu til við ervinum. Ein serstøk tøkk til heimahjálpararnar, ið vóru um hana til tað seinasta. Familjunnar vegna Børnini Sum nakað nýtt seta vit nú allar myndir av brúðar- pørum, sum vera sendar til til teigin "Heilsanir", í Vikuskiftis Sosialin í litum. Brúðarmyndirnar koma undir somu treytir sum aðrar myndir til "Heilsan-ir", t.v.s. at tær kosta 30 kr. Síðsta freist at lata brúðarmyndirnar inn er hósdag kl. 12.00 Sosialurin Litmyndir av brúðarpørum í Lesið - so eru tit við