mikudagur 30. mars 2005síða 21

Nr. 59 - 30. mars 2005 21 Dýr mistøk Eftir dystin í Klaksvík fingu vit orðið á Jóhannis Joensen, sum nú aftur er at síggja í HB-verjuni, eftir at hann tey bæði seinnu árini hevur leikt við ávíkavist FS Vágum og B36. Men hóast hann soleiðis er komin aftur til felagið, har hann hevur verið við til fleiri sigrar, so kundi Jóhannis væl ynskt sær eina betri byrjan enn hana, sum teir fingu í Klaksvík. – Vit skora tríggjar ferðir í Klaksvík, og tað er sjálvandi gott í sjálvum sær. Men hinvegin, so lata vit fýra mál fara ígjøgn- um, og tað kunnu vit so ikki vera nøgdir um. Serstakliga tá talan er um somikið bílig mál, sum hasi, ið teir fáa, staðfesti Jóhannis. Um sjálvan dystin helt Jóhannis annars, at leik- ferðin dovnaði nakað, tá liðini gjørdust meira varin. – Vit byrja vit eini øgi- ligari ferð, men tá vit fyri steðgin hava fingið trý bílig mál ímóti okkum, so gerast vit sjálvandi meira varnir. Og tað setur seg eisini í sjálvsálitið, tá trý mál fara ígjøgnum. Tí royna vit fyrst og fremst at ansa eftir verjupartin- um í seinna hálvleiki, men heldur ikki tað gjørdu vit nóg gott. Men hóast alt, so helt Jóhannis ikki, at tað var nøkur orsøk at hanga við høvdinum. – HB tapti jú eisini fyrsta dystin í fjør, og tað gekk mikið væl. Við eini somikið langari kapping, sum talan er um í ár, so er eitt tap heldur ikki eins tungt. Og so var hetta eisini í Klaksvík. Tað vita vit, er ein trupul dystur, og eg haldi eisini, at eg vildi verið nøgdur um ein javnleik her. So nøkur katastrofa er tað á ongan hátt, staðfesti hann. -jm -3 (3-2): sta brakinum HB-verjan var fleiri ferðir um ein háls, tá ágangandi KÍ-leikararnir settu kós oman móti málinum Mynd: Bárður Lydersen KÍ-HB 4-3 (3-2) 0-1: Hans á Lag, 2. 1-1: Erling Fles, 5. 1-2: Tór-Ingar Akselsen, 11. 2-2: Atli Danielsen, 21. 3-2: Erling Fles, 41. 4-2: Hjalgrím Elttør, 76. 4-3: Tór-Ingar Akselsen (br.), 88. KÍ: Mathias Samuelsen – Leon Bjartalíð, Ove Ny- sted, Niclas Niclasen, Eyðun Klakstein – Arnold Joensen (Jan Andreasen, 88.), Atli Danielsen, Høgni Madsen, Heðin á Lakjuni – Hjalgrím Elttør (Julian Samuelsen, 86.), Erling Fles (Kristoffur Joensen, 80.) GK: Atli Danielsen, 30. RK: Ovi Nysted, 88. HB: Bárður Johannesen – Hans á Lag, Jóhannis Joensen, Rasmus Nolsøe, Janus M. Joensen – Kári Nielsen, Rúni Nolsøe, Emil N. Leifsson (Svenn Jacobsen, 68.) – Jákup á Borg, Páll M. Joensen (Rókur Jespersen, 59.), Tór-Ingar Akselsen Dómari: Súni Johansen: Kundi í løtum verið meira avgjørdur, men sum fyrsti dysturin var talan um eina góða byrjan, har dómarin hevði gott samband við spælið. FAKTA UM DYSTIN Mistøkini frá báðum pørtum viðførdu eisini, at seinni hálvleikur gjørdist nakað væl meira varliga spældur enn fyrri. Fyrstu løtuna tóktist tó, sum hevði HB eina veruliga yvirvág, men hendan komst helst eins nógv av, at KÍ hevði hug at bakka ov nógv. Tá hetta varð rættað upp, kom KÍ fleiri ferðir nær góðum møguleikum, og tað endaði eisini við, at teir skoraðu eftir horna. Eitt mál, sum í veruleikanum avgjørdi dystin. HB royndi seg fyri tað mesta við longum bóltum niðan móti álopinum, men hetta var tó barnamatur fyri vælvaksnu KÍ-verjuna. Einstakar ferðir var vandi tó á ferð, men í tveimum førum blokeraði Ovi Ny- sted væl. Móti dystarloki fingu gestirnir brotsspark, sum teir eisini gagnnýttu, men hóast KÍ seinastu min- uttirnar spældi í undirtali, so eydnaðist ongantíð at fáa eitt veruligt trýst á bláa málið hesa løtuna. Tí megnaði heimaliðið eisini uttan teir heilt stóru trupulleikarnar at halda fast um leiðsluna, og so eru teir klárir til longu gongdina móti 27. og seinasta umfarinum. Málini 0-1: Hans á Lag, 2. Tað tykist ikki serliga vandamikið, tá HB sendir horna innfyri, men ungi KÍ-málverjin fær ikki boksað burtur, og so hevur Hans á Lag lætt spæl til at leggja meistararnar framum. 1-1: Erling Fles, 5. Hjalgrím Elttør verður sendur avstað í vinstru. HB verjan er als ikki kom- in upp á pláss, og tá Hjal- grím sendir innfyri, er Er- ling púra blankur heilt inni undir málinum. 1-2: Tór-Ingar Akselsen, 11. Av miðjum vølli dregur Tór-Ingar seg leysan av tveimum klaksvíkingum. Komin móti brotsteiginum skjýtur hann, og tá skotið verður avrættað, fær Mathias ikki tveitt seg teir neyðugu sentimetrarnar eyka. 2-2: Atli Danielsen, 21. HB missir bóltin av umkast dómi, og tá bólturin eftir- fylgjandi verður sendir innfyri, eru markeringar- nar alt ov leysar. Við hand- ara stólpa fær Heðin stútað innaftur, og so kann Atli Danielsen tveita seg fram at stúta bóltin seinasta pett- ið í meskarnar. 3-2: Erling Fles, 41. Kári Nielsen missur bóltin á miðvøllinum, og so eru klaksvíkingarnari skjótir avstað. Hjalgrím gerst leysur, og tá Bárður bara fær hálvbjargað, er Erling fyrstur á returinum. 4-2: Hjalgrím Elttør, 76. Hornaspark verður sent innfyri úr vinstru. Alt end- ar við, at Atli fær stútað tvørtur um til ein merki- liga leysan Hjalgrím, sum úr trimum metrum langar bóltin í kassan. 4-3: Tór-Ingar Akselsen (br.), 88. HB fær eina seinastu vón, tá Ove Nysted má brúka hondina at bjarga skotin- um frá innskifta Svenn Jacobsen. Brotssparkið sendir Tór-Ingar flatt í netið, hóast Mathias er sera nær við at bjarga. Atli Danielsen hevur javnað til 2-2, og frøin er stór á viðleikarunum Mynd: Bárður Lydersen