fríggjadagur 18. februar 2005síða 4

Mikukvøldið spældu nøkur av fremstu føroysku tónleika- nøvnunum seinnu árini til konsert í Fuglafirði, og spælt varð ikki minst fyri einum amerikanara, sum var millum áhoyrararnar TÓNLEIKUR Eyðun Klakstein eydun@sosialurin.fo Myndir: Jens Kr. Vang Eivør Pálsdóttir, Salt, Týr, GoGo Blues, Kári Sverris- son og Jóannes Andreas- sen. Tað vóru sangararnir og bólkarnir, sum vóru á pallinum til eina serliga konsert í Mentanarhúsinum í Fuglafirði mikukvøldið. Konsertina høvdu fyrireik- ararnir kalla Tónakrás, og konsertin varð millum ann- að ætlað einum forkunnug- um amerikanskum gesti. Tað var áhugabólkurin, sum hevur skipað fyri vitj- anini við navnframa ameri- kanska undirhaldsadvokat- inum Robert E. Gordon, ið tók stig til konsertina. Endamálið var at sýna fram tað besta innan føroyskan tónleik fyri Roberti og øllum øðrum, sum vildu lýða á. Og so varð spælt – av lív- sins kreftum. Útboðið var fjølbroytt við inniligum vísutónleiki, kórsangi, rocktónleiki og klaverspæli. Spennandi vitjan Robert E. Gordon hevur verið í Føroyum í nakrar dagar, og hann hevur havt ymiskt á skránni hesar dagarnar. Vitjanin hevur til endamáls at savna vitan um tónleikaídnaðin og tað hev- ur gingið sera væl higartil, siga fyrireikararnir. Farna vikuskiftið greiddi Robert E. Gordon frá sín- um hendingaríka lívi sínum á eini hugnaløtu á Hafina Lounge, har Knút Eystur- stein eisini nakrar sangir av nýggju fløguni hjá sær. Mánadagin hevði Robert framløgu í Norðurlanda- húsinum um hvussu løg- frøðisligi parturin av tón- leikaídnaðinum er skrúv- aður saman við rættindum, sáttmálum, royalties, um- boðan og mongum øðrum. Mikumorgunin hitti Robert vinnumálaráðharr- an Bjarna Djurholm og mentamálaráðharran Jógv- an á Lakjuni. Síðani gekk leiðin til Forngripasavnið og haðani norður til Gøtu, har vitjað verður í Blása- stovu og gomlu Kirkjuni. Kvøldið endaði við serligu konsertini í Mentanarhús- inum í Fuglafirði, har Robert E. Gordon slapp at hoyra nakað av tí besta, sum føroyingar kunnu bjóða av tónleiki. 4 Nr. 34 - 18. februar 2005 Føroyskt tónakrás til amerikanskan gest Væl umtókta kórið Salt slapp fram at millum rocktónleikin og klaverspælið Kári Sverrisson framførdi nakrar sangir á sín hugtakandi og inniliga hátt Føroyskur kvæðarockur var í miðdeplinum, tá ið Týr var á pallinum Uni Debess og hinir í GoGo Blues vístu, hvussu føroyingar eisini duga at spæla blues-tónleik Eivør Pálsdóttir saman við systrum sínum, Elisabeth og Elinborg Jóannes Andreasen spældi klaver fyri áhoyrarunum