leygardagur 26. februar 2005síða 6

6 Nr. 40 - 26. februar 2005 Nýggja álitið um rútmiskan tónleik kemur við fleiri ítøki- ligum tilráðingum um, hvussu føroyskur tónleikur kann taka nøkur stig rætta veg- in, og hvussu Føroyar kunnu fáa meira burtur úr tí tónleika- liga tilfeinginum TÓNLEIKUR Eyðun Klakstein eydun@sosialurin.fo Hósdagin handaði stýris- bólkurin, sum í hálvtannað ár hevur endavent føroysk- um tónleikalívi, landsstýris- manninum við vinnumálum eitt álit, sum millum annað inniheldur fleiri ítøkiligar tilráðingar um eina menning av føroyskum tónleiki. Ferðabrúgv, kunningar- støð, spælistað, venjingar- høli og stuðul eru nøkur av lyklaorðunum í tilráðingu- um, men tónleikararnir fáa eisini at vita, at teirra inn- satsur er avgerandi fyri úr- slitið. – Avbjóðingin at røkka málinum liggur fyrst og fremst hjá tónleikaranum sjálvum. Tað eru nøkur, ið trívast væl við avbjóðingini og ikki falla í fátt av forð- ingunum á vegnum. Tey, sum vit í dag kunnu rópa stjørnur, eru ikki borin á lógvum. Tey hava bara onk- ursvegna neyðuga blandið av góðum evnum, treiskni, sjálvsvirði, arbeiðshugi og persónsmensku saman við tí vetinum av hepni og tilvild, sum skal til, stendur at lesa í álitinum. Kunnu ikki renna undan tónleikinum Men arbeiðsbólkurin legg- ur eisini dent á, at politiski myndugleikin skal spæla við, um tað skal verða ein verulig menning í føroysk- um tónleiki. – Størstu avbjóðingina hevur tó politiski myndug- leikin, sum onkursvegna ikki kann renna undan øll- um skapanarhuginum og tónleikavirkseminum, sum er her heima. Ein verður noyddur at hugsa um tey nógvu í breiddini fyri at fáa ágóðan av teimum fáu í hæddini, skrivar arbeiðs- bólkurin í álitinum og held- ur fram: – Hvussu politiski mynd- ugleikin tekur við avbjóð- ingini veldst um, hvørji mál hann setur sær. Avbjóðingin liggur eisini í at finna javn- vágina ímillum at blanda seg upp í og blanda seg utt- anum. Tónleikurin og tón- leikarin trívast væl í and- støðu við umheimin, men hann má samstundis hava virðing, stuðul og karmar, fyri at honum skal vera lív lagað. – Uttan bygnað og pol- itisk stevnumið leggja vit alt í hendurnar á einstøkum eldsálum og tilvildini. Eld- sálir kunnu slokna undir trongum korum, og tilvild- ini kunnu vit ikki rokna við ella gera íløgur í. Við einum bygnaði eru karmarnir støð- ugir og áhaldandi, sam- stundis sum rúm er fyri eld- sálunum, ið veruliga skulu til at skapa menning og trivnað. Savnandi kunningarstøð Í álitinum, sum hevur heitið »Rútmiskur tónleikur í Føroyum« eru fleiri tilráð- ingar um, hvussu heimliga tónleikalívið og sambandið við útheimin kann mennast. Ein av tilráðingunum er ein ferðabrúgv, tey kalla, og hendan brúgv snýr seg um, at tað skal verða lættari og bíligari hjá føroyskum tón- leikarum og bólkum, sum skulu uttanlands at spæla, at ferðast aftur og fram. Ein serligur grunnur kundi tikið sær av hesum, men neyðugt er við samstarvi við tey, sum flyta fólk til og úr Føroyum – Atlantic Airways og Smyril Line, fyrst og fremst. Arbeiðsbólkurn mælir eisini til, at ein serlig kunn- ingarstøð verður gjørd, sum skal venda sær til útheimin við føroyskum tónleiki, men sum eisini skal virka savn- andi fyri føroyskan tónleik. – Føroyar hava brúk fyri einum sýnisglugga út í heim og umboðum í altjóða netverkum og sølustevnum fyri at menna møguleikar- nar hjá føroyskum tónleik- arum og tónleiki at koma longri út. Samstundis er stórur tørvur á einum mið- savnandi regnskjólssam- taki, sum hevur til enda- máls at savna vitan og upp- lýsingar til og um føroyskar tónleikarar og veita kunn- ing um millum annað marknaðarførslu, heldur arbeiðsbólkurin. Harafturat verður eisini mælt til, at fleiri venjingar- høli verða tøk til tónleika- bólkar, at høvuðsstaðurin fær eitt serligt spælistað, at ein serligur tónleikaportal- ur verður gjørdur á netin- um, sum skal vera sýnis- gluggi fyri føroyskan tón- leik, at ein serligur dagur í árinum verður brúktur til at varpa ljós á tónleikin kring landið, og at stuðul verður veittur føroyskum útgávu- feløgum, sum royna at selja føroyskan tónleik í út- heiminum. Mín allar- fyrsta Bíblia BÓKAÚTGÁVA tíðindaskriv Føroya Skúlabókagrunn- ur hevur givið nýggja barnabíbliu út til tey smærru børnini, Mín allarfyrsta Bíblia. Bókin er komin út í samprenti við enska forlagið Lion Publishing. Kendur ensk- ur høvundur innan anda- ligar bókmentir, Lois Rock, hevur endursagt søgurnar til smáu børnini. Hon hevur skrivað meira enn 30 bøkur, ið eru týdd- ar til nógv ymisk mál. Alex Aycliffe hevur myndprýtt bókina. Hon er somuleiðis kendur mynd- prýðari í Onglandi og hevur vunnið heiðursløn- ir. Charlotta Thorsteins- son, lærari, hevur týtt bókina úr enskum. Í bókini eru 20 lykla- søgur úr Bíbliuni, 10 úr Gamla Testamenti og 10 úr Nýggja Testamenti. Høvundurin hevur verið trúgvur mótvegis upp- runatekstinum og hevur hartil fingið moralska og andaliga boðskapin við á ein einfaldan hátt. Tekst- urin er lættur at lesa. Lítið av teksti er á hvørjari síðu, og ger hetta bókina saman við prýðiligu og livandi myndunum sera væl egnaða til smærru børnini. Myndirnar eru litríkar. Hóast tær eru ein- faldar, siga tær greitt sína egnu søgu. Hetta er ein bók, ið vaksin kunnu lesa fyri børnunum. Í skúlahøpi kunnu byrjanarlesararnir lesa hana sjálvir, umframt at nógv tilfar er at tosa um í skúlastovuni. Aftast í bókini er evnisyvirlit við frágreiðingum um, hvar ber til at lesa um ymisku evnini. Mín allarfyrsta Bíblia er 257 blaðsíður og kostar 148,00 krónur. Hon fæst í bókabúðunum um alt landið. Ferðabrúgv og kunningarstøð skulu hjálpa tónleikinum Álit um rútmiskan tónleik Seint á heysti 2003 tóku Vinnuframagrunnurin og Mentamálaráðið stig til leingi ætlaða útgreining av umstøðum, møguleikum og forðingum hjá rútmisk- um tónleiki í Føroyum.Hvør í sínum lagi stuðla stovn- arnir menning av tónleikavirksemi, men teir halda ikki, at stuðulskipanir teirra eru grundfestar í greiðari fatan av, hvar almennur peningur munar mest. Dentur varð lagdur á, at greiningin varð gjørd í sam- starvi við fólk innan fyri tónleikin. Fekst eitt umfat- andi samstarv við hesi, kundi arbeiðið stuðla undir fruktagott samstarv við og innan fyri tónleikavinnuna frameftir. At skipa fyri verkætlanini varð stýrisbólkur settur, og Urd Johannesen varð biðin at standa fyri verkætlanini. Í stýrisbólkinum vóru hesi umboð: Kjartan Kristiansen, Menningarstovan, formaður í stýrisbólkinum Fróði Vestergaard Gissur Patursson,Vinnuframagrunnurin Jákup Zachariassen Jóan Petur Hentze, Mentamálaráðið Kristian Blak, LISA Bjarni Djurholm fekk hósdagin eitt álit um rútmiskan tónleik í Føroyum, sum kemur við fleiri ítøkiligum tilráðingum um, hvussu føroyskur tónleikur kann mennast Mynd: Jens Kristian Vang