leygardagur 29. januar 2005síða 15

NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Nr. 20 - 29. januar 2005 15 Mánadagin sum fór, 24. januar, fylti Kjartan Stakk- sund 75 ár. Føðingardagin helt hann í gjárkvøldið, fríggjakvøldið, tá ið tað var veitsla í missiónshúsinum Karmel á Eiði. Tað var so rímuligt, at Kjartan helt føðingardag í missións- húsinum á Eiði. Hann er missiónsmaður og eiðis- maður um ein háls. Foreldrini hjá Kjartani vóru Anna og Eli Stakk- sund. Hon var úr Andras- stovu, og hann var ættaður av Langasandi. Tey búsett- ust á Eiði og fingu fimm børn - Abraham føddur í 1926, Manni føddur í 1928, Kjartan føddur í 1930, Elin fødd í 1931 og Andrea, sum var fødd í 1934. Eftir á lívi eru Kjartan og Elin, sum býr í Havnini. Tá ið Kjartan varð fødd- ur, var tað omman, Elin, sum tók ímóti. Hon var út- búgvin jarðamóður og ættað úr Froðba. Á Eiði varð hon nevnd Suðuroyar Elin. Maður hennara var Jóan Magnus Hansen ella Jóan Magnus í Andras- stovu. Frá 1903 og fram til í 1945 ella í samfull 42 ár gekk hann tvær ferðir um vikuna við posti millum Eiði, Gjógv og Funning, og tí er tað ikki so undarligt, at hann tey seinnu árini varð róptur Gamli Postur har norðuri. Tað veit Vilhelm Johannesen at siga í bókini Postur í Føroyum, har onkr- ar søgur eru frá post-ferð- unum hjá Jóan Magnusi. Á hinari síðuni vóru abbin og omman hjá Kjart- ani Abraham og Olivia. Hon var av Strondum, og hann var av Langasandi. Hann var bara 36, tá ið hann doyði. Hesi vóru altso foreldrini hjá Eli Stakk- sund. Kjartan hevur verið akt- ingarmaður og seyðabóndi, tí hann átti hálva aðru mørk fyri Norðan. Eitt skifti ar- beiddi hann á trolvirkinum á Eiði, sum hann átti saman við øðrum í bygdini. Eina tíð helt trolvirkið til í kjall- aranum í Karmel, har 75 ára føðingardagurin varð hildin. Kjartan var eitt skifti málari á Eiði, og so fekst hann við at seta silda- gørn. Í 1953-54 var Kjartan á bíbliuskúla í Danmark. Tað, sum Kjartan fekk burturúr á bíbliuskúlanum, man hava komið honum til góða í missiónsarbeiðnum. Kjartan er trúgvur í kirkj- uni, og hann hevur verið heilt nógv við í missións- húsinum á Eiði og eisini aðra staðni kring landið. Kjartan átti eina fastur í Noregi. Hann er familju- kærur og skyldskapar- bondini til Noregs hevur hann gingið høgt uppí. Ikki færri enn tredivu ferðirnar hevur hann verið í Noregi og ferðast. Smyril Line gjørdi eitt sindur burturúr, tá ið Kjartan fyri 30. ferð- ina ferðaðist við teimum til Noregs. Kjartan Stakksund er fastur fúsur á Ólavsøku. Har er hann altíð í kirkju ólavsøkudag, og so gleðist hann um møguleikan at steðga á og hitta fólk og serliga at luttaka í nógvu útimøtunum, sum eru á Ólavsøku. Kjartan hevur fingist ikki so lítið við at yrkja, og undan tjóðarhá- tíðini plagar onkur yrk- ingin frá hansara hond at síggjast í bløðunum. Tíðliga í tíðini keypti Kjartan sær fototól og seinni eisini filmsupptak- ara. Hann hevur varðveitt nógvar hundrað myndir og nógvar tímar av filmi. Eiðis kommuna hevur nú hetta savnið, sum er sera kær- komið søguligt tilfar um eiðisfólk og bygdina. Tá ið teir fyri ikki so langari tíð síðani høvdu seyðasýning á Eiði, handaðu røktingar- menninir Kjartani klokku, har teir í inngraving á plátu takka honum fyri, at hann í myndum hevur syrgt fyri, at søgan um seyðahaldið í bygdini er so væl varðveitt. Inntil fyri stuttum hevur Kjartan búð í barnaheimi- num í Andrasstovu. Nú er hann fluttur í sambýlið á Eiði, Korndalsbýlið, og har hava hann og hini búfólkini tað gott. Kjartan Stakksund 75 ár Gullbrúdleyp Í dag, 29. januar, kunnu hjúnini Amanda og Leivur Andreasen í Klaksvík halda gullbrúdleyp. Vælkomst verður í Bøgøtu 3 frá kl. 17.00. 75 ára føðingardagur Týsdagin 1. februar verður Hans Poulsen, Klaksvík, ættaður av Eiði, 75 ár. Føðingardagurin verður hildin leygardagin 29. januar á Brekkuskáki 3 frá kl. 19.00. 70 ára føðingardagur Í dag, 29. januar, verður Adelborg Linklett, Klaks- vík, 70 ár. Dagurin verður hildin í Skálanum frá kl. 19.00. Prógv 10. januar fekk Hallur Jensen av Sandi prógv sum tyrlupilot frá Helicopter Adventures Inc, Titusville í Florida, USA. Durita Lamhauge Jóansdóttir hevur við Aarhus Universitet staðið B.A.-prógv í fjølmiðlavísindi (medievidenskab). Dagurin 29. januar. Valerius. Var síðst í triðju øld biskupur í Trier í Týsklandi. 30. januar. Aðalgunn, deyð umleið ár 684. Fyri at sleppa undan giftu, sum foreldrini vildu hava hana at ganga inn í, flýddi tann unga Aðalgunn og fór í Kleystur. Hon grundlegði seinni kleystrið Mau- beuge í Norðurfraklandi og var har tann fyrsta abba- dissan. 31. januar.Vigilius, deyður ár 405. Kemur ungur til Trient, har hann í 385 gerst biskupur. Tá ið hann á eini trúboðaraferð kollveltir eina skurðgudamynd, verður hann steinaður til deyða. Sunnudagin 30. januar hevur Heri Weihe á Orknoyarvegnum í Havn 60 ára føðingardag. Heri er ættaður úr Sørvági. Sonur Hansiu og Hentzar Weihe. Hentzar var vælkendur handilsmaður og eisini sat hann eitt skifti á Føroya Løgtingi fyri Sambandsflokkin. Heri flutti sum heilt ungur til Havnar, har hann fór í læru hjá P/f Wenzel Petersen á Bryggjubakka. Eftir lokna lærutíð fór hann á Maskinmeistaraskúla. Silgdi nøkur ár við Maersk. Kom heim eitt skifti og starvaðist á Brandstøðini í Havn, tvey tey seinastu árini sum brandmeistari. Fór so aftur at sigla, og var nøkur ár sum maskinstjóri við einum av Global bátunum. Síðani Heri gavst at sigla fyri 17 árum síðani, hevur hann starvast sum sýnsmaður hjá Tryggingar- felagnum Føroyar. Heri er giftur við Annu, dóttir Tórgerð og Hasse Kragesteen úr Havn. Tey eiga tveir synir, Ivan ið er 36 ár, ið sum pápin eisini er maskinmeistari, og Allan ið er 30 ár, ið er útbúgvin timburmaður, í løtuni er hann á skúla í Danmark at útbúgva seg víðari. Heri eigur 5 abbabørn. Vit ynskja Hera hjartaliga til- lukku við degnum, ið hann fer at halda saman við sínum nærmastu. Vit takka honum fyri tað hann altíð hevur verið og er. familjan í Hornabø Heri Weihe 60 ár Gullbrúdleyp Sunnudagin 6. februar hava hjúnini Hjørdis og Alberg Johansen í Sandavági verið gift í 50 ár. Tey, ið ynskja at heilsa upp á gullbrúðarparið, eru vælkomin á Nesavegi 10 eftir klokkan 18.00