týsdagur 22. februar 2005síða 22

Nr. 36 • týsdagur • 22. februar 2005 • 79. árgangur • www.sosialurin.fo Spenningurin er í hæddini Kappingin um meist- araheitið í fremstu flogbóltsdeildini hjá kvinnum hevur sjáld- an verið so spenn- andi, sum hon er í løtuni FLOGBÓLTUR Terji Nielsen terji@sosialurin.fo Trý lið liggja nú stavn um stavn og stríðast um meist- araheitið, og fyri spenning- in í kappingini hevði tað stóran týdning, at TB í vikuskiftinum vann á steypavinnarunum úr Mjølnir. Hevndu steypaósigurin Einir 200 áskoðarar vóru komnir saman til toppdyst- in í meistaradeildini hjá kvinnum, sum var í Trong- isvági sunnudagin millum TB og Mjølnir. Umframt at verða ein avgjørdur topp- dystur, so var dysturin eis- ini eitt kærkomið høvi hjá TB at fáa hevnd fyri steypa- ósigurin móti Mjølnir undanfarna vikuskifti. Ikki kann sigast annað, enn at TB gjørdi sær dælt av hesum høvi. Í einum spennandi og vælleiktum dysti, var tað fyri tað mesta heimaliðið, sum var við yv- irlutan, og hýrurin á teim- um trúfastu áskoðarunum var sera góður. Í fyrsta settinum hevði TB munin at kalla allatíð- ina, og heimaliðið vann settið 25-18. Næsta settið var eitt sindur tættari, men eisini her var TB við yvir- lutan og vann 25-23. Tað var sjón fyri søgn, at TB- liðið var ógvuliga uppsett at hevna ósigurin í steypa- finaluni, og í triðja settin- um hildu tær fram við ágrýtna spælinum hjá sær. TB vann triðja settið 25-19, og harvið syrgdu tær fyri, at spenningurin í meistara- deildini hjá kvinnum er í hæddini. Dráttur liggur væl fyri Tað eru ikki bara TB og Mjølnir, sum stríðast um meistaraheitið, tí eisini Dráttur liggur væl fyri. Dráttur vann hóskvøldið 3- 0 á grannunum úr SÍ, og tær eru einans eitt stig aftan fyri bæði TB og Mjølnir á stigatalvuni. Dráttur hevur í seinastuni vunnið á bæði TB og Mjølnir á útivølli, og tá ið tær skulu spæla móti hinum báðum oddaliðunum aftur í endaspælinum, eru tær á heimavølli á Giljanesi. Tí er Dráttur óivað eitt sera gott boð upp á ein komandi før- oyameistara, eisini tí at lið- ið tykist verða kanska tað best koyrandi í løtuni. At tær so eisini hava heimavøll í dystunum móti hinum oddaliðunum, ið eru eftir at leika, gevur teimum helst eisini ein fyrimun,og hjá Drátti er setningurin greiður - Vinna tær allar dystirnar, ið tær hava eftir, ja so eru tær føroyameistar- ar 2005 í kvinnuflogbólti! Ein annar dystur í meist- aradeildini hjá kvinnum var um vikuskiftið, og hann var á Kambsdali, har tvey av niðaru liðunum, ÍF og KÍF, dystaðust. Hesin dysturin gjørdist ongantíð serliga spennandi, tí fuglfjarða- kvinnur vóru greitt við yv- irlutan og vunnu dystin 3-0. Tað var bert í tí fyrsta sett- inum, at tað gekk javnt á. Í bæði næsta og triðja settin- um var ongin ivi um, hvat var betra liðið. Mansliðið hjá SÍ hev- ur beina kós móti greipuni í flogbólti, og ilt er at ímynda sær, at teir skulu snáva á leiðini FLOGBÓLTUR Terji Nielsen terji@sosialurin.fo Tey flestu hava langt síðani staðfest, at tað verður SÍ, sum í ár fer at vinna føroya- meistaraheitið í mansflog- bólti. Sørvingar hava ligið á odda ein stóran part av kappingarárinum, og hesar seinastu vikurnar hava teir bara økt um leiðsluna hjá sær. Vunnu á nærmastu kappingarneytunum Sunnudagin hevði SÍ vitjan av Fleyr, sum er nærmasti kappingarneytin hjá sør- vingum, men dysturin vísti bara, hvussu nógv sterkari enn hini liðini, ið SÍ er. Sørvingar vunnu dystin greitt, og í veruleikanum var ongantíð nakar serligur spenningur um úrslitið. Fyrsta settið var skjótt avgreitt, og tá ið avtornaði, høvdu sørvingar vunnið fyrsta settið 25-13. Í tí næsta settinum var heldur ikki nakar serligur spenn- ingur. SÍ fór beinan vegin frá havnarliðnum, og heimaliðið vann settið greitt 25-14. Triðja settið var tað frægasta hjá Fleyr, men tað var tó framvegis ikki nóg mikið til at koppa SÌ, sum vann settið 25-20, og har- við vunnu sørvingar dystin 3-0. Ein annar dystur var í meistaradeildini hjá monn- um sunnudagin, og hann var á Kambsdali millum ÍF og Fram. Tað var Fram, sum byrj- aði dystin best, og havnar- liðið vann eisini fyrsta settið greitt. Í næsta settin- um var tað eisini Fram, sum fekk bestu byrjanina, men so líðani fótaðu fuglfirð- ingar sær, og ÍF vann eftir tógvið stríð settið, og so stóð á jøvnum 1-1. Fuglfirðingar vóru nú komnir fyri seg, og teir vunnu tey bæði næstu settini rættuliga sannfør- andi, og harvið vunnu teir dystin 3-1. SÍ er greitt á odda í meistaradeildini hjá monn- um, og tað hevði verið einki minni enn ein sen- satión, um føroyameistara- heitið skuldi kiksað hjá teimum. Sørvingar stevna beint móti greipuni TB fekk hevnd fyri steypaósigurin, tá ið Mjølnir sunnudagin var og vitjaði í Trongisvági. TB vann dystin 3-0 Mynd: Áki Bertholdsen SÍ vann sunnudagin 3-0 á Fleyr, og sørvingar eru nú at kalla greipuvinnarar í mansflogbólti Savnsmynd Flogbóltsstøður Meistaradeild, kvinnur v t +/- d v - t sett sett sett stig 1 Mjølnir 16 13 - 3 41 15 26 17 2 TB 16 13 - 3 38 23 15 17 3 Dráttur 16 10 - 6 39 24 15 16 4 ÍF 16 7 - 9 25 29 -4 10 5 KÍF 16 4 - 12 16 39 -23 4 6 SÍ 16 1 - 15 11 46 -35 2 Meistaradeild, menn v t +/- d v - t sett sett sett stig 1 SÍ 13 11 - 2 34 12 22 15 2 Fleyr 13 9 - 4 31 20 11 13 3 Mjølnir 12 8 - 4 28 16 12 10 4 ÍF 13 3 - 10 14 33 -19 5 5 Fram 13 1 - 12 11 37 -26 1