mikudagur 30. mars 2005síða 16

16 Nr. 59 - 30. mars 2005 Beint fyri páskir læt listamaðurin Frits Johannesen upp lista- framsýningina "Fra Manhattan til Mans- gjógv" í Gallarí Arleth á Falster. Frits seldi heilt fitt av myndum og fekk eina nýggja spennandi avbjóðing um framsýning í eini áhugaverdari kirkju LISTFRAMSÝNING Orð og myndir: Dávur Winther Meir enn 200 fólk nýttu høvið at støkka inn á gólvið til ferniseringina í Gallarí Arleth, har tónleikur var at hoyra fyri allar pengarnar. Frits sang løg, hann sjálvur hevur gjørt til yrkingar, eftir William Heinesen, sonur Frits, Jóhann og Kristina Joensen systir- dóttir konu Frits framførdu: Um eg kundi kvøði; Áh, kundu á tíðarhavið og Summertime. Tey høvdu eisini gjørt eitt sera væl svingandi jazz-lag, ið tey kallaðu "From Mansgjógv to Manhattan". Høllin swingaði øll til tær løttu og eggjandi jazz-rútmurnar, og lógvabrestirnir rungaðu. Aftaná komu fólk til teirra og spurdu, um tey ikki kundu keypa fløgur frá hesum vælsyngjandi og spælandi bólkinum. Nei, bólkurin hevði bert skemti- liga navnið Cousins, og hevði ikki aðrar uppgávur enn hesa og líknandi, so sum onkur føðingardagur. Fløgu hevði hann ikki út- givið, men kanska varð ein spíri lagdur her … Langvegis frá Fólk vóru komin langvegis frá til framsýningina hjá Fritsi. Heilt úr Lund í Svø- ríki var vinmaðurin og kór- leiðarin Gøsta Pettersen komin við harmoniku síni og spældi og sang eisini eitt lag. Morthe Weihe vinmað- ur Frits og lærari var komin úr Vejle. Ja, enntá Steintór Larsen úr Fuglafirði hevði leitað sær ta longu leið til Danmarkar fyri at vera við til høvið, tá ið framsýn- ingin læt upp. Og hann hevði eisini ein málning við sær undir arminum aftur til Føroyar. Fleiri føroyingar, sum eru búðsettir niðri og nógvir danir vóru eisini komnir langvegis frá at síggja myndirnar hjá Frits. Mynd- irnar við tí glaða litavalin- um og stórbýaríblástrinum úr Manhattan, sum tó kunnu gerast til føroysk fjøll, har vinarligar verur leika á alskyns ljóðføri. Vindeyguni og hin ser- merkti krossurin geva myndunum ein serligan, sjáldsaman dám av fjar- leika og nærleika og eru samstundis á tremur við myndligum týdningum. Gløgt er gestsins eyga Lis Rønde Kristensen, sum er kirkjuráðslimur í Bag- sværd kirkju, hevði hoyrt um henda áhugaverda før- oyingin Frits Johannesen, og hevði hon ómakað sær til Falster at hygga at mynd- unum. "Du Frits, vi skal lave en udstilling med dig i vores kirke!" var hennara sanna niðurstøða, eftir at hava sæð myndirnar hjá Frits. Kirkjan í Bagsværd er ikki hvør sum helst. Hon er teknað av Jørn Utzon. Hann hevur tilætlað sett rúm av, har til ber at hava smærri listaframsýningar ella eisini samkomur í parti av kirkjuni. So á veg heim- aftur varð leiðin løgd um- vegis Kirkjuna í Bagsværd og greiðari avtala gjørd um, nær og hvussu henda fram- sýningin skuldi fremjast í verki. Í eini grannakirkju til Gallarí Arleth hanga mynd- ir av Heðini Kambsdal. Á somu ferð, sum Frits fór til Falster at sýna fram, fór Øssur Mohr til Randers at sýna fram saman við 7 øðrum. So sigast má, at listamenn úr Fuglafirði eru rættliga væl umboðaðir í Danmark í løtuni. Frits á Falster "From Mansgjógv to Manhattan" Framførsla: "Cousins" Orð og lag: Jóhann Johannesen og Kristina Joensen From Mansgjógv to Manhattan From a lonely lonely Island to Manhattan There stood a guy with his paintbrush He gazed upon the buildings,which reflected on the mountain Chorus: An idea A smile His paintings came to life Sosialurin var á staðnum og í luftini við grein um framsýningina sama dag, sum Frits fór við flogfari til Danmarkar at fyrireika ferniseringina Gallarí Arleth er í sera snotiligum nýinnrættaðum hølum, sum samstundis eru verkstaður til prýðislutir hjá hjúnunum og listafólkunum Anette og Michael Arleth. "Cousins", systkinabørnini Johan Johannesen og Kristina Joensen, framførdu jazzlagið "From Manhattan to Mans- gjógv", sum var gjørt til høvið