fríggjadagur 18. mars 2005síða 3

Nr. 54 - 18. mars 2005 3 BÓKAÚTGÁVA tíðindaskriv Uttanfyri vindeygað togast vetur og vár um valdið. Best sum ein var farin at halda, at várið var í hond um, herjar veturin á aftur við nýggjari megi. Men so hæsar kavarokið av - og sólin stavar á fjørðin og minnir okkum á, at várið fer at vinna á vetrinum. Meðan henda togan fer fram í náttúruni, kemur eitt lítið yrkingasavn í bóka- búðirnar, ið ber heitið "Frá vetri til várs". Yrkingasavn- ið Frá vetri til várs hevur Margit Martinsdóttir Baad- sager týtt úr donskum eftir rithøvundin Jette Classen. Savnið lýsir inniliga og yndisliga, hvussu ein mamma kennir tað at fáa boð um, at barn hennara er brekað - og hvussu hon búnast við hesi vitan, so hon eftir sorg og vónloysi aftur sær vón og gleði í lívinum. Náttin eg fekk teg var eydnusom dagurin eftir var órógv Ein rødd í mær segði at har vóru ósøgd orð... verður sagt í byrjanini á savninum. Seinni - eftir fleiri bæði inniligar og skemtiligar hendingar - verður sagt: Tað tú lærdi meg tey árini er styrki mín í dag eg lærdi: tak ein dag í senn og gleð teg yvir tann minsta lutin so klára vit alt saman Á bakpermuni sigur Maud Vang Hansen, leiðari á verk- staðnum Vón, um savnið: Jette Classen letur upp eina verð, sum er ókend fyri tey, sum ikki liva í henni. Hennara tráan eftir at vita tað, eingin við vissu veit, er stór. Her er móðurkærleikin tvinnaður saman við ótta og óvissu. Tvístøðan millum at sleppa og at halda fast verð- ur lýst við rámandi erligheit. Samanumtikið eitt yrk- ingarsavn har tað óvanliga og sorgfulla verður lýst við læandi optimismu, dýpd og kærleika. Á Grækarismessu - nú vit slota út í tann víkjandi vet- urin at vita, um okkurt vár- ligt "klipp" er at hoyra, letur hetta lívgandi yrkingasavnið okkum vita, at eftir vetur kemur vár - eisini í kenslum teirra, sum hava fingið eitt barn við breki. Tað er Javni - felagið fyri menningartarnað og teirra avvarðandi, ið hevur givið savnið út við stuðli frá Tiltaksgrunninum hjá MBF og Føroya Lívstrygging LÍV. Limir Javna fáa yrkinga- savnið sendandi við postin- um. Annars fæst yrkinga- savnið Frá vetri til várs eisini í bókabúðunum fyri 50 krónur. Frá vetri til várs