fríggjadagur 11. mars 2005síða 5

Nr. 49 - 11. mars 2005 5 Millum- bylgja er rokin Tað kann ganga upp í eitt hálvt ár, áðrenn millumbylgjusend- arin hjá Útvarpinum á Akrabyrgi fæst at rigga aftur ÚTVARP Eyðun Klakstein eydun@sosialurin.fo Tá ið Útvarp Føroya fór at senda sunnumorgunin riggaði millumbylgju- sendarin í Akrabyrgi ikki. Sendarin hevur ikki riggað síðani, og um tað vil illa við, kemur sendar- in ikki at rigga aftur fyrr enn um eitt hálvt ár. Tað er avleiðingin av, at sendirørið er farið, og einki nýtt er á goymslu. Sambært Útvarpinum kann tað taka upp í eitt hálvt ár at fáa eitt nýtt sendirør til vega, um tað ikki eydnast at fáa eitt brúkt sendirør frá onkrari útvarpsstøð uttanlands. Tað er Føroya Tele, sum umsitir sendinetið vegna Vinnumálaráðið, og Før- oya Tele hevur tríggjar ferðir síðani apríl 2003 gjørt vart við, at neyðugt er at keypa eitt nýtt sendi- rør at hava á goymslu. Føroya Tele heldur seg ikki klára at keypa sendi- rørið, sum kostar umleið 600.000 krónur, fyri tað rakstrarjáttan, sum felag- ið á hvørjum ári fær frá landinum til at halda sendinetið viðlíka. Men hóast fleiri áheitan- ir á Vinnumálaráðið um at útvega pengar til at keypa nýtt sendirør fyri, eru ongir pengar komnir, og nú sendirørið í sendar- anum er farið, er einki nýtt at seta ístaðin. Bjarni Djurholm segði mikukvøldið við Útvarp- ið, at hann beinanvegin fer at gera eina roynd at útvega pengar til at keypa eitt nýtt sendirør fyri, og hann tók ábyrgdina í mál- inum á sín kappa, hóast hann róði fram undir, at Føroya Tele síðani 2003 hevur fingið 12 milliónir krónur til at viðlíkahalda sendinetið fyri, og at 600.000 krónur til eitt nýtt sendirør er ein lítil upphædd av hesum. Millumbylgjusendarin í Akrabyrgi hevur syrgt fyri, at fiskimenn kunnu hoyra Útvarpið, men í upp til seks mánaðir mugu fiskimenn royna aðrar leiðir á millumbylgju fyri at hoyra útvarp. Plássið á sendinetin- um hjá Televarpinum er avmarkað, og nú ein nýggj norður- lendsk rás skal inn, verður ein altjóða tónleikarás koyrd út. Tað eru tær minst brúktu rásirnar, sum mugu víkja fyri teim- um nýggjum TELEVARP Eyðun Klakstein eydun@sosialurin.fo Meira norðurlendskt public- service sjónvarp, minni God Channel og einki VH1. Tað verða broytingarnar, sum Televarpið fer at gera frá fyrsta degnum í apríl. Televarpið hevur í eina tíð roynt at fingið meira norð- urlendska sjónvarp í sítt útboð, og í fjør eydnaðist tað at fáa DR1 og DR2 umborð, og frá 1. apríl kunnu brúkarar av Televarp- inum síggja norska NRK. – Hetta er enn ein liður í at tryggja føroyingum dygdargott norðurlendskt sjónvarp og samstundis menna norðurlendska pub- lic service-rásúrvalið hjá Televarpinum, sigur Laila Hentze, stjóri á Televarp- inum. Tónleikarás rýkur Men hvørja ferð ein nýggj rás skal við í útboðið hjá Televarpinum, má onkur onnur rás víkja, tí plássið á sendinetinum er avmarkað. – Vit brúka Gallup-kann- ing sum grundarlag undir valinum av rásum. Tá ið vit mugu taka onkra rás burt- urúr velja vit tí minst populeru rásina, sigur Laila Hentze. Og tann minst populera rásin, nú NRK skal inn í hitan, er tónleikarásin VH1, sum hevur ein nakað eldri málbólk enn ungdómsrásin MTV. Gud verður fluttur Samstundis verður ein broyting gjørd afturat, tí tøkniliga skal Danmarks Radio hava meira pláss til sínar tvær rásir, og tí mugu tvær aðrar rásir á Televarp- inum leggjast saman. Frá 1. apríl verður God Channel tí at síggja á Rás 1 ein part av døgninum. – Í fyrstu syftu verður tað helst soleiðis, at Rás 1 sendir um dagin, meðan God Channel sendir um kvøldið og um náttina. Men God Channel fer helst eisini at fáa ein blokk mitt á degnum eisini, sigur Laila Hentze. Breitt úrval hóast broytingar Stjórin á Televarpinum roknar ikki við, at tað verða fleiri broytingar í úrvalin- um av rásum næstu tíðina. Eftir at DR1 og DR2 og nú NRK eru komin við í úr- valið, er norðurlendski parturin styrktur munandi. – Vit halda okkum hava eitt gott og breitt úrval av rásum. Vit kunnu bjóða norðurlendskt public-ser- vice sjónvarp, rásir hjá Via- sast og Canal+ og føroyska sjónvarpið. Hetta er ein serstakur pakki, sum eingin annar kann bjóða, sigur Laila Hentze. Fleiri enn 4000 kassar hjá Televarpinum eru úti millum fólk, og talið á kundum veksur støðugt. Í næstum koma Hvalvík og Streymnes upp í sendinetið og nakað seinni fær Kvívík eisini Televarpið. Við hesari útbyggingini røkkur Televarpið uml. 75 % av føroysku húsarhald- unum. Fyrrverandi formað- ur í Unga Sjálvstýrin- um og velevni til sein- astu tvey løgtings- valini hevur tikið seg úr flokkinum eftir landsfundin um viku- skiftið. Hann heldur, at Sjálvstýrisflokkur- in ger einki munagott við støðuna, sum flokkurin er komin við minkandi undir- tøku POLITIKKUR Eyðun Klakstein eydun@sosialurin.fo Sjálvstýrisflokkurin hevur nú mist ein av sínum ungu og lovandi politikarum, sum seinastu árini hevur verið við til at mynda flokkin bæði í Føroyum og uttanlands. Kenneth Rasmussen var fram til desember mánað í fjør formaður í Unga Sjálv- stýri, og hann hevur verið valevni hjá flokkinum til tvey tey seinastu løgtings- valini. Nú hevur hann boðað formanninum í Sjálvstýris- flokkinum frá, at hann fer úr flokkinum. – Tað er eingin vilji í Sjálvstýrisflokkinum til at gera nakað munagott við støðuna, sum flokkurin er komin í, sigur Kenneth Rasmussen sum orsøk til, at hann hevur takkað fyri seg í Sjálvstýrisflokkinum. Trupul tíð Seinastu tvey løgtingsvalini hava verið tey vánaligastu í søguni hjá Sjálvstýrisflokk- inum, og flokkurin hevur júst megnað at hórað undan omanfyri sperrumarkið. Sjálvstýrisflokkurin hev- ur ikki havt somu styrkina eftir seinna veraldarbar- daga, sum flokkurin plagdi at hava, men flokkurin hevur fyri tað mesta fingið millum 7 og 9 prosent av atkvøðunum til løgtinsval- ini, og oftast hevur flokkur- in havt tvey umboð í løg- tinginum seinastu 25 árini. Seinastu tvey valini hev- ur Sjálvstýrisflokkurin fingið ávíkavist 4,4 og 4,6 prosent av atkvøðunum, og á seinasta løgtingsvalinum fór Miðflokkurin fram um Sjálvstýrisflokkin og vann tveir tinglimir, meðan Sjálvstýrisflokkurin bara hevur eitt umboð í løgting- inum síðani 2002. Bátur á landi Á landsfundinum hjá Sjálv- stýrisflokkinum um viku- skiftið var flokkurin sam- anborin við ein bát, sum stendur á landið væl mál- aður og tilriggaður, men sum ongantíð fer á flot. – Hetta er ein góð mynd av støðuni í Sjálvstýris- flokkinum. Flokkurin hev- ur ein góða grundhugsjón, sum tað framvegis er brúk fyri í føroyskum politikki, men flokkurin klárar ikki at gera nóg væl vart við seg. Flokkurin má taka nøkur mál og halda fast um tey, men tað er eingin veruligur vilji til at markera flokkin, sigur Kenneth Rasmussen. Hann heldur, at løgtings- maðurin hjá flokkinum, Kári P. Højgaard, ger tað, sum hann megnar fyri at fáa flokkin fram, og tað er eingin persónlig ósemja við hann ella flokkin, sum ger at fyrrverandi formaðurin í Unga Sjálvstýri fer úr flokkinum. – Eg haldi, at tað er fram- vegis pláss fyri Sjálvstýris- flokkinum í føroyskum politikki, men eg havi tikið avgerð um, at eg tími ikki longur at brúka mína tíð til flokkin, sigur Kenneth Ras- mussen, sum einki veit at siga um sína politisku framtíð. Profilur rýmir úr Sjálvstýrisflokkinum – Tað er eingin vilji í Sjálv- stýrisflokkinum til at gera nakað munagott við støðuna, sum flokkurin er komin í, sigur Kenneth Rasmussen, sum hevur tikið seg úr Sjálv- stýrisflokkinum Mynd: Edvard Joensen Tónleikur má víkja fyri norskum public-service