leygardagur 5. februar 2005síða 10

10 Nr. 25 - 5. februar 2005 Fyrrapartin ígjár frættist, at loysn er funnin fyri virkini hjá Sandoy Seafood í Skopun og á Sandi, sum hava merkt sviðan frá teimum lágu prísunum á frystum upsa- vørum. Eftir tí, sum higartil er komið fram, hevur Sand- oy Seafood gjørt eina avtalu um skuldina hjá felagnum, soleiðis at felagið aftur verið rakstrarført. Hetta mugu vit fegnast um, tí gavst felagið við virk- seminum í Sandoynni, hevði óivað verið tungt at fingið virksemið uppaftur. Avleiðingin hevði kanska verið, at trupla støðan í sunnaru helvt í Suðuroynni hevði flutt seg norður um Suðuroyarfjørð til Sandoynna. Støðan í Sandoynni var trupul, eftir at flakavinnan varð umskipað miðskeiðis í 90-árunum, men ein ætlan var medvirkandi til, at virksemið á virkjunum á Sandi og í Skopun varð tikið uppaftur. Men Sandoyarætlanin var bara ein partur av loysnini, tí hin parturin - fólk, sum høvdu áræði og tordu at fara undir virksemi av nýggjum - skuldi eisini til. Og uttan bæði drivnar og hugflogs- ríkar vinnulívsmenn í Delta Seafood á Tvøroyri hevði Sandoyarætlanin neyvan verðið burðardygg. Sandoyarætlanin er nógv umrødd í samband við støðuna í sunnaru helvt í Suðuroynni, serliga í Vági. Í stuttum skal sigast, at Sandoyarætlanin varð ein samtykt á løgtingið, sum setti av tríggjar milliónir krónur til at fara undir virksemi á teimum báðum virkjunum í Skopun á Sandi. (Heta var kortini ikki nóg mikið at fáa virkini løggildað, men stigtakararnir útvegaðu meiri pening). Men um ein sandoyarætlan - ella ein suðuroyarætlan - við nøkrum milliónum krónum í játtan til flakavirksemi í sunnaru helvt í Suðuroynni er rætta loysnin, er tann stóri spurningurin. Í øllum førum seta vit stórt spurnar- tekin við hesar tankar, tí, sum skilst, er støðan í sunnaru helvt í Suðuroynni nógv truplari enn sum so, tí kreppan har suðuri er nógv meiri bygnaðarlig, ella strukturell. Tað merkir kortini ikki, at politiski myndugleikin ikki skal vera við til at loysa støðuna har suðuri - eisini við peningi. Men tað mugu fyrst og fremst vera vinnu- lívsfólk í sunnaru helvt í Suðuroy - ella fólk aðrastaðni, um teir neyðugu leiðararnir og íleggjararnir ikki finnast á staðnum - sum taka tey vinnuligi stigini fyri at fá gongd á aftur vinnulívið í hesum landspartinum, sum hevur átt ein týðandi leiklut í føroyska búskapinum. Tað almenna skal skapa nakrar betri karmar og somu fyritreytir sum vinnuliívið aðrastaðni, men intiativið mugu lokalar kreftir taka. Lagt varð fyri við at siga, at tað er eydnast at fáa virk- semið í Sandoy Seafood tryggjað við nøkrum avtalum og nýggjum kapitali. Uttan at gera nakrar samanbering- ar, so slepst ikki undan at gera sær nakrar tankar um støðuna og spyrja, hvussu tað ber til, at líknandi ikki ber til í sunnaru helvt í Suðuroynni. Har finst gott fólk - bæði á sjógvi og á landi - og hesar góðu kreftir mugu taka stig og í felag virka fyri at fáa gongd á aftur vinnulívið, so tað aftur verður trivnaður í hesum partinum í landinum. DAGSINS MEINING Sosialurin Virksemið er tryggjað... VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Teresa Jensen teresa@sosialurin.fo Hjørdis Gregersen hjordis@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Gerhard Lognberg løgtingsmaður Nú fólkatingsval er fyri durum, og valevnini úr øllum flokkunum bjóða seg fram, við teimum bestu loysnunum fyri okkara kæra Føroya land, og ivist eg ikki í, at øll vilja tað besta. Eg havi lagt merki til, at nógv verður tosað um ES. Út frá míni persónligu meining er ES nakað, sum vit ikki skulu blíva partur av, men heldur royna at gera avtalur. Sum limir høvdu vit mist allan okkara identitet. Um so verður, at ein ES grundlóg verður til endans, so má henda undir ongum umstøðum trýstast yvir høvdið á okkum. Føroyar eiga og skulu verða uttan fyri ES. Farið á val og velji eitt av valevnum hjá Javnaðar- flokkinum. Thomas Arabo Javnaðarflokkurin Okkara fjølmiðlafólk royna at reka uppundir, at Løg- maður ikki burdi stillað upp til Fólkatingsval. Sjálvandi eigur hann tað. Hetta er gomul siðvenja, og kemst hon av, at floksfor- maður og løgmaður altíð hava verið sami persónur. Sjálvandi skal floksfor- maðurin leiða ein flokk inn í eitthvørt valstríð, og tað, at hann í okkara føri er Løgmaður er eingin vansi, m.a. tí at valskeiðini ikki eru samanfallandi. Sjálv- andi situr Jóannes Eides- gaard tryggur sum Løg- maður fyri tí, um hann still- ar upp til fólkatingsval. Loysingarflokkarnir hava mangan sagt, at einki ber til uttan fullveldi. Tað bar ikki til at yvirtaka ráevnini í undirgrundini uttan loys- ing. Tað bar ikki til at fáa Vaktar og Bjargingartæn- astuna uttan loysing o.s.fr. Men tað bar til við góðum politiskum handalagi og treiskni. Nú siga teir, at tað ber ikki til at fáa víðkaðar uttanríkisheimildir uttan fullveldi. Sjálvandi ber tað til! Tað er ein spurningur um sjálvsálit. Vit í Javnaðarflokkinum síggja ljóst uppá at koma framá á sjálvstýrisleið, sjálvt um vit mangan mugu arbeiða í mótbrekku, har mótstøðan løgið nokk ikki kemur frá Sambandsflokk- inum, men frá teimum ið siga seg vilja koma fram á sjálvstýrisleið. Síðsta skrímslið, ið hálað verður úr skjáttunni er ES spurningurin. Sjálvandi skulu øll ES viðurskiftini kannast, men tað verður fyrst og fremst ein spurn- ingur til komandi løgtings- val, meðan eingin panikkur eigur at verða í tí málinum í løtuni. Okkara ES viður- skifti hanga neyvt saman við, hvat hendir í Noregi og Íslandi, og alt bendir á, at tað verður eitt nýtt Løgting, ið kemur at taka støðu til tað málið. Í Javnaðarflokkinum eru nógv góð fólk, ið bjóða seg fram sum fólkatingsval- evni, og hjá okkum eru tað úrslitini, ið telja og ikki talið av yvirskriftum í fjøl- miðlunum, og so sanniliga ikki, hvussu nógv uppskot man hevur liggjandi í eini skuffu! Summi valevni markn- aðarføra seg uppá, at vilja verða fólkatingslimur bur- turav. Tað er nú einaferð so, at summi megna ikki meir enn at loysa eina uppgávu í senn, meðan onnur klára væl og virðiliga fleiri. Soleiðis eru vit so ymisk. Eidesgaard frá sum løgmaður? VAL05 Fólkatingsval VAL05 Birgir Mohr Sandi Størsta mistak, sum vit føroyingar kundu gjørt, var at valt sjálvstøðugan før- oyskan valuta – føroyska krónu, sum Miðflokkurin ætlar tað, tí tað gjørdi Ís- land. Rokningina fyri tað mis- takið hevur íslendska fólkið goldið í dýrum, og fleiri ferðir vórðu nullini strikað, fyri at íslendska krónan kundi vera ein króna. Hetta kostaði íslending- um nógv. Tað tók 40 ár at fóta sær búskaparliga, og fleiri generatiónir av ís- lendingum fóru í grøvina fátækir, hóast tey høvdu livað eitt virkið, langt og skilagott lív. Tann avgerðin hevur einki at gera við búskapar- liga viðvindin hjá okkara brøðratjóð fyri norð-vestan í dag, og helst fer eisini Ís- land sum frá líður yvir til evruna. Vit føroyingar hava eitt at gera, um Danmark fer frá donsku krónuna til evruna, og tað er at vit gera tað sama. Tað er tó ein møgu- leiki fyri, at vit kanska skuldu farið yvir til evruna undan dønum, um hini norðurlondini gera tað og Stóra Bretland eisini. Men ong føroyska krónu, tað tænir ongum endamáli. Tað siga vit í Javnaðar- flokkinum. Gott val! Veljið Javnaðarflokkin. Javnaðarflokkurin velur evruna sum valuta! VAL05