leygardagur 29. januar 2005síða 18

TÓNLEIKUR tíðindaskriv Ferðin til Íslands á festival í Vestmannaoyggjunum, sum GRÓT skipaði fyri við bólkunum SIC og Ólavi og Torfinni úr Gestum sein- asta vikuskifti gekk frábera væl. Onnur kend nøvn spældu eisini á festivalinum, mill- um hesi frálíku vóru Hoff- mann, sum vitjaðu G! Festival seinasta ár og so super 68ara bólkurin Brain Police. Hesir teljast báðir millum heilt væl umtóktu bólkarnar í Íslandi fyri tíðina. Frásøgumaður á tiltak- inum var hin væl kendi Óli- palli frá Rás2 hjá íslendska Ríkisútvarpinum. Framførslan hjá Ólavi og Torfinni var sera væl mót- tikin og fólk sótu hugtikin og lýddu á vøkru sangirnar, framførdar einans við kassaguitarum og sangi. Løgini vóru nøkur vit kenna frá Gestum, okkurt spildur nýtt og so eitt Clickhazelag, sum Ólavur var við til at skriva og synja við bólkinum tann tíð tað var. Sic setti veruliga lív í áhoyrarafjøldina og vóru avgjørt millum best dámdu bólkarnar hetta kvøldið. Ja, satt at siga vóru Vest- mannaoyggjar á gosi hesa løtuna meðan Sic við sín- um orkulødda og grótharða tónleiki lótu føroyskt tónleikalava goysa úr sær. GRÓT hevur fyrr skipað fyri íslandsferðum og hesin táttur fer væntandi framyvir at verða tikin upp í størri mun enn áður. Tað er upplagt fyri føroyskar bólkar at royna seg í Íslandi og íslendsar bólkar at royna seg í Føroyum. 18 Nr. 20 - 29. januar 2005 Tøkk Hjartaliga takka vit øllum, sum sýndu samkenslu, tá okkara elskaði sonur og beiggi Jákup Øster Joensen Tórshavn doyði og fór til gravar. Takk fyri blómur, kransar og gávur. Vit takka øllum, sum ringdu, skrivaðu og komu inn á gólvið bæði heima og á Landssjúkrahúsinum. Vit takka øllum, sum bóru okkum ígjøgnum svárar dagar, og sum framvegis á so mangan hátt stuðla okkum í sorgini. Tøkk tit ungu, sum á tykkara serstaka hátt ugga okkum. Erling og Berit Lydia og Kári Bjarki,Tróndur, Magnus, Lea og Barbara Kunngjørt verður fyri ætt, vinum og kenningum, at elskaða kona mín, mamma, vermóður, omma og langomma okkara Kirsten F. N. Rasmussen,Tórshavn fødd Olsen, ættað úr Leirvík andaðist hósdagin 27. januar á Landssjúkrahúsinum, 85 ára gomul. Farið verður úr kapellinum á Landssjúkrahúsinum sunnudagin 30. januar kl. 17.00. Jarðarferðin verður mánadagin 31. janaur kl. 13.00 úr Havnar kirkju. Familjunnar vegna Nicodemus, Oddmar, Suni, Ólavur, Jonna Kathrina og Ninny Tey, ið vilja minnast Kirsten við blómum ella kransi, kunnu í staðin lata KFUK í Havn eina gávu á konto í Føroya Sparikassa. Tøkk Vit takka hjartaliga øllum tykkum, sum sýndu samkenslu og vóru um okkum, sendu heilsanir, blómur, kransar og gávur, tá ið okkara góði elskaði maður, pápi, sonur og beiggi Klæmint Olsen Tórshavn brádliga doyði og varð jarðaður. Tøkk til prest, sangarar og øll tykkum, ið veittu okkum stóra og góða hjálp við jarðarferðina. Tøkk øll tit, ið fylgdu Klæmint til hansara seinastu hvíld. Vegna tey avvarðandi Ragnhild, Elisabeth, Annika og Sunniva og Elisabeth Leygardagin 29. januar fyllir ein vælkend kvinna sjeyti. Tað er nevniliga Adelborg Lin- klett í Klaksvík. At henda vinkona nú fyllir 70 er ófatuligt – og man stendur spyrj- andi: "Kann tað bera til" – hetta lívstykkið – hendan "humør- bumba" – hendan vakurleikadrotn- ing – og fram um alt – hendan megnar sjónleikarkvinna, ið ber seg so væl. Kom at kenna Adelborg rættiliga tíðliga, tá ið vit vóru til "skips" saman við gl. Sjúrðarberg í Grims- by. Vit vóru í Onglandi og seldu fisk – og gjørdu nakrar umvælingar á skipið – so vit vóru nakrar dagar saman í Grimsby. Tað var nevnliga so, at Kiss var telegrafistur – so har var nógvur látur – tí stuttligari mann kanst tú neyvan finna. Tað sum eg minnist best til hend- an túr, var at vit vóru í Cleedtorp, og Adelborg lærdi meg at dansa. Eisini var systurdótturin Helma við á túrinum. Tað var ógloymandi. Seinni kom eg at kenna Adelborg væl – og var hetta gjøgnum sjón- leik. Tað byrjaði í 1977, tá ið Klaks- víkar Sjónleikarafelag var endur- stovnað og vit spældu KARL XII. Seinni bleiv tað til nógvar leikir: Landastrokið, Fríggjarafløkjan, Heiðursborgarar, Delerium Bubon- is og aðrir. Tað hevur altíð verið ein fragd at spælt saman við Adelborg, tí sjón- leikari er hon ein av okkara bestu – og tú skal ikki vera bangin fyri, at tú ikki fær "respons", tá ið tú er á palli saman við henni. Hon gongur 100 prosent upp í sín leiklut – men er ikki bangin fyri at hjálpa øðrum á palli, um tey ivast og ikki føla seg væl. Hon hjálpir teimum at "finna" persónin. Er Adelborg ófør á palli, ja, so er hon ikki minni ófør handan leik- tjøld. Tað er ótrúligt, hvat hon kann finna upp á – finna lutir (rekvisitt- ir) – og tað hevur verið so, at um onnur feløg – eitt nú Havnar Sjón- leikarafelag ella Gríma, standa og mangla okkurt og ikki kunnu finna tað, so er bara at ringja til Adel- borg. Eigur hon tað ikki sjálv – ja, so skaffar hon tað. Síðan Klaksvíkar Sjónleikara- felag var endurstovnað í 1977, hev- ur Adelborg tey allarflestu árini sitið í nevndini, mest sum formaður – og tað má hon hava verið eini 20 ár tilsamans. Eg taki ikki munnin ov fullan, tá ið eg sigi, at har hevur Adelborg verið "primus motor" – og uttan Adelborg hevði einki sjónleikara- felag verið í Klaksvík í dag. Tað er heilt ótrúligt, hvat hon hevur verið fyri hetta felag. Eitt annað er – og sum vit ofta flenna at – er at finna leikarar. Hon kann "finna" tey mest ótrúligu fólk at spæla sjónleik, fólk, sum tú ikki hevði droymt um, kundu ella vildu spælt sjónleik. Tey kemur Adelborg "dragsandi" við – og eru eisini bliv- in eitt stórt "aktiv" hjá felagnum. Hin 12. mars 2004 fekk Adelborg "Herðaklappið" frá Leikpalli Før- oya, og hevur nakar innan fyri sjón- leikaraverðina í Føroyum uppiborið hendan heiður, so er tað Adelborg. Vit, sum kenna Adelborg frá sjón- leikaraheiminum, vóru sera glað um hetta val. Góða vinkona, eg kundi skrivað nógv afturat (vit blása upp á tygara harur/nú fari eg eftir lyklinum til vínkjallaran o.s.v.) – men hetta verður okkara millum. Vil so fegin ynskja tær hjartaliga tillukku – og at tú fær nógv góð ár afturat saman við Kiss, synunum, ommubørnunum og langommu- børnunum. Eg og mong við mær eru glað fyri, at vit lærdu teg at kenna og kunnu rokna okkum upp í tín stóra vinaskara. Jógvan E. Ósá Adelborg Linklett Ung kvinna fyllir 70 Vestmannaoyggjar á gosi