leygardagur 12. mars 2005síða 16

16 Nr. 50 - 12. mars 2005 Dagligt breyð hvønn dag Nýggj andaktsbók er komin út við andakt- um til hvønn dag í árinum – eisini til 29. februar. Menn av Argjum hava sett sítt sín dám á bókina KRISTILIGAR BØKUR Snorri Brend snorri@sosialurin.fo Tað er ikki á hvørjum degi at ein andaktsbók kemur út á føroyskum. Men tað vil so ikki siga, at ikki tørvur hevur verið á eini slíkari. Og tað er heldur ikki á hvørjum degi, at ein fær eina slíka bók til nýtslu í gerandisdegnum, sum eisini tekur hædd fyri eini andakt, tá skotár er. Bókin "Dagligt breyð" er væl kend í mongum før- oyskum heimum, og mong hava higartil havt gleði og fragd av at lesa andaktir úr hesi bókini á norskum og á donskum. Heimamissiónsforlagið í Nesvík hevur nú givið út hesa bókina, ið norski gud- frøðingurin Carl Fr. Wisløff skrivaði fyri mongum árum síðani. Tað eru argjamenninir Henry D. Joensen, lærari og trúboðarin Jóhannes Mort- ensen sum hava týtt hana til føroyskt. Bókin er eisini mynd- prýdd av einum øðrum argjamanni. Finnleif Mortensen hevur nevniliga teknað permumyndina, eins og myndirnar inni í bókini. Her er bókin skipað soleið- is, at hvør mánaður hevur sína mynd, sum er at finna við hvørt andaktstykki henda mánaðin. - At byrja dagin við einum Guds orði er ein góður vani. Og kann henda bókin eisini verða ein góð hjálp til tað, sigur forlagið um bókina. Bókin er slakar 400 síðu til støddar og kostar 275 kr. Hon fæst hjá Heimamissi- ónsforlagnum og í bóka- handlunum kring landið. Tveir argjamenn hava týtt og ein argjamaður hevur myndprýtt nýggjastu føroysku andaktsbókina Tey sinnisveiku fáa nú eitt gott stað at savnast í, tá Løkju- kafé’in á Argjum letur upp mánadagin SINNISVEIK Snorri Brend Argir: Tað eru ikki nógvar kafé’ir á Argjum. Men mánadagin letur í øllum førum upp ein nýggj kafé við navninum "Løkju-kaféin". Endamálið við hesi kafé’ini er at geva teimum sinnisveiku ein møguleika at savnast til eitt hugnaligt og gevandi prát afturvið einum góðum drekkamunni. Tað er í fyrstu syftu Stuðulsskipanin fyri vaksin sum tekur sær av kafé’ini. Men Fía Jespersen, ið er pedagogiskur ráðgevi hjá skipanini sigur, at tey hava ætlanir um at lata brúkaran sjálvan taka yvir so líðandi. – Vit fara í øllum førum at byrja soleiðis. Og so fáa vit at síggja, hvør orkan verður hjá teimum sjálvum at føra arbeiðið víðari, sigur hon í stuttari viðmerking við Sosialin. Løkjukafé’in heldur til í húsunum hjá Stuðuls- fólkaskipanini fyri vaksin í Lækjartúni. Hon liggur ájavnt við veghæddina, soleiðis at tað eisini er væl atkomuligt hjá rørslutarnaðum brúkarum. Kafé’in letur sum nevnt upp mánadagin, og verður annars opin frá mánadegi til fríggjadag frá kl. 12:30 til 15. Ein kafé fyri brúkaran Tey rigga nýggju kafé’ina til – Fía Jespersen og leiðarin í Stuðulsskipanini, Regin Johansen. Mynd: Jens Kr. Vang