týsdagur 8. mars 2005síða 18

Nr. 46 • týsdagur • 8. mars 2005 • 79. árgangur • www.sosialurin.fo Við einum tí besta av- rikinum leingi tryggj- aðu vestmenningar sær leygardagin før- oyameistaraheitið í manshondbólti, tá ið teir góvu kollfirðing- um eina uppvísing í meistaraspæli FØROYAMEISTARAR Terji Nielsen terji@sosialurin.fo Vestmenningar hava leingi gingið og bíða eftir tí degi, tá ið teir endaliga tryggjaðu sær føroyameistaraheitið í manshondbólti 2005. Und- an dystinum móti KÍF í Hoyvík leygardagin var greitt, at fekk VÍF bert tað eina stigið, so var meistara- heitið í hús. Púra klárir til uppgávuna Tað var sjón fyri søgn frá fyrsta bríksli, at vestmenn- ingarnir vóru púra klárir til uppgávuna. Allir mans tóktust ógvuliga uppsetttir uppá, at meistaraheitið skuldi tryggjast móti koll- firðingum, sum hinvegin tóktust eitt sindur óttafullir um uppgávuna. Kollfirðingar valdu at verja rættuliga offensivt, sum teir eru vanir, og mill- um annað vardu teir rættu- liga frammalaga á bæði Sámali á bakkinum og á Daniel Rapa á miðjuni. Hetta hevði við sær, at tað gjørdist rættuliga opið aft- an fyri verjuna, og hetta dugdu vestmenningar væl at gera sær dælt av. Vengurnir hjá VÍF trektu nevnliga ofta inn á strik- una, og harvið drógu teir verjuna hjá kollfirðingum saman, og hetta gav sera gott pláss hjá VÍF at fara ígjøgnum úti í síðunum. Tað hevur verið eitt eyð- kenni hjá KÍF í ár, at teir hava valt eina rættuliga off- ensiva verju, sum teir vóna kann oyðileggja rútmuna í álopsspælinum hjá mótpart- inum. Hetta hevur eydnast teimum mangan, men leyg- ardagin gav hetta einki úr- slit, tí vestmenningar høvdu ongar trupulleikar av at spæla móti offensivu verj- uni, og tað er kanska enn eitt dømi um, hví VÍF er besta liðið í landinum. Eli er nakað serligt Tá lá rættuliga væl fyri í álopspartinum hjá vest- menningum, og serliga ein maður sum Áki G. Olsen hevði ein góðan. Ikki ein- ans fekk hann fleiri góð mál, har hann at kalla bardi seg gjøgnum verjuna hjá kollfirðingum. Áki átti eis- ini heilt ofta næstseinastu hondina á bóltinum, áðrenn hann sat í netinum. Í hinum endanum mundi verjan hjá vestmenningum spæla ein tann besta dystin hjá sær í alt ár, og tað sum verjan ikki fekk fatur á, tað tók ein serstakliga væl upp- lagdur Eli Müller sær av. Eli hevur, síðani hann kom aftur eftir skaða, iva- leyst verið besti maður hjá vestmenningum. Í fleiri dystum hevur hann næstan einsamallur maður tikið mótið frá mótstøðuliðun- um, og leygardagin var einki undantak í so máta. Tað var næstan líka mikið, hvat kollfirðingar royndu seg við, so tók Eli sær av tí. Framúrskarandi málmans- spælið hjá Eli Müller hevði við sær, at álopsspælið hjá KÍF gjørdist ógvuliga stirv- ið og fjáltursstungið, og menn vóru trekir við at royna seg. VÍF bygdi sær tískil so við og við eina rættuliga trygga leiðslu, og tað gekk heldur ikki long tíð, so var dysturin og harvið føroya- meistaraheitið avgjørt. Bólttap í hópatali VÍF-maskinan koyrdi sum í gomlum døgum, og neyð- ars Óla Kristian í málinum hjá kollfirðingum bleiv ferð aftan á ferð svikin av verjuni hjá sær. Tað var heldur ikki so, at kollfirð- ingarnir kundu steðga VÍF við at taka ein mann burtur úr, tí vestmenningar hava so nógvar streingir at spæla uppá, so tað ger ikki nakran serligan mun. Tá ið so kollfirðingar sjálvir høvdu bóltin, var tað heilt ófatuligt at síggja, hvussu ofta teir púra óneyðugt tveittu bóltin út av vøllinum, uttan at teir yvirhøvur vóru trýstir av mótstøðumonnunum. Tað var týðuligt, at tað gjørdist bara truplari og truplari hjá KÍF at fylgja Harald Bjørgvin, gullvinnari: - Vit standa saman sum eitt lið Ein av veteranunum hjá VÍF, Harald Bjørgvin, heldur, at ein tann størsti styrkurin hjá ný- klaktu føroyameist- arunum er, at teir standa saman sum eitt lið GULLPRÁT Terji Nielsen terji@sosialurin.fo Harald Bjørgvin sigur, at tað hevur ofta verið so í VÍF, at bakkarnir hava skotið kanska eini tíggju mál í part, men nú vóru bakkarnir burtur, og so var neyðugt hjá teimum at standa saman sum eitt lið, og tað var hetta, ið bar VÍF fram til meistaraheitið. Kapping um plássini Harald Bjørgvin sigur, at tað hevur verið hørð kapping um plássini í VÍF, og tað hevur givið úrslit. - Vit byrjaðu tíðliga at fáa skaðar, og teir menn- inir, sum traðkaðu til, hava ikki staðið nakað aftan fyri hinar, so tað sást ikki aftur á liðnum Tá ið so hinir komu aftur í aftur, hava vit havt stóra breidd, og heildin hevur verið rættuliga kompakt, og kappingin um plássini hevur gjørt allar mans betur, sigur Harald Bjørg- vin. - Vit hava havt ein breiðan hóp, og vit hava havt øgiliga góða venjing, og tað hevur borið okkum fram. Vit hava vant nógv í ár, og sum heild hevur uppmøtingin verið sera góð, sigur veteranurin. - Vit hava eisini verið ógvuliga stabilir í dyst- um. Vit hava í veruleikan- um bert hava eina ordiliga down-periodu, og tað var í einum dysti, har vit ikki høvdu ráð til tað, nevnliga í steypafinaluni, sigur Harald Bjørgvin. Sjálvur minnist Harald Bjørgvin ikki, hvussu nógv meistaraheiti hann nú hevur vunnið við VÍF, men spurdur um hetta er tað seinasta sigur hann: - Tað veit eg ikki enn. Triðja barnið er á veg, og hondbólturin krevur nógva tíð. Hinvegin haldi eg, at eg dugi rættuliga væl at verða hjá familj- uni, tá ið eg kann. Eg havi tó ikki tikið nakra avgerð enn um komandi ár, sigur Harald Bjørgvin at enda. KÍF-VÍF 19-28(8-15) Gullið er tryggjað