leygardagur 19. februar 2005síða 14

14 Nr. 35 - 19. februar 2005 14. januar fingu Gitte Søe og Magni Reinert Petersen, Fredericia, tvíburðar, gentur, sum eita Julie og Sofie. Julie var 45 cm long og vigaði 1670 gr. Sofie var 45 cm long og vigaði 1700 gr. 18. januar fingu Finnbjørg Jacobsen og Lennart Mølgaard, Madrid, eina dóttur. Hon var 47 cm long og vigaði 3300 gr. 10. februar fingu Bára og Janus Joensen, Norðragøtu, eina dóttur. Hon var 50 cm long og vigaði 3650 gr. 11. februar fingu Rakul í Gerðinum og Marni Olsen, Trongisvági, eina dóttur. Hon var 49 cm long og vigaði 2650 gr. 11. februar fingu Marina Haraldsen og Tony Olsen, Miðvági, eina dóttur. Hon var 52 cm long og vigaði 3760 gr. 11. februar fingu Turid Jacobsen og Birgir Vatnhamar Olsen, Tórshavn, ein son. Hann var 54 cm langur og vigaði 3325 gr. 12. februar fingu Ingibjørg D. Abrahamsen og Niels Winther, Tórshavn, eina dóttur. Hon var 57 cm long og vigaði 4400 gr. 15. februar fingu Magna Dania og Sørin Ragnar Joensen, Klaksvík, eina dóttur. Hon var 50 cm long og vigaði 3350 gr. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Tann 24. januar fingu Rita Sakalia, Tokelau NZ og Andreas Andreasen, Tórshavn, eina dóttur. Hon vigaði 3576 gr. Diddan eitur Madison Marie Summer Sakalia-Andreasen. 8. januar fingu Rabah og Ruth Fjallsá Benbakoura, Tórs- havn, eina dóttur. Hon var 54 cm long og vigaði 3425 gr. Føðingar Mikudagin 2.februar fingu Dina Haahr og Búi Heinesen, búsitandi í Odense, eina dóttur. Hon vigaði 3704 gr og var 52 cm long. Í dag, leygardagin 19. februar, hava Nicolina og Torleif Justinussen í Klaks- vík verið saman í hjúna- bandi í hálvt hundrað ár. Gullbrúdleypið hátíðar- halda tey í kjallaranum í Christianskirkjuni, har tað frá klokkan fýra seinna- partin verður opið hús. Nicolina hevur búð í Klaksvík síðani hon var níggju ára gomul, men hon er ættað sunnan úr Vági. Foreldrini vóru Ella, sum var ættað av Eiði, og Niclas Lassen úr Toftum í Vági. Nicolina varð fødd 16. februar í 1932. Hon minn- ist einki til pápa sín, sum hevði nýføðingin á knøun- um, áðrenn hann hetta vár- ið fór til skips við Lauru. Eingin teirra spurdist aftur. Ella giftist uppaftur nýggjársaftan í 1941 við Zacharis Nielsen, sum var ættaður úr Vatnsoyrum, og sum búði á Kósini. Hann var einkjumaður og átti tveir synir - Martin og Eilif. Ella og Zacharis fingu fýra børn - Sigvør, Randi, Karl og Richard, so har vuksu upp í systkinaflokki sjey, sum vóru míni børn, tíni børn og okkara børn. Torleif, sum er føddur 24. februar í 1932, er ætt- aður úr Árnafirði. Foreldr- ini hjá honum vóru Gertrud og Ísak Justinussen. Hon var av Stongunum í Klaks- vík, og hann var úr Árna- firði. Tey fingu fýra børn, sum øll búgva í Klaksvík - Anna, Mása, Torleif og Ingrid. Eftir at Nicolina og Tor- leif vóru gift í 1955, bú- settust tey í Árnafirði, har tey búðu í 16 ár. Nicolina hevur altíð verið heima- arbeiðandi. Hon hevur tikið sær av manni og børnum, og tað hevur eyðkent hana, at hon hevur havt umsorgan fyri sínum og so mongum øðrum. Eitt nú hevur hon verið røsk at skriva brøv. Av og á hava minningarorð og aðrar heilsanir frá hennara hond verið at sæð í bløðun- um, og onkra yrkingina hevur hon eisini sett saman. Ísakur, pápi Torleif, sigldi við Dáva úr Gerðum. Hann var við, tá ið Ernstina fórst í 1930, og seinni sigldi hann við Skálanesi. Torleif var eisini til skips við Skálanesi, og so var hann eisini við Levi hjá Dáva, tá ið hann førdi línu- bátin Stellu Mariu. Í fleiri ár róði Torleif út í Árnafirði. Í 1971 fór hann at arbeiða á flakavirkinum á Kósini, og tá var tað skjótt, at familjan flutti til Klaksvíkar. Torleif var á Kósini, inntil hann fyri fáum árum síðani varð pensioneraður. Fyri stuttum fluttu Nicolina og Torleif úr raðhúsunum á Stongunum og í nýggja íbúð norðuri í Kráarbrekku at búgva. Nicolina og Torleif fingu fimm børn - Niclas, Tomm, Gertrud, Elmar og Óli. Niclas, Tomm og Elmar búgva í Klaksvík, og Ger- trud býr í Árnafirði. Tað var stórur smeitur fyri Nicolinu og Torleif og familjuna, tá ið tey í 2000 mistu Óla, sum so ofta var saman við pápanum, eitt nú á floti á Árnafirði. Hóast tað nú eru mong ár síðani, at familjan flutti úr Árnafirði, so er alskurin til og vitjanirnar í heimstað- num nógvar. Tá ið 8- mannafarið Árnfirðingurin var upp á tað besta mið- skeiðis í seksti árunum var Torleif við til at manna bátin. Sunnudagar verður ofta leita til Árnafjarðar í kirkju, og so ganga tey eisini nógv í Emmaus í Klaksvík. Nicolina og Torleif Justinussen gullbrúdleyp www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo