mikudagur 30. mars 2005síða 7

Nr. 59 - 30. mars 2005 7 Útflutningur til privata nýtslu Føroyingar hava loyvi at hava mat við sær til Dan- markar – antin í viðføri ella sent við pakka, men ávísar reglur eru galdandi fyri hes- um útflutningi ÚTFLUTNINGUR Vilmund Jacobsen vilmund@sosialurin.fo Heilsufrøðiliga Starvs- stovan hevur sent út kunningarskriv, har víst verður á, hvørjar reglur eru galdandi við útflutn- ingi av matvørum til Danmarkar til privata nýtslu. Hetta ger stovn- urin, eftir at reglurnar vórðu broyttar í fjør. Sambært ES-reglunum hava føroyingar loyvi at innflyta til privata nýtslu í Danmark – antin í við- føri ella sent við pakka – • Fisk og fiskavøru, íroknað eitt nú turran og ræstan fisk, í mesta lagi 5 kilo. • Seyða- og neytakjøt og aðra matvøru, í mesta lagi 5 kilo. Heilsufrøðiliga Starvs- stovan sigur, at samsend- ing av mati er loyvd; tað merkir, at loyvt er at senda fleiri pakkar til sama bústað. Treytirnar eru – • at váttan fylgir pakk- anum, har navn og bú- staður á øllum móttak- arunum stendur á • at hvør pakki í mesta lagi vigar 5 kilo • at maturin er til egna nýtslu. Heilsufrøðiliga Starvs- stovan sigur, at tá ið talan er um útflutning til onnur ES lond enn Danmark, hava føroyingar ikki loyvi at taka kjøtvørur við sær, ei heldur senda tær í pakka. – Best er at venda sær til myndugleikan í við- komandi landi og spyrja um reglurnar, um tú ætl- ar tær at hava mat við, sigur Heilsufrøðiliga Starvsstovan í kunning- arskrivinum. Tvey fólk vóru í húsunum, tá ið eldur kom í. Tey vórðu innløgd á Lands- sjúkrahúsið í eitt samdøgur fyri møguliga roykeitran ELDUR Vilmund Jacobsen vilmund@sosialurin.fo Páskamorgun klokkan 05.31 varð boðað frá, at roykur stóð úr einum set- húsum á Landsvegi 25 í Havn, og klokkan 05.53 fekk løgreglan fráboðan um, at sjálvur eldurin var bastur. Tað var ein maður, sum koyrdi framvið í einum hýrivogni, ið varnaðist roykin. Farið varð á dyrnar, og tað vísti seg, at tvey fólk vóru í húsunum. Tíbetur eydnaðist teimum at fáa tey út úr húsunum, áðrenn veruligur mansskaði stóðst av eldi og royki. Løgreglan í Havn sigur, at tey bæði – ein maður og ein kona – vórðu flutt á Landssjúkrahúsið, har tey vóru til eftirlit fyri møguliga roykeitran í eitt samdøgur. Tey vóru hampi- liga væl fyri, men vóru kortini merkt av roykinum, tá ið læknin kom á staðið. Málið kannað Løgreglan sigur, at enn ov tíðliga at siga, hvør orsøkin var til eldin, men málið verður nú gjølligari kann- að. – Enn kunnu vit einki siga um, hvørt hetta var eitt hendiligt óhapp ella ósketni. Tað fara kanning- arnar væntandi at vísa, sigur Jón Karlson á Politi- støðini í Havn. Sum skilst, fingu húsini við Landavegin stóran skaða av eldi, royki og vatni. VANLUKKA Vilmund Jacobsen vilmund@sosialurin.fo Um 9-tíðina páskamorgun fekk løgreglan í Havn frá- boðan um, at ein maður fleyt á vánni í Vestmanna. Tað var onkur av manning- ini á einum russiskum skipi, sum liggur á Vest- manna, ið bað vestmenn- ingar boða løgregluni frá hesum. Bæði løgregla, lækni og fólk frá bjargingarfelagn- um fóru á staðið, men tað vísti seg, at maðurin var druknaður. Løgreglan heldur alt benda á, at maðurin hevur verið áhaldsin og er dottin á sjógv. – Vit hava fingið at vita, at vestmenningurin, sum var 45 ára gamalur, hevði eftirlit við onkrum av trol- arunum í Vestmanna, sigur Jón Karlson. Tá ið Sosialurin tosaði við løgregluna týsmorgun- in, hevði líksýn ikki verið. – Tað framgongur ikki, at maðurin hevur verið saknaður, men vit vita ikki í løtuni, hvussu leingi hann hevur verið deyður, áðrenn hann varð funnin. Løgreglan sigur, at hóast einki bendir á, at nakað kriminelt er tengt at hesum málinum, so verður van- lukkan kannað. – Vit vilja altíð hava at vita, nær ein slíkur persón- ur seinast er sæddur, hvørjum hann var saman við, og hvussu støðan annars var. Á tíðindafundi í Norðurlandahúsinum týsmorgunin vórðu tey fyrstu nøvnini á Listastevnuni 2005 avdúkað. Hesi eru Barbara Hendricks, Aurelia’s Oratorio og Rúni og Susanne Brattaberg saman við Føroya Symfoni- orkestri og Tarira LISTASTEVNAN Vilmund Jacobsen vilmund@sosialurin.fo Barbara Hendricks er ein av teimum mest vælum- tóktu og fjølbroyttu lista- fólkunum í tónleikaheim- inum í dag. Hon hevur bæði sungið opera, jazz og annan meiri fólksligan tónleik. Enn er skráin fyri kon- sertina hjá Barbaru á Lista- stevnuni ikki endaliga fast- løgd, men hon fer ætlandi at syngja týskar Lieder. Konsertin hjá henni verður 9. august. Í 2003 hevði Listastevn- an vitjan av dóttir Charles Chaplin, Victoriu Chaplin og manni hennara, Jean- Babtiste Thierrée, við »Le cirque invisible« – tí ósjónliga sirkussinum. Hetta var ein sera væl- eydnað framsýning. Í ár kemur so abbadóttir Chaplin, Aurélia Thierrée, higar við framførsluni, »Aurélia’s Oratoriu«, og hesaferð er mamma henn- ara, Victoria Chaplin, við sum leikstjóri. Henda framførslan hevur eisini fingið eitt ótal av góðum ummælum í øllum teimum londum, tær hava vitjað við »Aurélia’s Oratoriu«. Framførslan verður 5. og 6. august. Rúni Brattaberg og kon- an, Susanne Brattaberg, verða eisini við á Lista- stevnuni í ár. Sjálvur hevur Rúni lut- tikið áður, men hesaferð fer hann at hava konsert saman við konu síni og Føroya Synfoniorkestri, sum verð- ur stjórnað av Benny Wilkinson, umframt kórin- um, Tarira. Susanne er fødd í Týsk- landi og hevur fingið frá- læru í operasangi á Peter Kornelius Konservatori- inum í Mainz í Týsklandi og á tí Evropeiska Opera- studiinum í Balchik í Bul- gariu. Konsertin við Rúna og Súsonnu saman við orkestri og kóri verður á Listastevn- uni 11. august. Til Tasmaniu Í døgunum, 1.-10. apríl í ár, verður listastevna á Tasma- niu – Ten Days on the Island. Í samband við hesa stevnu, er samskiparin av Listastevnu Føroya, Oddvá Nattestad, boðin at verða gestur á stevnuni á Tasma- niu. Við sær í skjáttuni til fjarskotna landið hevur Oddvá Nattestad hópin av fløgum, dvd, myndlistabók- um, myndakalendarum, til- far frá Ferðaráðnum, lista- stevnufaldarar og annað tilfar. Marknaðarsamskipari fyri Listastevnu Føroya er Elin Hentze. Løgreglan kannar eldin við Landavegin Páskamorgun kom eldur í hesi húsini við Landavegin. Lukkutíð varnaðist ein ferðandi roykin og syrgdi fyri, at tey, sum inni vóru, fingust út, áðrenn ov seint var Mynd: Álvur Haraldsen Tey fyrstu nøvnini á Listastevnuni avdúkað Oddva Nattestad, samskipari av Listastevnu Føroya, er boðin á listastevnu á Tasmaniu Mynd: Jens Kr. Vang 45 ára gamal vestmenningur druknaður