hósdagur 17. februar 2005síða 3

Nr. 33 - 17. februar 2005 3 Ábraham Løkin, stjóri á Fofish, vil ikki siga, hvussu nógv reiðaríini fáa fyri upsan, sum verður frystur umborð á russiska móðurskip- inum, men hann vísir á, at prísurin er av- talaður, og hann er munandi betri, enn skipini annars fáa fyri upsan í løtuni FISKIVINNA Vilmund Jacobsen vilmund@sosialurin.fo Í vikuni kemur eitt russiskt móðurskip inn á Skála- fjørðin. Skipið verður lagt við oljubryggjuna hjá Runavíkar kommunu, har tað fer at taka ímóti og frysta smáa upsan, sum sølufyritøkan, Fofish í Runavík, selir fyri reiða- ríini, Beta, Sjóborg og Kúr- berg. Í løtuni liggur skipið á Havnini og verður gjørt klárt at taka ímóti upsa. Ábraham Løkin, sum er annar av monnunum aftan fyri Fofish, sigur, at eftir ætlanini skuldi russarin longu verið komið inn á Skálafjørðin, men tað hevur tikið nakað longri tíð enn ætlað at gera skipið klárt til móttøkuna. – Vit vænta, at skipið kemur inn á Skálafjørðin í morgin, segði Ábraham, tá ið vit høvdu hann í tele- fonini í gjáramorgunin. Etin í Ruslandi Fofish hevur fingið eitt fyribilsloyvi frá landsstýr- inum, sum er galdandi í átta vikur at frysta smáan upsa – upsa 4, sum vigar upp til hálvt annað kilo – umborð á russiska skipinum. Skipið klárar at frysta 25 tons um samdøgnið, og lastir tekur eini 200-250 tons. Ábraham sigur, at tá ið lastin er full, kemur eitt annað russiskt skip eftir fiskinum, sum verður seld- ur og etin í Ruslandi, sum hann tekur til. – Sostatt kemur hesin upsin ikki aftur á evrope- iska marknaðin í kapping við eitt nú føroyska upsan, leggur hann aftrat. Stjórin í Fofish vísir á, at føroysku reiðaríini hava ongan møguleika at klára seg við tí upsaprísi, sum verið hevur í longri tíð. Hann vil ikki siga, hvussu nógv reiðaríini fáa fyri fiskin, sum verður frystur umborð á russiska móðurskipinum, men vísir á, at hesin prísurin er avtal- aður, og hann er munandi betri, enn skipini annars fáa fyri fiskin í løtuni. Sum skilst, er tað danska felagið, Kangamiut, sum keypir upsan frá føroysku reiðaríunum og selir hann aftur á russiska marknaðin- um. Skildur fiskur Fyri at lúka treytirnar, sum landsstýrið hevur sett, er neyuðugt, at upsin verður skildur, og hetta arbeiðið verður gjørt í høllini hjá Beta í Saltangará. – Tað hevði verið lættari og bíligari fyri reiðaríini, um eini 20-30% av fisk- inum kundu verið 3’arar, tí tá hevði ikki verið neyðugt at skilt fiskin í sama mun sum nú. Tá kundi tann stóri fiskurin verður skildur frá á veg niður í lastina og seldur fyri seg, meðan tann smái fiskurin fór umborð á móðurskipið til frystingar og sølu í Ruslandi. Ábraham sigur, at treytin hjá landsstýrinum við fyri- bilsloyvinum er, at fiskurin verður bjóðaður út á upp- boðssølu í Føroyum, áðr- enn hann verður frystur og útfluttur. – Skipini fáa so nógvan upsa – og fiskurin er so smáur, at stundir eru ikki hjá manningini at skilja allan fiskin umborð. Tí er neyðugt at gera hetta í landi, leggur hann aftrat. Umborð á russaranum verður fiskurin avhøvdaður og frystur, og høvdini koma síðan í land aftur. Tey verða seld til Høvdavirkið í Leir- vík, um teir ynskja at keypa tey. Ábraham Løkin sigur, at upsamarknaðurin í Russ- landi tykist økjast, og tí er at vóna, at hetta verður ein glotti á leiðini, nú prísurin annars hevur verið so lágur sum ongantíð áður. FÓLKAFLOKKURIN XA Hjartans tøkk fyri stuðulin á fólkatingsvalinum l Anfinn Ka lsberg Annika Olsen Bergur Bærendsen Bjarni Djurholm Bjarti Mohr Hanna Jensen Heðin Zachariasen Hjørdis Viberg Ingi Olsen Jacob Vestergaard Jákup Mikkelsen Jógvan á Lakjuni Jógvan við Keldu Jørgen Niclasen Kjartan I. Joensen Óli Breckmann Óli Nolsøe Poul D. Klementsen Poul Michelsen Ragnar S. Olsen Rúna Sivertsen Tummas í Garði Loysir seg nógv betur at frysta upsan Upsin, sum verður frystur umborð á russiska móðurskipinum, verður skildur hjá P/F Beta, tí fyribilsloyvið, sum landsstýrið hevur givið í átta vikur, fevnir bert um upsa 4. Umborð á móðurskipinum verður fiskur avhøvdaður, áðrenn hann verður frystur. Høvdini verða síðan koyrd í land aftur Mynd: Vilmund Jacobsen