leygardagur 29. januar 2005síða 7

Tjóðveldisflokkurin profileraði seg sum fyrsti føroyski flokk- urin, sum veruliga hevur megnað at sett Føroyar á dags- skránna á Christians- borg, tá valskrá flok- sins varð framløgd á tíðindafundi á Hotel Føroyum fríggja- morgunin FÓLKATINGSVAL Heini í Skorini heini_skorini@yahoo.com - Vilt tú hava ein arbeiðs- saman flokk á fólkatingi, vel so Tjóðveldisflokkin. Hetta tyktist vera høv- uðsboðskapur floksins, tá valskrá floksins Fríggja- morgunin varð løgd fram á tíðindafundi á Hotel Før- oyum. Meirilutin av val- evnunum vórðu savnað, og formaður floksins, Høgni Hoydal, legði fyri við eini framløgu við slagorðun- um"Vel so tað munar". Gomul slagorð Og tað vóru sum væntað gomlu slagorð floksins, sum gingu aftur á tíðinda- fundinum. Føroyskt full- veldi, tjóðskaparlig viður- kenning og avgerðarrættur føroyinga eyðkendu fram- løguna hjá Høgna, og við- víkjandi yvirornaðu spurn- ingunum var sjálvsagt lítið nýtt at frætta. Men umframt at tosa á yvirornaðum støði kastaði Høgni eisini ljós á einstøk aktuell mál, sum flokkurin vil berjast fyri. Í hesum sambandi nevndi formað- urin uppskotið um uttan- ríkispolitiskar heimildir, spurningin um yvirtøkur, formligan ognarrætt til undirgrundina og limaskap í Norðurlandaráðnum. Og so kom hann eisini inn av- leiðingarnar av eini ES- grundlóg. - Vit vilja virka fyri, at vit fáa møguleikan at yvirtaka tey mál, danir lata til ES í kjalarvørrinum av ES- grundlógini, og vit hava biðið serfrøðing kannað, hvørji okkara rættindi eru, um Danmark gerst partur av ES-grundlógini, siteraði Høgni úr valskrá floksins. Virksemi á Christiansborg Tjóðveldisflokkurin hevur greitt valt primert at marknaðarføra seg sum fyrsti føroyski flokkurin, sum veruliga hevur megnað at sett Føroyar á dags- skránna á Christiansborg, og í hesum sambandi verð- ur víst til tølini á fyri- spurningum reistar á fólka- tingi. - Frá 1998 til 2005 reistu ABC-flokkarnir tilsamans 15 mál á fólkatingi. Farnu trý árini hevur Tjóðveldis- flokkurin einsamallur reist yvir 60 mál, og vit ætla framhaldandi at vera líka virkin, stendur at lesa í valskrá floksins. Umframt hetta leggur flokkurin stór- an dent á tey tiltøk, Norður- atlantsbólkurin hevur sam- skipað, og flokkurin sigur seg vera trygd fyri upp- lýsing um Føroyar í Dan- mark. Júst hetta fer helst at vera eitt sentralt vápn í valstríði teirra. Virksemi floksins á Christiansborg seinastu fýra árini hevur av og á vakt øsing bæði í Føroyum og Danmark, ikki minst eftir ráðstevnuna "Høvdið á blokkin". Og meðan tað hjá hinum flokkunum fer at snúgva seg um at gagnnýta henda møguleikan og framseta flokkin sum ov konfronta- tiónssøkjandi við ov nógv- um orrustum og hørðum samanbrestum uttan úrslit og loysnir, er uppgáva Tjóðveldisfloksins at sann- føra veljaran um, at talan hevur verið um reina luft og gott samstarv. Møguliga eitt sentralt aspekt í val- stríðnum. Flokkurin legði eisini dent á, at eftirlíkan av egn- um krøvum veður altav- gerandi viðvíkjandi stuðuli til danskar politikarar. - Tað er líkamikið fyri okkum, um Fogh ella Lykketoft fer avstað við sigrinum. Vit stuðla teim- um, sum eftirlíka okkara krøvum, var greiði boð- skapurin á Hotel Føroyum. Tobbi Á tíðindafundinum varð spurningurin um Torbjørn Jacobsen eisini uppi at venda. Á eykaflokstingi í desember vórðu útihýs- ingarregla og sanktiónir mótvegis Tobba samtyktar, men í dag er Torbjørn Ja- cobsen á sama lista sum mong av teimum, ið hava skrivað undir áðurevndu samtyktir. Sjónliga valevni Sjúrður Skaale, sum hevur lagt hart út í valstríðnum, hevur víst á í lesarabrævi, at flokkurin hevur boygt nøkur prinsippir, meðan onnur meta framferðarhátt floksins verða eina andsøgn úr enda í annan. Spurdur, um flokkurin ikki hevur ein forkláringstrupulleika, segði Høgni Hoydal so- leiðis: - Nú er valstríð, og tí hava vit brúk fyri øllum góður kreftum. Vit vilja savna í staðin fyri at spjaða flokkin, vit vilja leggja øll stríð og allar ósemjur aftur um okkum, og onnur viður- skifti skulu ikki sleppa at oyðileggja yvirornaða endamálið. Torbjørn Jacobsen tykist einfalt hava verið ov týdn- ingarmikil fyri flokkin til, at hann kann útihýsast beint undan einum vali, og tí hava álop hansara á for- mannin ikki fingið tær avleiðingar, sum vórðu sannlíkar í desember. Ein spurningur um antin tak- tikk ella prinsippir, og Tjóðveldisflokkurin tykist í hesum føri hava valt... Nr. 20 - 29. januar 2005 7 Valevni Tjóðveldis- floksins Annita á Fríðriksmørk Dánial Jákup Jakobsen Heidi Petersen Heini O. Heinesen Hergeir Nielsen Høgni Hoydal Jóannes Eliasen Jón Guttesen Karsten Hansen Kristbjørg Toftegaard Kristina Háfoss Maria Jacobsen Martin Dam Meiken Krabenhoft Niklái Petersen Rubek Lillaa Signy Hansen Sjúrður Skaale Sunniva Kollslíð Tórbjørn Jacobsen Tórhallur Áslaksson Sitat á tíðindafundinum: Í einum bólki verður nógv meiri peningur veittur til virksemi samanborið við, um tú situr einsamallur á fólkatingi, og tí gevur Norðuratlantsbólkurin nógvar møguleikar, sum annars ikki høvdu verið gjørligir at gagnnýta. Niklái Petersen um Norðuratlantsbólkin Eg havi arbeitt fulla tíð fýra ár á Christiansborg og meti meg vera egnaðan til fólkatingssessin, men eg stilli upp fyri at vinna flokkinum atkvøður og ikki fyri at syfta formannin Sjúrður Skaale um persónligu aktivismuna Fleiri positiv átøk eru gjørd, og bólkurin hevur m.a. verið í ST og framt slóðbrótandi arbeiði, men av mótstøðumonnum verður alt lagt undir at vera rumbul og øsing. Tað er langt frá sannleikanum Karsten Hansen um virksemi Norðuratlantsbólksins Talan er um eina kombinatión av fyrispurningum á fólkatingi og lobby-arbeiði á gongunum á Christ- iansborg. Bæði økini skulu sjálvsagt røkjast Annita á Fríðriksmørk um mongu føroysku fyrispurningarnar Føroyar í fokus á fólkatingi - Nú er valstríð, og tí hava vit brúk fyri øllum góður kreftum. Vit vilja savna í staðin fyri at spjaða flokkin, vit vilja leggja øll stríð og allar ósemjur aftur um okkum, og onnur viðurskifti skulu ikki sleppa at oyðileggja yvirornaða endamálið, var aftursvari hjá Høgna Hoydal í sambandi við "tobbamálið", tá valskrá floksins varð løgd fram Mynd: Jens Kristian Vang