hósdagur 10. mars 2005síða 9

Nr. 48 - 10. mars 2005 9 Televarpið fer nú at senda NRK 1 Televarpið fer frá 1. apríl 2005 at senda norsku public service rásina NRK 1. Rásin verður at finna í øllum grundpakkunum hjá Televarpinum SJÓNVARP Eirikur Lindenskov eirikur@sosialurin.fo – Hetta er enn eitt stig at tryggja føroyingum dygdargott norður- lendskt sjónvarp og samstundis menna norðurlendska public service-rásúrvalið hjá Televarpinum, sigur Laila Hentze, stjóri í Televarpinum. Saman við DR-rásunum kann Televarpið nú sum tann einasti veita hald- arum sínum tær bestu og mest viðkomandi norðurlendsku public service-rásirnar, sigur hon. Aðrar broytingar verða eisini framdar í Televarpinum 1. apríl. Tónleikarásin VH1 verður tikin úr rásúr- valinum, og Rás 1 og God Channel fara at skiftast um at senda á somu rás. Broytingarnar hava ongar príshækkingar við sær. – Televarpið arbeiðir framvegis við at víðka um sendinetið. Í mars og í apríl fara íbúgvar- nir í Hvalvík, Streym- nesi og Kvívík at síggja Televarpið. Við hesari útbyggingini røkkur Televarpið uml. 75% av føroysku hús- arhaldunum. Kanning- ar um víðari útbygg- ingar verða somuleiðis gjørdar í ár, sigur Laila Hentze. At senda NRK 1 er enn eitt stig at menna norðurlendska public- service-rásuúrvalið hjá Televarpinum, sigur Laila Hentze, stjóri í Televarpinum Í samband við tiltakið hjá Amnesty Inter- national týsdagin, sang Lena Andersen nøkur løg á Torginum í SMS. Í hesum sam- bandi høvdu vit eitt lítið prát við hana AMNESTY Annika Isfeldt og Guðrun Jacobsen "Seinasta fløgan hjá mær hevur selt avbera væl í Føroyum, og í ár fari eg so at royna meg í Danmørk. Fyrsta stakfløgan hjá mær kemur út einaferð í vár, ella í summar. Og eg vóni, at tað fer at ganga væl", sigur Lena og smílist. Í løtuni býr Lena í Kana- da, og tað dámar henni væl. "Pápi mín er uppvaksin í Kanada, og tí havi eg altíð følt meg væl har. Har er ein heilt onnur mentan, eitt heilt annað mál, og eg haldi, at fólkini eru meira opin enn í Føroyum. Men um tú lærir ein føroying at kenna, verður hann sjálv- sagt meira opin." Lena fortelur um fram- tíðarætlanir hennara: "Tað næsta verður, at eg fari til Kanada at arbeiða, og tá ið fyrsta stakfløgan hjá mær kemur út í Dan- mark, ætli eg mær til Dan- markar at marknaðarføra hana." Amnesty og "Amy" Lena var í SMS fyri at stuðla tiltakinum hjá Am- nesty International. "Eg haldi, at tiltakið móti harðskapi móti kvinnum er ein góð søk at stuðla. Tað er eitt super tiltak. Man er ein rødd fyri tey sum eru kúg- að. Og eg haldi, eg geri mítt besta við at vera góð við míni medmenniskju". Spurd um sangirnir, hon syngur her í dag, hava nak- að við evnið at gera svarar Lena: "Ja, nøkur løg passa til tiltakið. Serliga nýggi sang- urin "Amy". Hann snýr seg um eina gentu, sum ikki hevur tað gott. Hon torir illa at liva, og hon er í eini bíðistøðu," endar Lena. – Ein góð søk at stuðla - Tað er eitt super tiltak. Ein er ein rødd fyri tey, sum eru kúgað, sigur Lena Andersen, sum her syngur saman við manni sínum Niclasi Johannesen á guitara Býráðið í Porkeri hevur keypt hús og fær nú munandi betri umstøður HØLISVIÐURSKIFTI Dagfinn Olsen dagfinn@sosialurin.fo Porkeris Býráð er flutt í nýggj høli og hevur nú munnandi betri viðurskifti at virka í og nú er vítt til veggja, í mun til undanfarin høli. Talan er um hús mitt í bygdini. Húsini eru upp- runaliga bygd sum sethús í fimmtiárunum. Tey hava m.a. verið læraraíbúð og eisini hava læknaviðtalu- høli verið í húsunum. Kommunan hevði eisini part av húsunum eitt skifti, frá 1975 til 78. Í 1974 og til fyrst í níti- árunum átti Føroya Banki húsini og húsaðist í teim- um. Porkeris Býráð hevur nú keypt húsini frá einum felag hjá Hera Hjelm. Talan er tó í fyrstu syftu um leigu av húsunum í tvey ár, men leigan gongur inn í keypið. Skrivstovuútgerð og ann- að innbúgv er við í keypin- um. Húsini eru í trimum hæddum og fáa kommu- nalu politikararnir í Porkeri við hesum rúmari ræsur at virka í. Porkeris býráð í nýggj høli Fyrsti fundur var í nýggju húsunum týsdagin, Porkeris býráð; Sigmundur Olsen, Gunnbjørn Petersen, varamaður fyri Hans Eli Bech, Eli Frederiksen, borgarstjóri, Lars Djurhuus, skrivari, Anna Djurhuus, varaborgarstjóri og Mikkjal Sørensen (Mynd: D.Olsen)