týsdagur 15. mars 2005síða 5

Nr. 51 - 15. mars 2005 5 Skilnaður millum listarfólk staðfestur Tey 12 listarfólkini, sum hava tikið seg úr felagnum Føroysk Myndlistafólk, gera nú eina nýggja Heyst- framsýning, sum kann metast sum eitt slag av mótspæli til Várframsýningina í Listaskálanum. Ein av teimum 12 viður- kennir, at hendan framsýning staðfestir ein skilnað millum føroysk listarfólk LIST Eyðun Klakstein eydun@sosialurin.fo Tað er líkt til, at føroysk listarfólk eru ymisk sum árstíðirnar. Í hesum døgum er tann árliga Várframsýningin, sum felagið Føroysk Myndlistafólk skipar fyri í Listaskálanum. 12 av teim- um etableraðu listarfólkun- um í Føroyum boykotta tó hesa framsýning, og nú hava tey gjørt av, at tey fara at gera sína egnu Heyst- framsýning seinni í ár. – Eftir at vit tóku okkum úr felagnum Føroysk Myndlistafólk, taka vit ikki undir við arbeiðnum hjá tí felagnum. Vit hava tí gjørt ein bólk, sum fer at gera eina framsýning saman, sigur Bárður Jákupsson, sum er eitt av teimum 12 listarfólkunum. – Endamálið hjá tí nýggja listarfólkabólkinum er at hava framsýningar saman, og vit fara í øllum førum at hava eina árliga framsýning saman. Staðfesta skilnaðin Seinastu mánaðirnar hevur stríð verið millum tveir bólkar av føroyskum listar- fólkum. Stríðið er komið til sjóndar í nevndarvalum, set- an av nýggjum leiðara fyri Listasavnið og nú eisini í sambandi við framsýningar. 12 listarfólk vóru so mis- nøgd eftir aðalfundin hjá felagnum Føroysk Mynd- listafólk, har tey hildu seg verða við sviðusoð, at tey tóku seg úr felagnum. Seinni kom munurin mill- um hesi 12 og hini føroysku listarfólkini til sjóndar, tá ið leiðari skuldi setast fyri Listasavn Føroya. Og nú er stríðið eisini komin inn í framsýningar- hølini, tí tey 12 listarfólkini eru ikki við á árligu Vár- framsýningini, sum higartil hevur verið ein tann besta og fremsta framsýningin í føroyskari list. – Vit hava eina aðra meining enn tey, sum eru við í Føroysk Myndlista- fólk, og tað ber til at siga, at tann nýggja framsýningin hjá okkum staðfestir ein skilnað, sum er millum list- arfólkini. Vit hava ikki lagt upp til nakra ósemju, men vit hava eina aðra hugsan enn Føroysk Myndlistafólk, sigur Bárður Jákupsson. Hugskotið at gera góða framsýning Merkir tað, at tit hava gjørt ein nýggjan listafólkabólk, at tit bara fara at verða við á framsýningum, har limir- nir í bólkinum eru við og ikki stilla út saman við øðr- um føroyskum listarfólk- um? – Nei, tað merkir als ikki tað. Hesin bólkur hevur valt at samstarva um framsýn- ingar, og tað er vanligt aðrastaðni, at listafólk finna saman á hendan hátt. Hugskotið er at gera eina góða framsýning. Vil tað siga, at hinar framsýningarnar í Føroyum er ikki nóg góðar? – Nei, eg skal einki siga um hinar framsýningarnar. Nú gera vit okkara, og so fáa vit at síggja, hvat fólk halda. Hvar verður Heystfram- sýningin? – Vit hava fleiri møgu- leikar, men hava ikki gjørt nakra avtalu enn. Verður framsýningin í Listaskálanum? – Vit hava onga avtalu gjørt við Listaskálan, so hon verður ikki har hesa- ferð. Men vit hava ikki gjørt av, hvar framsýningin verður. – Vit vilja gjarna hava lesaratalið uppeftir, og hetta er ein roynd at fáa lesarar aftur til Dimmalætting, sigur ábyrgdarblaðstjórin Ingi Samuelsen. Í dag kemur Dimma út í nýggjari og minni stødd DIMMA Eyðun Klakstein eydun@sosialurin.fo Tey 84 árini við Dimmalætt- ing í stórari stødd eru av. Mánakvøldið kom Dimma- lætting á gøtuna í nýggjari og minni stødd – so- nevndum tabloid-formati. Ein høvuðsorsøk til broytingina er, at Dimma- lætting vil hava lesaratalið hjá sær uppaftur. – Síðani eg gjørdist blaðstjóri, havi eg hoyrt mest sum dag og dagliga frá fólki, sum halda at støddin á Dimmalætting er ov stór. Vit hava hugsa okk- um væl um og hava tikið avgerðina um, at blaðið skal koma út í einari minni stødd. Hetta er serliga fyri at fáa teir yngru lesararnar meira við, sigur Ingi Samu- elsen, ábyrgdarblaðstjóri á Dimmalætting. – Samstundis stúri eg sjálvandi eisini eitt sindur fyri, hvat teir gomlu lesar- arnir hjá Dimmalætting fara at siga, nú teir fáa blaðið í nýggju støddini, tí sjálvandi hevur Dimma havt eina rúgvu av nøgdum lesarum, sum hava dámt blaðið í tí stóru støddini. Rákið er minni bløð Fyrstu árini kom Dimma- lætting út í tabloid-stødd, men síðani 1921 er Dimma- lætting komin út í sonevndu broadsheet-støddini. Nú fer blaðið so aftur til tað minnu støddina, sum hini føroysku bløðini koma út í. Fyri einum góðum ári síðani segði tú, at konseptið hjá Dimmalætting passaði betur til eina stóra blað- stødd. Hví broyta tit so støddina nú? – Vit hava ásannað, at gongdin er tann vegin, at bløð, sum eru komin út í stórari stødd í nógv ár, eru farin niður í stødd. Tað síggja vit í londunum kring okkum, og vit hava hildið tað verða rætt, at Dimma- lætting nú eisini kemur út í einari minni stødd. – Vit ælta tó at gera okkara blað øðrvísi enn hini føroysku bløðini. Vit koma bara at arbeiða við opnum, tað vil siga tvørtur um ryggin á blaðnum. Tí kann mann siga, at vit arbeiða á somu síðustødd, sum vit hava gjørt higartil, men nú er støddin bara løgd á liðini, sigur Ingi Samuelsen. Vilja hava fleiri lesarar Tá ið tú gjørdist blaðstjóri, setti tú tær fyri at venda niðurgongdini hjá Dimma- lætting. Er hetta ein liður í tí arbeiðnum? – Vit vilja gjarna hava lesaratalið hjá okkum upp- eftir aftur, og hetta er ein liður í tí arbeiðnum. Tað hevur ikki gingið so lætt við at venda gongdini, sum eg hevði roknað við, og hetta er tí ein partur av ar- beiðnum at venda gongd- ini. Vit vóna, at vit við ein- ari minni blaðstødd fáa les- arar at koma aftur til blaðið. Dimmalætting vil hava lesarar aftur til blaðið – Síðani eg gjørdist blaðstjóri, havi eg hoyrt mest sum dag og dagliga frá fólki, sum halda at støddin á Dimmalætting er ov stór, sigur Ingi Samuelsen, ábyrgdarblaðstjóri á Dimmalætting, nú blaðið kemur út í minni stødd Mynd: Jens Kristian Vang Á einum fundi tann 8. mars gjørdu 12 føroysk listarfólk av at seta á stovn ein listafólkabólk. Endamálið er í fyrsta lagi at fyrireika framsýningar saman, og tann fyrsta framsýningin verður ein Heystframsýning, ið letur upp tann 24. september. Tey 12 listarfólkini eru: Andrias Andreassen, Hanni Bjartalíð, Zacharias Heinesen, Hansina Iversen, Bárður Jákupsson, Rannvá Kunoy, Anker Morten- sen, Olivur við Neyst, Marius Olsen,Torbjørn Olsen, Tróndur Patursson og Bjarne Werner Sørensen FAKTA – Vit hava eina aðra meining enn tey, sum eru við í Før- oysk Myndlistafólk, og tað ber til at siga, at tann nýggja framsýningin hjá okkum staðfestir ein skilnað, sum er millum listarfólkini, sigur Bárður Jákupsson, sum er ein av teimum 12, sum er við í nýggja listafólkabólkinum Rás 2 reyk út Um vikuskiftið hoyrdu norðoyingar einki frá Rás 2. Helst hevur óstøðugi streymurin gjørt seg inn á ein móttakara á Brúnaskarði. Seinnapartin mána- dagin fór fólk frá Rás 2 á Brúnaskarð at rætta brekið RÁS 2 Eyðun Klakstein eydun@sosialurin.fo Tað var tøgn á adressuni 107 Mhz á FM-bandinum um vikuskiftið. Hetta er staðið, har norðoyingar kunnu taka ímóti Rás 2, men um vikuskiftið hevur einki verið at hoyrt. – Vit halda, at tað er ein digitalur móttakari, sum er frystur orsaka av tí teimum mongu streym- slitunum leygarnáttina. Vit hava einaferð áður havt hendan trupulleika, og tá var tað hesin mót- takarin, sum ikki toldi so óstøðugan streym, sigur Petur Jacobsen, sum er stjóri á Rás 2. Seinnapartin mánadagin fóru fólk frá Rás 2 at kanna brekið, og Petur Jacobsen roknaði við, at Rás 2 aftur kundi hoyrast umvegis Brúnaskarð seinni mánadagin.