leygardagur 5. mars 2005síða 18

Nr. 45 • leygardagur • 05. mars 2005 • 79. árgangur • www.sosialurin.fo Til Hoyvíkar eftir gullinum Vestmenningar ætla sær manssterkir til Hoyvíkar í dag stuðla sínum monnum, sum við bert einum javn- leiki móti KÍF kunnu tryggja sær meistara- heitið ATLANTIC AIRWAYS KAPPINGIN Terji Nielsen terji@sosialurin.fo Tey tevja gull í Vestmanna, og gullrákurin er vorðin alsamt sterkari seinastu vikurnar. Flaggskipið hjá vestmenningum, mansliðið hjá VÍF, er bert tað eina stigið frá meistaraheitinum í hondbólti 2005, og megna vestmenningar at fáa í minsta lagi ein javnleik móti kollfirðingum í Hoy- vík í dag, eru teir føroya- meistarar, og so verður óivað gulldansur í Vest- manna í kvøld. Kollfirðingar truplir at rokna út Tað er tó einki, sum bendir á, at tað verður nøkur løtt uppgáva hjá VÍF at tryggja sær meistaraheitið í dag, tí kollfirðingar hava mangan víst seg at verða sera drúgvir. Hetta mátti júst VÍF eisini ásanna herfyri, tá ið teir vóru rendir um koll av KÍF í Vestmanna. Hinvegin hava avrikini hjá kollfirðingum verið ógvu- liga ójøvn, og teir hava verið rættuliga truplir at rokna út í hesum kapping- arárinum. Hetta fer óivað eisini at liggja í huganum hjá nógv- um vestmenningum, men hinvegin so skerst ikki burtur, at tað eru teir gulu úr VÍF, sum hava nógv meira at spæla fyri í dystinum í dag, og tað hevur sum oftast stóran týdning. KÍF hevur framvegis møguleikan at vinna sær heiðursmerkir, men við ósigrinum fyri Kyndli farna leygardag minkaði tann møguleikin munandi. Tað man tó verða lítið at ivast í, at tað hevði frøtt mangan kollfirðingin, um teir høvdu sett ein kíla í meistaraskapsdreymarnar hjá vestmenningum og syrgt fyri, at gulldansurin hjá VÍF bleiv útsettur í minst eina viku. Hvussu við silvurinum Sunnudagin eru so tveir aðrir dystir á skránni í Atlantic Airways kapping- ini. Í Hoyvík verður aftur dystur, hesaferð verða tað H71 og Kyndil, sum bresta saman. Dystirnir millum hesi bæði lið eru mangan rættuliga baldrutir og rótutir. Seinnu árini hava hoyvíkingar havt rættuliga gott tak á kyndilsmonnum, men hendan gongd tykist nú verða vend, eftir at tað í ár fyri tað mesta hevur verið Kyndil, sum hevur verið omaná, tá ið liðini hava hitst. Kyndil liggur í løtuni á silvurplássinum, men teir kunnu blíva hóttir, og tað eru fyrst og fremst strand- ingar, ið kunnu hótta teir. StÍF skal eisini til høvuðs- staðin sunnudagin. Tá skulu teir niðan í høllina á Hálsi, har mótstøðuliðið verður Neistin. Hóast Neistin er botnlið í deildini, so hava teir bláu úr Havn roynst væl í seinastuni, og tað var bert reint óhepni, ið gjørdi, at teir einans fingu ein javnleik, tá ið teir vitjaðu strandingar á Skála herfyri. So óstøðug sum avrikin hjá teimum flestu liðunum hava verið í ár, er tað ilt at meta um, hvussu tað fer at ganga við heiðursmerkja- býtinum. Vestmenningar fara uttan iva við gullinum, men um tað verður Kyndil, StÍF ella kanska KÍF, sum fer avstað við silvurinum, tað vil tíðin vísa. Fáa vestmenningar bara eitt stig móti KÍF, er meistaraheitið longu heima TÍÐINDASKRIV Leygardagin 5. mars vera árligu fimleikaframsýn- ingarnar hjá fimleikafe- lagnum Ljósinum í høllini á Hálsi. Fyrra framsýn- ingin við børnum upp til 3.flokk verður kl 14.00, meðan tann seinna við eldru liðum felagsins verður kl. 17.00, - tó vera kappingarliðini við á báð- um framsýningunum. Í fjør royndi felagið á fyrsta sinni glæmuljós fyri at geva tiltakinum serligan hátíðardám, og var hetta eftir okkara tykki so væleydnað, at tað verður roynt aftur í ár. Stórkapping hevur júst verið, og luttakandi lið felagsins vera eisini við til framsýningina, men van- liga fimleikaframsýning- in hjá felagnum er fyrst og fremst at sýna fram almenna fimleikin, og ein part av tí, sum liðini hava fingið burtur úr í vetur. Fimleikur hevur stóra undirtøku millum børn og ung í Havn, tað sanna vit hvørt heyst, tá tað er slíkur gravgangur at sleppa at íðka, at vit tíverri eru noydd at fáast við bíðilistar, tí hølisum- støðurnar tíverri eru so út av lagi. Men vit hava eis- ini sanna, at nøkur eru, ið ferðast langan veg at íðka fimleik í Ljósinum, t.d. úr Hósvík, av Stykkinum og aðrastaðni. Árligu fimleika- framsýningarnar hjá Ljósinum Dystaryvirlit: Leygardagur 5/3-05: Hondbóltur: Atlantic Airways-kappingin: Kl. 16.00 KÍF - VÍF Hoyvíkshøllin Flogbóltur: Meistaradeildin kvinnur: Kl. 14.00 Mjølnir - KÍF KÍ-høllin Kl. 14.00 Dráttur - TB Giljanes Meistaradeildin menn: Kl. 16.00 Mjølnir - Fram KÍ-høllin Sunnudagur 6/3-05 Hondbóltur: Sunset-kappingin Kl. 14.30 Neistin - Tjaldur Ítróttarhøllin á Hálsi Kl. 15.00 Stjørnan - Søljan KÍ-høllin Kl. 15.00 VB - VÍF VB-høllin Atlantic Airways-kappingin: Kl. 16.00 H71 - Kyndil Hoyvíkshøllin Kl. 16.00 Neistin - StÍF Ítróttarhøllin á Hálsi Flogbóltur: Meistaradeildin kvinnur: Kl. 14.00 SÍ - ÍF Sørvágur Meistaradeildin menn: Kl. 16.00 SÍ - ÍF Sørvágur