leygardagur 19. mars 2005síða 15

Nr. 55 - 19. mars 2005 15 Silvur til Føroya Bjór Tá Vestjysk Ølkultur herfyri hevði roynd- arsmakking av páskabryggi, gjørdist ølið hjá Føroyabjór nummar tvey ØLSMAKKING Jákup Mørk Føroya Bjór hevur í fleiri ár verið partur av ølsmakk- ingini hjá Vestjysk Ølkultur, og aftur í ár vóru teir millum tey átta sløgini, sum skuldu roynast. Hesaferð gjørdist talan tó ikki um oddasess til Før- oya Bjór, tí í hørðu kappingini máttu teir víkja fyri øli- num frá Vestfyn. Góð skoðsmál fekk føroyska bryggjaríið kortini. - Tað er fantastiska flott, at Føroya Bjór ferð eftir ferð endar í oddinum, tá vit hava okkara royndar- smakkingar, segði formaðurin fyri Vestjysk Ølkultur, Jan P. Larsen, eftir kvøldið. Og eisini millum fjølmiðlarnar, vakti føroyska ølið ans. Soleiðis staðfesti ein blaðmaður eftirfylgjandi, at hann ikki visti av, at føroyingar dugdu at bryggja øl, yvirhøvur. Nevnast kann, at bryggjaríini, Hancock og Thisted Bryghus, gjørdust ávíkavist nummar trý og fýra. Løgmaður á vitjan í Evropasamveldinum LØGMANSVITJAN Tíðindaskriv Í døgunum 10. til 13. apríl verður løgmaður, Jóannes Eidesgaard, á vitjan í Evropasamveldinum. Endamálið við vitjanini er at hitta umboð fyri politiska kervið í ES á máli um áleikandi mál og at skifta orð um fram- tíðarviðurskifti millum ES og Føroyar. Millum økini, ið løgmaður eftir ætlan fer at umrøða við ES-myndugleikar, eru vinnumál, útbúgving og gransking. Sendistova Føroya í Evropasamveldinum hevur í hesum sambandi fingið í lag fundir við ES- myndugleikar bæði mánadagin og týsdagin 11. og 12. apríl. Vitjan løgmans í Evropasamveldinum endar við eini móttøku týskvøldið 12.apríl í Brússel. Ein av okkara fremstu songfuglum, Eivør Pálsdóttir, fer at framføra á móttøkuni, og útlendsku gestirnir fáa eisini høvi at royna forkunnugar føroyskir brellabitar. Føroysk listafólk fara eisini at sýna fram á móttøkuni. KT vinnan fær sín dag! KT-DAGUR tíðindaskriv KT felagið skipar tann 6. mai fyri fyrsta KT degnum undir heitinum KT Dagurin 2005. Dagurin skal seta fokus á føroyska KT vinnu, og geva munandi vitan um nýtslu av KT loysnum til luttakararnar. Norðurlanda- húsið verður karmur um Dagin. Endamálið við Degnum skal m.a. náast gjøgnum 3 fyrilestrar á fakliga høgum støði har 1 føroyskur fyri- lestrarhaldari og 2 útlendskir koma at geva degnum innihald. Evni á fyrilestrunum verður digitalisering, har m.a. digitalur signaturur verður umrøddur. Ein dómsnevnd er sett, og hon fer at velja eina fyri- tøku/stovn á almennum ella privatum hondum, sum hevur hepnast serliga væl við innføring av einari væl skipaðari KT loysn. Vinnarin fær handað heiðursprógv og -lut fyri slóðbrótandi framtak í føroyskum høpi. Øll kunnu tekna seg sum luttakarar á degnum á www.vrg.fo, og kostnaðurin er 520 kr. Við í prísinum eru 3 fyrilestrar umframt ábit í steðginum. Ætlanin er halda KT Dagin ólíka ár og KT Stevnuna líka ár soleiðis, at føroyska KT vinnan og almenning- urin sum heild hvørt ár hava møguleika at nema sær vitan um, hvat rørir seg í KT heiminum. Hóast tónleikarnir í danska symfoniorkes- trinum eru vanir við eitt sindur av hvørj- um, so setti symfo- ni’in "Oceanic Days" hjá Sunnleifi Rasmus- sen teimum serstøk krøv til upptøkuna. Hetta var samstundis fyrstu ferð at teir tóku upp eina fløgu í surround-ljóði FLØGUÚTGÁVA Snorri Brend, snorri@sosialurin.fo Tónleikur: Tað er ikki á hvørjum degi at út kemur ein føroysk symfoni. Og tað er heldur ikki á hvørjum degi, at ein føroysk fløga verður útgivin við sur- round-ljóði. Tað var júst hetta sum hendi mikudagin, tá nýggj- asta symfoni’in hjá Sunn- leifi Rasmussen "Oceanic Days" varð útgivin á fløgu. Eina slíka stórhending ynskti eingin at lata fara aftur við borðinum, og tí var Norðurlandahúsið kar- mur um løtuna, tá henda fløgan varð at hoyra á fyrsta sinni. Til løtuna hevði Norður- landahúsið sett upp eitt an- legg við surround-ljóði, so- leiðis at fólk fingu høvi at hoyra, hvussu vindur og veður ferðaðust gjøgnum rúmið. Ein merkti nærum vindin blása í nakkan úr há- talarunum aftanfyri. - Ætlanin var at geva fløguna út fyrri. Men vit hava bíðað eftir at útgerðin til upptøkuna av surround- ljóðinum varð sett upp í Danmarks Radio. - Nú er so fløgan her, og eg haldi, at hon er framúr góð, segði Henrik Rørdam, sum er stjóri í Dacapo, ið hevur givið fløguna út. Á fløguni er eisini ein konsert fyri saxofon, sum Sunnleif skrivaði fyri fýra árum síðani. Gott bland Tað var ein ikki sørt errin Sunnleif Rasmussen sum henda dagin greiddi fólki frá arbeiðinum við fløguni. Við nýggju útgerðini fekk hann eitt av stóru ynskjum sínum uppfylt, við møguleikanum at brúka alla upptøkuhøllina til tón- leikin, og samstundis fáa hetta ynskið brent niður á eina fløgu. Til verkið krevst nevni- liga, at blásararnir standa í einum staði og sjálvt sym- foni-orkestrið í einum øðr- um staði. Á henda hátt fæst eisini eitt sera gott bland í ljóðið og veðrið, sum spæl- ir so stóran leiklut í hesi fyrstu symfoni’ini hjá Sunnleifi. - Eg eri tí sera væl nøgd- ur við úrslitið, segði Sunn- leif, og takkaði samstundis øllum teimum 90 tónleikar- unum sum í tveir dagar høvdu verið við til upptøk- urnar av fløguni. Hóast fløgan er upptikin í surround-ljóði, so kann hon eisini spælast í einum van- ligum fløguspælara við góðum úrsliti. Finskur áhugi Sunnleif hevur veruliga ment seg tey seinnu árini, og einki bendir á, at hann fer at hava nógva tíð til av- lops í framtíðini. Hann hevur longu nú fingið ein hóp av bílegg- ingum av ymiskum verk- um, sum skulu framførast bæði heima og úti. Henda fyrsta symfoni hansara kann ikki framfør- ast á øllum støðum, tí at orkestrið stendur plaserað so víða. Av hesi orsøk eru heldur ikki allar konsert- høllir, sum eru eins væl egnaðar til framførslu. Líkt er kortini til, at finn- ar eiga slíkar høllir, og tí verður symfoni’in framførd í Helsingfors í heyst og næsta ár í einum øðrum finskum býi, sum kallast Tammerfors. Hinvegin hevur hann longi fingið bíleggingar av symfoni nr. 2. Henda bí- leggingin er komin úr ein- um øðrum finskum býi, sum kallast Turku, har Dómkirkjan verður karmur um framførsluna. Har er ætlanin at henda symfoni’in skal framførast á fyrsta sinni á heysti 2007. Henda symfoni’in hevur vindin sum tema, og verður øðrvísi á mangar mátar enn ein vanlig symfoni, tí her verða eingir strúkarar við, - bara blásarar og ein urga. Á skránni hjá Sunnleifi eru annars onnur umbiðin verk – m.a. ein kamar- opera, sum skal framførast í Norðurlandahúsinum á vári næsta ár. - So tit skilja, at eg verði ikki í ALS fyribils, segði Sunnleif skemtandi. Føroysk symfoni setti krøv til danskar tónleikar Sunnleif Rasmussen er errin av nýggju fløguni. Líkt er til, at hann ikki verður arbeiðsleysur sum tónasmiður í framtíðini, tí hann hevur longu fleiri bíleggingar til nýggj tónaverk Mynd Jens Kr. Vang