fríggjadagur 18. februar 2005síða 8

8 Nr. 34 - 18. februar 2005 Smiðjan, P/F Normek í Norðragøtu, er nú ISO 9001-góðkend, og altjóða góðkenningin fevnir um alla fyri- tøkuna. Hósdagin var móttøka í smiðjuni, har felagið alment fekk handað góð- kenningarskjalið frá Det Norske Veritas GÓÐKENNING Vilmund Jacobsen vilmund@sosialurin.fo Stjórarnir aftanfyri P/F Normek í Norðragøtu, Johnny Nón og Robert Langgaard, eru væl nøgdir við móttøkuna, sum skipað varð fyri í smiðjuni miku- dagin. Eini 50 fólk umboð- andi vinnuna, viðskiftafólk, bankar og starvsfólk vóru samankomin at heilsa fyri- tøkuni í samband við, at hon nú hevur fingið altjóða góðkenningina, ISO 9001:2000, sum hon verður rópt. Tað var í august í fjør, at smiðjan fekk hesa góð- kenning, men dagurin varð ikki alment »markeraður« fyrr enn nú mikudagin. Tað er DNV, Det Norske Veritas, sum sertifiserar góðkenningina, sum tað eitur á fakmáli, og vegna DNV var tað Andrass Joen- sen, sum handaði teimum báðum stjórunum, Roberti og Johnny, góðkenningar- skjalið í rammu. Oljufelagið Agip, sum í dag eitur ENI, hevur stuðl- að Normek fíggjarliga við góðkenningini, og í hesum sambandi segði Ólavur Gregersen nøkur orð við móttøkuna. Sp/f Virkisráðgevingin í Saltangará hevur leitt fyritøkuna í Norðragøtu fram til hesa góðkenning, sum hevur stóran týdning í altjóða virksemi. Altjóða vørumerki Robert Langgaard sigur, at felagið hevði neyvan rokk- ið hesi góðkenning, um ikki Sp/f Virkisráðgeving hevði leitt teir fram á mál, tí hetta er eitt øki, sum er fremmant hjá einum van- ligum føroyskum arbeiðs- plássi. – Tú veitst ikki, hvat tað er, tú fert í holt við, um tú ikki hevur holla ráðgeving aftanfyri eina slíka ætlan, sigur stjórin. Hann sigur, at ein slík góðkenning er eitt neyðugt vørumerki, tá ið hugsast skal um virksemi úti í heimi – og ikki minst sum veitarar í oljuvinnuni, ið felagið serliga hugsar um í hesum sambandi. – Høvuðsorsøkin til, at vit fóru í gongd við at fáa smiðjuna ISO-9001-góð- kenda, liggur í, at Normek ynskir at hava eitt høgt tænastustøði, sum støðugt leggur dent á tey krøv, sum okkara viðskiftafólki seta – og tey krøv, sum vit seta okkum sjálvi, sigur Robert. Á Normek tekur Johnny Nón sær serliga av teimum praktisku viðurskiftunum, meðan Robert Langgaard tekur sær av tí umsiti-ngar- liga partinum. ISO 9001: 2000-góð- kenningin, sum P/F Nor- mek nú hevur fingið, fevnir sum nevnt um alla fyritøk- una – heilt frá tí, at felagið fær ein fyrispurning, til arbeiði er liðugt og avhend- að. 20 fólk eru í starvi hjá smiðjuni, P/F Normek í Norðragøtu SMIÐJUVIRKSEMI Vilmund Jacobsen vilmund@sosialurin.fo P/F Normek í Norðragøtu er stovnað í januar í 1997. Høvuðsarbeiðið hjá smiðjuni fevnir í fyrsta lagi um umvælingar og viðlíka- hald umborð á skipum og bátum og umvælingar og viðlíkahald av lastbilum. Felagið hevur eisini havt ein leiklut í alivinnuni, har teir hava framleitt dregg til aliringar. Henda fram- leiðsla hevur verið í sam- starvi við P/F Vónina. Saman við trimum øðr- um fyritøkum hevur Nor- mek stovnað eitt felag, sum kallast ENSK Sp/f. Hetta felag hevur til endamáls at kunna bjóða út stór og fjølbroytt arbeiðir innan eitt nú el, mekanik, hydraulik og sandblásing. Normek er eisini umboð fyri SAWO í Danmark, sum selir teir vælumtóktu HIAB-kranarnar, sum bæði verða nýttir á landi og sjógvi. Oljuvinna Eins og aðrar fyritøkur, sum starvast innan smiðju- virksemi, hevur Normek eisini fyrireikað seg til eina komandi oljuvinnu í Føroy- um. Felagið hevur havt fólk í Aberdeen í Skotlandi, har hesi hava luttikið á skeið- um, soleiðis at tey eitt nú kunnu átaka sær uppgávur úti á einum boripalli. ISO-9001-góðkenningin er eitt stig á hesi leiðini. Í dag eru eini 20 fólk í starvi hjá Normek. Við seinastu útbygging- ini av smiðjuni, gjørdust møguleikarnir á verkstaðn- um nógv betri, og kann fel- agið í dag átaka sær at kalla allar stórar umvælingar – undir taki. OHSAS 18001 P/F Normek hevur eisini bygt upp eina skjalprógv- aða skipan fyri heilsu, trygd og umhvørvi. Henda skipanin er bygd upp í tráð við krøvini í OHSAS 18001-standardinum, sum tað eitur. Hetta merkir, at fyritøkan leggur dent á ar- beiðsviðurskiftini og støð- ugt arbeiðir við at menna hesi. Umvælir og viðlíkaheldur skip, bátar og lastbilar Normek í Gøtu fingið ISO-9001-góðkenning Eini 20 fólk arbeiða hjá P/F Normek í Norðragøtu. Umframt umvælingar og viðlíkahald av skipum og bátum, umvælir smiðjan eisini lastbilar. Fyritøkan umboðar eisini kranar og annað úr útlandinum Mynd: Vilmund Jacobsen Hetta skjalið er prógvið sum sigur, at P/F Normek í Norðragøtu nú er ISO-9001: 2000 góðkent sum virki – frá a til z. Á myndini, tv.: Johnny Nón, stjóri, Andrass Joensen, Det Norske Veritas og Robert Langgaard, umsitingarligur stjóri Mynd: Vilmund Jacobsen Arbeiðseftirlitið hevur staðfest, at ein skermur var tikin av farsmaskinuni hjá FK í Hoyvík, tá ið ein genta skar seg í fingrarnar ARBEIÐSSKAÐI Vilmund Jacobsen vilmund@sosialurin.fo Mikukvøldið frættist, at ein genta, sum er í starvi hjá FK í Hoyvík, hevði skorið seg í nakrar fingrar, tá ið hon stóð við eina maskinu í keypssamtøk- uni. Karl Joensen, leiðari á Arbeiðseftirlitinum, sigur, at stovnurin fekk fráboðan um hendingina mikudagin um 16.30-tíðina, og ein maður varð sendur niðan at kanna tilburðin. Eingin skermur Hann sigur, at maskinan, sum gentan hevði staðið við, er ein maskina, sum melir kjøtfars til portiónir. – Vit hava staðfest, at sambært tekningunum skuldi maskinan havt ein skerm, men hesin skermur varð ikki á maskinuni, tá ið tilburðurin fór fram. Karl sigur, at skaðin hevði ikki verið hendur, um maskinan var brúkt, sum hon sambært tekning- unum eigur at brúkast. Møgulig ákæra – Enn eru kanningarnar ikki lidnar, og enn hava vit ikki tikið støðu til, um vit fara at heita á fútan um at reisa ákæru móti fyritøk- uni, sigur Karl Joensen. Sum skilst, hevur gentan skorið seg í nakrar fingrar, men skaðin er tíbetur ikki størri enn so, at hon kann sleppa uttan varandi mein, um alt lagar seg væl. Skermurin tikin av maskinuni