týsdagur 22. februar 2005síða 7

Nr. 36 - 22. februar 2005 7 Medisinkistan brotin upp Innbrot var umborð á einum skipi, sum lá á Miðvági um viku- skiftið. Medisinkistan var brotin upp POLITITÍÐINDI Mánanáttina vórðu sterk pínustillandi evni stolin úr medisinkistuni á Akranesi, sum lá við bryggju í Mið- vági. Løgreglan hevur uppklárað málið. Klokkan gott tvey mánanáttina fekk løgreglan í Vágum fráboðan um inn- brot umborð á Akranesi, sum lá við bryggju í Mið- vági. Medisinkistan var brotin upp, og heilivágur stolin. Rímiliga góðar upplýs- ingar hevði løgreglan og fór á eina adressu í Mið- vági, har ein maður varð tikin fyri innbrotið, sigur vakthavandi á politistøðini í Miðvági. Tað vísti seg, at maðurin einsamallur hevði verið umborð á Akranesi og brot- ið medisinkistuna upp. Hann hevði verið við bili á bryggjuni, sigur løgreglan. Og tann koyritúrin verður hann so í fleiri førum ákærdur fyri eisini. Í fyrst lagi fyri at koyra ávirkaður. Bæði av rúsdrekka og øðr- um rúsevnum. Í øðrum lagi fyri at hava koyrt bil uttan at hava nakað koyrikort. Bilin hevði hann lænt frá einum vinmanni, sigur vakthavandi á politistøðini í Miðvági. Og hesin vinmað- urin fær so eisini eina heilsu frá løgregluni í hes- um málinum. Nevniliga fyri at lata bilin til ein per- són, sum als ikki var førur fyri at koyra bil. Maðurin, sum var um- borð á Akranesi mána- náttina, er gamal kenningur hjá løgregluni í Vágum, sigur vakthavandi. Løgreglan metir hetta málið sum fult uppklárað. Blottari skuldsettur Ein ungur maður, sum vísti seg fyri nøkrum stórum smágentum á Argj- um í seinastu viku, er skuldsettur fyri blygnaðarskemd í fleiri førum POLITITÍÐINDI Edvard Joensen Maðurin, sum í seinastu viku vísti seg fyri smá- gentum á Argjum, er nú skuldsettur. Hósdagin í seinastu viku fekk løgreglan í Havn fráboðan um, at ein maður hevði nektað seg framman fyri nøkrum stórum smágentum. Hetta hendi við eitt byggipláss á Argjum, upplýsir Bergleif Brim- vik, leiðari á kriminal- deildini á politistøðini í Havn. Ein 13 ára gomul genta tók myndir av manninum við fartelefon síni, um- framt at hon eisini fekk myndir av bilinum, hann koyrdi í. Løgreglan kundi so lesa nummarplátuna og handtaka mannin. Maðurin verður nú ákærdur eftir grein 323 í revsilógini um blygnaðar- skemd, sigur Bergleif Brimvík. Hann sigur, at hetta er ikki fyrstu ferð, hesin sami maður hevur verið úti um seg. Hann hevur eisini ein dag í januar verið á sama stað og víst seg. Tá fyri eini 11 ára gamlari gentu. – Tað kann vera, at hann eisini í øðrum før- um, sum vit ikki vita um enn, hevur víst slíkan at- burð, sigur leiðarin á kriminaldeildini, sum vil frætta, um so skuldi verið. Løgreglan metir mynd- irnar frá fartelefonini sum nóg gott próvtilfar at fara í rættin við, sigur Bergleif Brimvík. So er tað upp til rættin hvat gjørt verður við málið. Revsiramman kann eft- ir grein 323 vera upp til fýra ára fongsul fyri tað, sum á lógarmálið verður nevnt blygnaðarskemd. Tó er møguleiki fyri at linka dómin til hefti, bót ella kanska treytaðan dóm, har viðkomandi verður settur í viðgerð, greiðir kriminalleiðarin frá. Umframt hesar báðar hendingarnar á Argjum, er maðurin, sum nú er skuld- settur, ikki frammanundan kendur av løgregluni. Ein gamal kenningur hjá løgregluni í Vágum var mánanáttina umborð á Akranesi, sum lá á Miðvági, og stjól sterkan heilivág úr medisinkistuni Mynd: Edvard Joensen Løgreglan í Havn sigur frá friðaligum vikuskifti. Okkurt herverk, ferðslu- óhapp og annað smávegis POLITITÍÐINDI Tað hevur verið eitt friða- ligt vikuskifti, letur vakt- havandi á politistøðini í Havn at. Onkur er tikin fyri at koyra við kenning. Okk- urt herverk er fráboðað, og so er eisini onkun- staðni boðað frá húsa- ófriði, segði vakthavandi á politistøðini í Havn, tá Sosialurin tosaði við hann mánamorgunin. – Tað tykist, sum húsa- ófriður og herverk eru við at gerast gerandiskostur, varð sagt av politistøðini. Eitt minni feðrsluóhapp hevði eisini verið, har ein bilførari breyt treytaleysa víkiskyldu og koyrdi út har, hann ikki átti at koyra. Bert smávegis materiellur skaði hendi, sigur vakthavandi. ej Friðaligt vikuskifti Útrykningur var í Eysturoynni mána- morgunin. Orsøkin var eitt ferðsluóhapp á Kambsdali POLITITÍÐINDI Eitt ferðsluóhapp á Kambs- dali mánamorgunin elvdi til stóran materiellan skaða. Men fólkaskaði var eingin. Løgreglan í Runavík upplýsir, at talan var um eitt óhapp, har ein bilførari ikki helt víkiskylduna. Hann var á veg út av ídn- aðarøkinum á Kambsdali og varnaðist ikki ein bil, sum kom koyrandi eftir høvuðsvegnum. Úrslitið var ein samanbrestur, sum gjørdi stóran skaða á bilar- nar. Men persónsskaði var eingin, tað løgreglan visti um fyrapartin mánadagin. Annars hevur vikuskfitið verið friðaligt í Eystur- oynni, sigur vakthavandi á politistøðini í Runavík. Ítróttargalla við stórari veitslu var í Runavik um vikuskfitið. Har var nógv fólk savnað. Tey hugnaðu sær og høvdu tað stuttligt, og løgrelgan frætti einki meira frá tí, sigur vakt- havandi. ej Ferðsluóhapp á Kambsdali Lesið Sosialin - so eru tit við