mikudagur 9. februar 2005síða 24

24 Nr. 27 - 9. februar 2005 Fiskirannsóknarstova n hevur nú sett tøl á, hvussu stór hjáveiðan av øðrum fiskasløg- um er uppi í veiðini hjá skipi, sum roynir við flótitroli. Veiðan hjá Nærabergi ein túr, sum skipið gjørdi í november og desemb- er, er kannað. Kann- ingarnar vísa, at fitt av upsa er uppi í svartkjaftaveiðini við flótitroli, meðan minni íblanding er av toski og øðrum fiska- sløgum HJÁVEIÐA Vilmund Jacobsen vilmund@sosialurin.fo Í fjør høvdu vit fleiri grein- ar í blaðnum um, hvørt hjá- veiðan hjá svartkjaftatrol- arunum kann vera ein trupulleiki fyri onnur fiska- sløg ella ikki. Vit høvdu samrøður við leiðaran á Fiskiveiðieftirlitinum, Elm- ar Højgaard, Hjalta í Jákupsstovu, leiðara á Fiskirannsóknarstovuni, og vit høvdu eisini samrøður við landsstýrismannin, Bjørn Kalsø, um hesi við- urskifti. Spurningurin tók seg upp eftir, at eitt nú íslendingar høvdu gjørt kanningar av hesum viðurskiftum og staðfest, at ein ávís hjá- veiða er uppi í veiðini hjá svartkjaftaskipunum. Teori um gongd Menn, sum eru virknir í ísfiskavinnuni í Føroyum, hava stundum spurt, hvar tann stóri fiskurin er, eitt nú tann stóri upsin, nú Vár- harra hevur vælsignað okk- um seinastu árini við met- góðari upsaveiði, sam- stundis sum upsin hevur verið rættiliga smáfallandi. Spurt hevur verið, um tann stóri fiskurin kanska gongur uppi í svartkjaftin- um, nú gróðurkanningar seinastu árini hava víst, at gróðurin í havinum hevur verið so lítil, tó at hann í fjør heyst aftur vísti seg at vera á veg uppeftir. Í samrøðum, vit høvdu við Elmar Højgaard, helt hann, at kanningarnar, sum higartil vóru gjørdar, vóru ikki nóg gott grundarlag til at meta um hesa hjáveiði. Hann vísti á, at lítil fiski- skapur hevði verið eftir svartkjafti í føroyskum sjógvi, síðan kanningarnar byrjaðu og legði dent á, at Fiskiveiðieftirlitið fór at taka kanningarnar uppaftur, tá ið meira svartkjaftur aftur fekst á okkara leiðum. Sum skilst, hevur spurn- ingurin um hjáveiði uppi í svartkjaftafiskiskapinum afturvendandi verið havdur á munni á løgtingi, og landsstýrismaðurin hevur í orðaskifti fleiri ferðir verið spurdur, hvussu stór henda hjáveiða í veruleikanum er. Nýggjar kanningar Fiskirannsóknarstovan hevur nú í tíðarskeiðnum, 10. november til 7. desemb- er kannað hjáveiðina við flótitroli hjá svartkjafta- trolaranum, Nærabergi. Niðurstøðan er, at um- framt hjáveiði av prikka- fiski og øðrum smáum uppisjóvarfiskum, var upsi eisini uppi í veiðini hjá svartkjaftatrolaranum. Tað kann ljóða lítisvert, tá ið hjáveiðan av øðrum fiskasløgum er so lítil, sum tølini vísa, men havast skal í huga, at nøgdirnar, sum svartaskipini fiska, eru so stórar, at tey fáu prosentini skjótt kunnu gerast til stór tøl, tá ið saman um kemur. Fiskirannsóknarstovan sigur, at hjáveiðan av upsa hjá Nærabergi hendan túrin var 3,2% í miðal. - Men spjaðingin var stór. Eingin upsi var í onkrum hálum, og eitt hálið var hjáveiðan heili 20%. Samlaða hjáveiðan av upsa hendan túrin var 129.000 pund. - Upsin var yvirhøvur stórur - í miðal 77 senti- metrar til longdar og vigaði í miðal 4,7 kilo. Magakanningar vístu, at upsin, sum gekk uppi í svartkjaftinum, serliga hev- ur etið svartkjaft, prikka- fisk og æti. Lítil toskur Fiskirannsóknarstovan sigur, at hjáveiðan av toski uppi í svartkjaftaveiðini hjá Nærabergi hendan túrin var 0,02%, sum svarar til 772 pund. - Nøgdin av toski er minni enn í íslendsku kann- ingunum, sum gjørdar vórðu í 2003. Toskurin var í miðal 74 sentimetrar til longdar og vigaði í miðal 9 pund. - Kanningarnar vístu, at toskurin hevur etið nógvan svartkjaft, og onkur fiskur hevði eisini etið prikkafisk og lítla lakstobis. Onnur hjáveiða Á túrinum hjá Nærabergi kannaði Fiskirannsóknar- stovan eisini nøgdirnar av hjáveiði av øðrum fiska- sløgum, og her var hjá- veiðan av prikkafiski 0,3 % ella 11.600 pund, hjáveiðan av lítla laksatobis 0,2 % ella 8.000 pund og hjáveið- an av agnhøgguslokki 0,3 % ella 11.800 pund. Hjá- veiðan av øðrum fiskasløg- um var í smáum nøgdum; onnur fiskasløg vóru bert uppi í veiðini av og á. Mæla til rist Eftir túrin hjá svartkjafta- trolaranum, Nærabergi, mælir Fiskirannsóknarstov- an til at skunda undir royndirnar at fáa rist til flótitrol at rigga sum skjót- ast, soleiðis at ristin kann skilja tann stóra fiskin frá tí smáa, ið fiskað verður eftir. Fiskirannsóknarstovan heldur, at hjáveiðukanning- ar eisini mugu gerast fyri onnur tíðarskeið av árinum fyri at fáa eina betri mynd av hjáveiðuni hjá svart- kjaftaflotanum. Fiskirannsóknarstovan hevur nú kannað hjáveiðina av øðrum fiskasløgum, sum er uppi í svartkjaftaveiðini, tá ið roynt verður við flótitroli. Kanningarnar fóru fram umborð á Nærabergi í november og desember í fjør Fiskirannsóknarstovan mælir nú til at skunda undir royndirnar við rist til flótitrol, soleiðis at ristin kann skilja tann stóra fiskin frá tí smáa, ið fiskað verður eftir Hjáveiðan við flótitroli ger tað neyðugt at fáa ristina at rigga