hósdagur 3. mars 2005síða 3

Nr. 43 - 3. mars 2005 3 Aldubáran fer aftur á pall ella gólv í Lista- skálanum leygar- dagin. Ikki færri enn fýra frumframførslur eru á skránni til konsertina VÁRTÓNLEIKUR Snorri Brend snorri@sosialurin.fo Síðani tónleikabólkurin »Aldubáran« varð stovnað- ur fyri 10 árum síðani hava tey glett mangar áhoyrarar við tónleiki sínum. Leygarkvøldið verður enn eitt høvi at hoyra bólk- in spæla nýggj tónaverk eftir føroyskar kompon- istar. Tey fara hetta kvøldið at spæla nýggj verk eftir Kára Bæk, Atla Petersen, Kristi- an Blak, Tróndi Bogason og A. Skrjabin. Talan verður um eina heldur øðrvísi konsert enn vanligt, tí ætlanin er ikki at spælararnir bara skulu standa á einum staði alt kvøldið. Henda konsertin hjá Aldubáruni verður hildin í samband við at Várfram- sýningin hjá Listasavni Føroya letur upp í morgin. Hetta kvøldið verður tí gott høvi at fara á konsert, samstundis sum ein kann fara á Várframsýning. Filmur og tónleikur Aldubáran hevur havt skift- andi manningar gjøgnum árini, og hava tey luttikið við mong ymisk høvi. Tey eru somuleiðis við á nýggju fløguni, sum kom út í gjár við verkum eftir Kára Bæk. Og tey fara eisini at spæla verk úr hesi nýggju fløguni á konsertini leygar- kvøldið. Ein serstakur partur verð- ur settur av til filmstónleik. Marianna Mørkøre, sum saman við eini aðrari kvinnu, hevði eina fram- sýning í Smiðjuni í Lítluvík herfyri við videoinstalla- sjónum, hevur nevniliga gjørt ein film til eitt lag eftir Atla Petersen. Hetta lagið, ið kallast »Summi siga« varð skrivað serstakliga til Andras Olsen í 1988, og verður tað at hoyra nú leygarkvøldið. Í samband við lagið hevur Marianna verið í Týska- landi og tikið upp ein film, sum eisini verður at síggja undir konsertini. Vanligt er, at ein bólkur hevur eitt fast pláss undir eini konsert, men leygar- kvøldið er ætlanin at flyta pallin runt í Listaskálanum. Hetta verður serliga gjørt tá soloverkini eru á skránni, og fáa áhoyrararnir soleiðis høvið til at hoyra onkur verk spæld í øðrum rúmum, har aukustikkurin somu- leiðis er sera góður. Við í Aldubáruni hesa- ferð eru bæði føroyingar og ein dani: Anna E. Klett á klarinett, Andras Olsen á trombon og danin Thomas P. Gooseman á klaver. Vár við nýggjum vindi Tey eru klár til konsertina leygarkvøldið. Í Aldubáruni hesaferð eru Anna Klett, Thomas Gooseman og Andras Olsen, Mynd: Jens Kr. Vang