týsdagur 8. mars 2005síða 20

20 Nr. 46 - 8. mars 2005 H71-Kyndil 27-36(12-14) Halda fast í silvurplássinum Kyndil tykist nú hava tryggjað sær silvurið, eftir at teir sunnudag- in vunnu greitt á hoy- víkingum í einum rættuliga rótutum dysti ATLANTIC AIRWAYS KAPPINGIN Terji Nielsen terji@sosialurin.fo Tað er ikki so langt síðani, at sagt varð, at Kyndil hevði eitt kompleks av hoy- víkingum, men hesum kompleksi tykjast teir nú hava vunnið á. Seinastu ferðirnir, ið liðini hava hitst, hava teir grønu nevn- liga vunnið greitt. Breiddin sigraði Dysturin sunnudagin í Hoyvíkshøllini var eitt gott dømi um, hvussu stór breiddin á Kyndlaliðnum í veruleikanum er. Í mun til fleiri av hinum liðunum er tað ofta so hjá Kyndil, eins og hjá t.d. VÍF, at málini eru rættiliga javnt býtt millum fleiri spælarar. Hjá hoyvíkingum er úr- slitið sum oftast rættuliga nógv tengt at, hvussu tað gongur hjá serliga liðskip- aranum Halgir Dahl Olesen og kanska eisini Piti Negru. Sunnudagin vóru kyndils- menninir rættuliga væl upplagdir, og tað vísti seg eisini, at hóast útskiftingar- nar vóru títtar hjá Kyndli, so sást tað ikki aftur úti á vøllinum, tí breiddin var so mikið stór. Góður endaspurtur Leingi sá tað út til, at tað fór at gerast ein javnur og spennandi dystur millum H71 og Kyndil. Gestirnir fingu betru byrjanina upp á dystin, men tað gekk ikki long tíð, áðrenn hoyvík- ingar svaraðu aftur og komu upp á javnt. Í fyrra hálvleiki var lítil munur á liðunum báðum, men móti endanum av hálvleikinum fekk Kyndil lagt seg tvey mál fram um hoyvíkingar. Eftir steðgin setti Kyndil ferð á, og teir øktu um leiðsluna hjá sær. Seinni hálvleikur var einans átta minuttir gamal, tá ið gest- irnir høvdu lagt seg á odda við fimm málum, 21-16, og tey flestu hildu óivað, at nú var avgjørt. Men so var ikki, tí hoy- víkingarnir stríddust manniliga fyri at fáa fatur á Kyndil aftur, og tað var eisini um reppið, at tað eydnaðist teimum. Mun- urin millum liðini minkaði aftur støðugt, og tá ið ein- ans tíggju minutttir vóru eftir at dystinum, vóru ein- ans tvey mál á muni. So søgdu kyndilsmennin- ir, at nú var nóg mikið, og við einum øgiligum enda- spurti syrgdu teir fyri, at teir vunnu ein trivaligan sigur á H71. Seinastu tíggju minuttirnar skoraðu tær grønu ikki færri tíggju ferð- ir, meðan hoyvíkingarnir einans fingu trý mál, so endaliga úrslitið gjørdist 36-27 til Kyndil. Silvurið fer ongan veg Við sigrinum syrgdi Kyndil fyri, at teir framvegis sita trygt á silvurplássinum. Komandi vikuskifti fær havnarliðið vitjan av ný- klaktu føroyameistarunum úr Vestmanna, og tá verður spennandi at síggja, hvussu leikur fer. Dystirnir millum Kyndil og VÍF eru altíð nakað heilt serligt, og tað er lítið at ivas í, at hóast vestmenningar longu eru meistarar, so fara teir at gera alt teir megna fyri at vinna á havnarmonn- unum. Kyndil tykist nú verða komið fyri seg eftir eitt longri tíðarskeið, har als einki bar til hjá teimum. Teir taptu tilsamans fimm dystir á rað í lands- og steypakapping, og tað var í hesum tíðarskeiði, at teir mistu sambandið við VÍF. H71 hevur ikki staðið seg so væl í seinastuni. Tað tyk- ist sum um, at hoyvíking- arnir langt síðani hava av- skrivað hetta kappingarárið sum eitt ár, ið bara skal koyrast í gloymibókina. Vónirnar hjá hoyvíkingum undan kappingarárinum vóru góðar, men liðið hevur fingið sera lítið burtur úr í seinnu hálvu av kappingini. H71-Kyndil 27-36(12- 14) H71: Esbern Patursson 6(1), Piti Negru 4, Halgir Dahl Olesen 4, Johnny Durhuus 4, Niels Viggo Niclasen 4, Olaf Vesturgarð 2, Christian Eli Zach-ari- assen 2, Sigtór Andreasen 1 Kyndil: Finnur Hansson 8, Hans Áki Dal-Christiansen 7(1), Jakob Jónsson 6, Jan- us Einar Sørensen 4, Høgni Klein 4(1), Rókur Akralíð 3, Hjalti M. Jacobsen 1, Jósef Abrahamsen 1, Hans A. Thomsen 1, Ragnar Stakksund 1 Brotskøst: H71 1(1), Kyndil 3(2) Útvísingar: H71 2, Kyndil 4 Dómarar: Sámal Hansen og Kristian Johansen Oddaliðið Stjørnan vísti sunnudagin, at tað er eitt sindur á muni millum tey bæði fremstu liðini í Sunset-kappingini og so nærmastu kapp- ingarneytarnar SUNSET-KAPPINGIN Terji Nielsen terji@sosialurin.fo Hóast onkur kanska hevði væntað, at Søljan kundi hótta Stjørnuna í Klaksvík sunnudagin, so var ongan- tíð nakar ivi um, hvat var betra liðið. Gjørdu bart beinanvegin Heimaliðið tóktist ógvu- liga uppsettar til dystin, og tær vístu eisini sín klassa beinanvegin. Stjørnan legði fyri sum eitt óløgi, og longu tá ið 10 minuttir vóru leiktir, tóktist dystur- in avgjørdur, tí tá hevði heimaliðið lagt seg á odda 7-1. Bronsukandidatarnir úr Vágum fingu ongantíð fótin fyri seg, og tær vóru snøgt sagt runnar um koll í fyrra hálvleiki. Heimaliðið var flúgvandi, og tær bara øktu um leiðsluna hjá sær. Neyðars Kristina í mál- inum hjá Søljuni kundi bara standa og hyggja at, meðan bóltarnir flugu um oyruni á henni, og tað var ikki eitt mál ov lítið, at Stjørnan var á odda heili 15-6 í steðginum. Í seinna hálvleiki skifti venjarin hjá Stjørnuni, Svein Rógvi Nielsen, eitt sindur út á liðnum hjá sær, og hetta gav Søljuni neyð- uga andaholið til, at tær komu eitt sindur fyri seg. Nú meganði Søljan at spæla upp við heimaliðið, og tí gjørdist munurin á liðunum báðum ikki so stórur, sum kanska var væntandi, tá ið farið var til hálvleiks. Seinni hálvleik- ur var rættuliga javnur, og liðini skiftust um at skora. Tá ið avtornaði, vísti tað seg, at Stjørnan hevði vunn- ið við tíggju málum, 33-23, og tað var ikki eitt mál ov lítið. Greiði sigurin hjá oddaliðnum Stjørnuni á bronsukandiatunum úr Søljuni sigur kanska eisini eitt sindur um, hvussu stór- ur munurin á teimum báð- um fremstu liðunum og so teimum liðunum, ið liggja á teimum næstu plássunum, í veruleikanum er. Stjørnan-Søljan 33- 23(15-6) Stjørnan: Katarina Stjepa- nov 8(2), Bára S. Klakstein 6, Annika Ljósstein 6(3), Joan M. Djordjevic 4, Al- ina Olaru 3, Anna Kristina Samson 3, Louisa Andrea- sen 1(1), Maria við Neyst 1(1), Una Olsen 1 Søljan: Nicoleta Radu Hansen 7, Heidi Maria Akselsen 5(5), Lina Andriulyte 4, Hertha Jóns- dóttir Simonsen 4, Fía Selma Nielsen 2, Kristi- anna Petersen 1 Brotskøst: Stjørnan 8(7), Søljan 7(5), Útvísingar: Stjørnan 4, Søljan 8 Dómarar: Brandur Johan- sen og Heri Petersen Stjørnan-Søljan 33-23(15-6) Stjørnan vísti sín klassa Hans Arni Thomsen og Kyndil høvdu gott tak á Esbern Patursson og H71 sunnudagin Mynd: Álvur Haraldsen