týsdagur 15. februar 2005síða 32

32 Nr. 31 - 15. februar 2005 StÍF-Neistin 19-25 (10-9): Meira enn Simona Tað vardi ein hálv- leik, áðrenn Neistin fekk skil uppá spælið, men seinasta hálva tíman var ikki ivi um úrslitið HONDBÓLTUR Jákup Mørk jakup@sosialurin.fo »Neistin stendur og fellur Simonu«. Soleiðis hevur ljóðað fleiri ferðir í ár, tá tosað hevur verið um steypafinalistarnar úr Neist- anum. Simona Petersen hevur støðugt verið stóra skothóttanin hjá liðnum, og við at kveita at mál- tindinum, sæst eisini, at nakað hevur verið um tosið. Tí mundu fleiri á Skála helst eisini halda, at tað fór at skapa trupulleikar hjá Neistanum, nú litaviski stórskjúttin mest sum ikki var tøk til dystin móti StÍF. Gaman í var Simona við í hópinum, men fyri tað allar mesta varð hon sitandi á beinkinum, og tað gav til tíðir stórar trupulleikar hjá liðfeløgunum. Fyri stðgin tóktist hetta eisini skula kosta stig. Tað leikaði javnt á, men StÍF var fyri tað mesta eitt vet frammanfyri, og tó at Neistin royndi at hanga í, so eydnaðist teimum ikki at halda fast. Hetta broyttist tó í seinna hálvleiki. Fyrst og fremst, so fingu tær bláu verjuna at koyra. StÍF slapp als ikki sama mun fram til møguleikar, og við Helenu Dam Poulsen í málinum, skal eisini meira enn bara ein hálvhjartað skotroynd til, áðrenn mál verður skotið móti Neistanum. Góða verjuspælið gav eisini fleiri møguleikar til mótálop, og so hvørt, sum minuttirnir gingu, øktist munurin millum liðini. Eitt skifti var tó um reppið, at StÍF fekk sam- band aftur. Tær minkaðu munin niður í 18-19, men so var eisini liðugt. At liðið bara hevði átta leikarar á dómaraseðlinum tóktist eisini merkja kropsligu javnvágina á liðnum. Leikferðin fór alsamt niður, samstundis sum mistøkini øktust í tali, og so kundi Neistin staðfesta sigurin. Tær halda við hesum eisini framvegis fast um bronsu- krónurnar, og í løtuni er ilt at síggja, at nakar skal taka hesar frá teimum. Fakta um dystin StÍF-Neistin 19-25 (10-9) Málskjúttar StÍF: Rebekka Justinussen 6, Poula D. Olsen 6, Malan Petersen 3, Sunfríð B. Jacobsen 2(1), Paula B. Jacobsen Neistin: Marjun Tróndar- son 10(6), Ása Dam á Neystabø 4, Mildrið Jacob- sen 4, Annika Thomsen 3, Kára á Dunga 1, Simona Petersen 1, Lív Reynheim 1 Brotskøst: StÍF 1, Neistin 7 Útvísingar: StÍF 3 Dómarar: Uni Wardum & Hannis Wardum. Neistin gjørdi bart í grannauppgerðini í Havn sunnudagin og basti føroyameistar- unum úr Kyndli, sum harvið mistu eitt týð- andi fet á leiðini móti at endurvinna meist- araheitið ATLANTIC AIRWAYS KAPPINGIN Terji Nielsen terji@sosialurin.fo Tað var eitt ógvuliga upp- sett neistalið, sum fór á vøllin sunnudagin. Neistin hevur verið í framgongd seinnu umførini, og tað tykist sum um, at teir bláu úr Havn nú av álvara hava fingið sjálvsálitið aftur. Tað var undir øllum umstøðum sjón fyri søgn, at Neista- liðið var nógv meiri tendr- að enn Kyndlaliðið, tá ið liðini hittust sunnudagin. Undirmettir Seinast hesi bæði lið hittust vann Kyndil stórsigur 42- 21, og spurningurin er, um hesin stórsigur sat í bak- høvdinum á teimum grønu, soleiðis at skilja, at teir høvdu hug til at undirmeta grannarnar. Um so var, so var tað eitt stórt mistak, tí man skal aldrin undirmeta eitt lið, sum hevur so mikið frægar leikarar sum Áka Mørk, Damir Oros, Blagoje Buha og unga Trónd Krage- steen. Tað skal eisini sigast, at hjá Kyndli var eingin Jakob Jónsson við, og hetta er sjálvsagt ein smeitur fyri liðið, men hinvegin so hev- ur Kyndil so mikið breiðan hóp, at aðrir kunnu taka við í hansara stað. Talan gjørdist um ein sera javnan og spennandi dyst sunnudagin. Liðini fylgdust væl, men tað var Neistin, sum so at siga allan dystin hevði munin, og tað var í veruleikanum bert eina ferð í dystinum, at Kyndil var á odda. Jota í essinum Ein tann sjónligasti leikarin á vøllinum sunnudagin var neistamálverjin, Jota, sum hevði ein av sínum heilt góðu døgum. Hann tók fleiri upplagdar málmøgu- leikar hjá Kyndli, og ikki minst royndist hann væl, tá ið Kyndil hevði brotskast. Hetta noyddust Jónleif Sól- sker, Josef Abrahamsen, Hans Áki Dal-Christiansen og Janus Einar Sørensen at staðfesta, tá ið teir sóu vælleikandi málverjan taka teirra royndir. Álopsspælið hjá Kyndil kom ongantíð av álvara í gongd í dystinum, og flata verjan hjá Neistanum hevði sera gott tak á Kyndli. Einasti maður hjá teimum grønu, sum fleiri ferðir megnaði at berja seg gjøgnum bláa verjumúrin, var ungi Rókur Akralíð. Tað er undrunarvert, at ein bert 17 ára gamal drongur skal hava so stóran týdning á einum liði, sum liggur og stríðist fyri at gerast føroya- meistari. Rókur er ein sera evnaríkur leikari, sum kann koma langt innan fyri hondbóltin. Tað sama kann sigast um javnaldran hjá Róki, Trónd- ur Kragesteen, á neistaliðn- um. Tróndur er ein spenn- andi leikari, ið kann spæla á fleiri plássum. Sunnu- dagin var hann fyri tað mesta nýttur sum striku- spælari, men hann royndi seg eisini sum bakspælara. Neyvari atsóknir Sum áðurnevnt gekk tað rættuliga javnt á í dystin- um. Neistin hevði kanska munin, men fleiri bóru ótta fyri, at tað fór at enda galið hjá Neistanum, tá ið stór- skjúttin Damir Oros beint fyri hálvleik fekk sína næstu útvísing. Hetta merkti, at antin valdi Neistin framhaldandi at hava Oros í verjuni og harvið verða í vanda fyri at fáa reyða kortið, ella nýttu teir hann bara í álopinum, hóast hann er sterkur verjuspælari. Sámal Johansen, neistavenjari, valdi at Oros einans skuldi verða við í álopinum, og tí var ungi Roar Dalsgarð settur inn í verjuna, og hann royndist væl. Eitt skifti var Kyndil tó við at venda dystinum, tá ið teir fyri fyrstu og einastu ferð í dystinum, fingu leiðsluna. Tað var tá ið Rókur Akralíð legði teir á odda 22-21 tíðliga í seinna hálvleiki. Men Neistin svaraði skjótt aftur, og tað lá líkasum í luftini, at hetta fór at verða dagurin hjá Neistanum. Tað var tað eisini, og tá ið Helgi Mich- elsen legði Neistan á odda 30-28, og bert ein hálvur minuttur var eftir at spæla, var dysturin avgjørdur. Tað tóktist eisini á Kyndlaleikarunum, at teir vóru ikki so motiveraðir, og stríðsviljin var at kalla ikki til staðar. Stríðsviljin var hinvegin so avgjørt til staðar hjá Neistanum, og hóast talan var um eitt framúr liðavrik hjá botnliðnum, so slepst ikki undan at nevna Jota í málinum og eisini vong- spælaran Helga Michelsen. Helgi mundi spæla ein tann besta dystin, ið hann nakr- antíð hevur spælt á besta liði Neistans. Sigurin móti Kyndil hev- ur óivað givið neistamonn- unum nýtt sjálvsálit, og spennandi verður at síggja, hvussu tað fer at ganga í annaðkvøld, tá ið Neistin fær vitjan av kollfirðingum. Kyndil skal hinvegin veru- liga taka seg saman, um teir framhaldandi ætla at verða við í kappingini um meist- araheitið. Hóskvøldið fáa teir møguleikan fyri at fáa uppreisin fyri ósigrarnar í seinastuni, tá ið teir fáa vitjan av steypavinnarunum úr StÍF. Kyndil-Neistin 28- 30(16-17) Kyndil: Rókur Akralíð 8, Høgni Klein 7, Hans Áki Dal-Christansen 3, Janus Einar Sørensen 3(1), Ragn- ar Stakksund 2, Josef Abra- hamsen 2(1), Jónleif Sól- sker 2, Finnur Hansson 1 Neistin: Damir Oros 8, Áki Mørk 6, Helgi Michelsen 6, Blagoje Buha 5, Tróndur Kragesteen 4, Ólavur Brim- nes 1 Brotskøst: Kyndil 6(2) Útvísingar: Kyndil 1, Neistin 6 Dómarar: Kári og Dánjal Hansen Kyndil-Neistin 28-30(16-17) Botnliðið koppaði føroyameistarunum Við einum framúr góðum liðavriki eydnaðist tað sunnudagin Neistanum at koppa grannunum úr Kyndli, og harvið tryggjaði Neistin sær tvey kærkomin stig. Mynd: Álvur Haraldsen