týsdagur 1. mars 2005síða 23

Hóast VÍF hótti eina løtu í seinna hálvleiki, so hevði Neistin munin og vann uppi- bornan sigur í Vestmanna SUNSET-KAPPINGIN Terji Nielsen terji@sosialurin.fo Dysturin millum kvinnur- nar hjá VÍF og Neistanum gjørdist ikki so spennandi, sum fleiri kanska høvdu væntað. Neistin hevði munin allan dystin, og hóast VÍF gjørdi eitt gott hál í seinna hálvleiki, har tær fingu fimm mál á rað, meðan Neistin einki fekk, so var ongantíð nakar ivi um, hvagar sigurin fór. Gott málmansspæl Dysturin var eisini eitt høvi hjá tveimum av fremstu málverjunum í heimligu kappingini, Helenu Poulsen úr Neistanum og Manuelu Stan úr VÍF, at vísa, hvør dugur er í teimum. Ikki kann sigast annað, enn at tær báðar stóðu ein góðan dyst, og ikki minst átti Manuela sín stóra leiklut í, at VÍF í seinna hálvleiki av álvara nærkaðist Neistan- um. Fyrri hálvleikur var rættuliga javnur, men Neistin hevði eina lítla leiðslu so at siga allan hálvleikin, og móti endan- um av fyrra hálvleiki gjørdi havnarliðið ein vørr og øktu um leiðsluna hjá sær, soleiðis at tær vóru á odda við fýra málum, 16-12, í steðginum. Í seinna hálvleiki sá henda gongd út til at halda fram, og tá ið tíggju minuttir vóru leiktir av seinna hálvleiki, var leiðslan hjá Neistanum sjey mál, 20-13, og dysturin tóktist avgjørdur. Men unga manningin hjá VÍF vildi ikki geva skarvin yvir, og tær stríddust manniliga. Hetta gav eisini úrslit, tí næstu løtuna vóru tað tær, ið sótu á dystinum. Samstundis sum tað fór at bragda í álopspartinum, ikki minst takkað verið Fríðu Marjunardóttir, ið spældi ein fínan dyst, so stongdi Manuela Stan málið hjá VÍF í eina løtu, og bráddliga kom eitt sindur av spenningi í aftur dystin. Neistakvinnurnar tóktust fjáltursstungnar, og hesa løtuna var lítið skil á álopsspælinum hjá teimum. Men tá ið VÍF hevði mink- að niður í 18-20, tók venj- arin hjá Neistanum, Flemming Raben, eitt time- out, og tað hjálpti upp á støðuna hjá gestunum. Lív Sørensen leyp inn av høgra vongi og legði Neistan á odda 21-18, og hóast Finn- gerð Jensen hjá minkaði aftur um munin, so sást á øllum brøgdum, at Neistin hevði neyðuga yvirskotið, og tær vunnu dystin uppiborið 25-21. Tá ið Søljan samstundis basti StÍF á Skála, merkir hetta, at Neistin og Søljan framvegis liggja stavn um stavn í stríðnum um bronsuheiðursmerkini. VÍF-Neistin 21-25 (12-16) VÍF: Fríða Marjunardóttir 8(4), Ioana Rapa 3, Alice Høghamar 2, Nikolina Eyðbjørnsdóttir 2(1), Linda Johannesen 2, Annfríða Helgadóttir 2, Finngerð Jensen 1, Torgunn Jónálvs- dóttir 1 Neistin: Simona Petersen 8, Ása á Neystabø 5, Marjun Tróndarson 4, Annika Thomsen 3(2), Mildrið Jacobsen 2, Jórun Ludvík 1, Kára á Dunga 1, Lív H. Sørensen 1 Brótskøst: VÍF 7(5), Neistin 3(2) Útvísingar: VÍF 3, Neistin 1 Dómarar: Brandur Johan- sen og Heri Petersen - vístu neyðuga myndug- leikan og høvdu gott tak á dystinum. Nr. 41 - 1. mars 2005 23 Lív H. Sørensen og Neistin megnaðu at halda tørn móti Nikolinu Eyðbjørnsdóttir og VÍF í Vestmanna sunnudagin. Mynd: Álvur Haraldsen VÍF-Neistin 21-25 (12-16) Uppiborin Neistasigur