fríggjadagur 1. apríl 2005síða 23

Skal ikki koma fyri Formaðurin í B36, Kjartan Mohr, er ógvuliga harmur um, at spæliloyvið hjá Eyðuni Højgaard ikki var komið upp á pláss. SPÆLARASKRÁ- SETING Terji Nielsen terji@sosialurin.fo Tað var ein ógvuliga harmur formaður í B36, sum vit fingu fatur á hósmorgunin. Kjartan Mohr sigur, at tað er ein reint menniskjansligur feilur, sum tó ikki eigur at koma fyri, at spæli- loyvið hjá Eyðuni Høj- gaard ikki var komið í rættlag. Ikki roynt at snýta nakran Kjartan Mohr sigur, at B36 hevur ikki roynt at snýta nakran, men at talan er um ein reint umsitingarligan feil, ið nú kann vísa seg at hava álvarasligar fylgjur fyri felagið. - Sjálvsagt skal málið ganga sína gongd, men eg haldi, at tað hevði verið ógvuliga harmi- ligt, um tað fer at fáa ítróttarligar fylgjur, sigur Kjartan Mohr. Formaðurin í B36 heldur, at rættast hevði verið, um B36 og KÍ fingu eina nøs ella eina bót fyri tilburðin, heldur enn at feløgini verða revsað ítróttarliga. Nr. 61 • fríggjadagur • 1. apríl 2005 • 79. árgangur • www.sosialurin.fo Brian Laudrup nýggjur landsliðsvenjari Púra óvæntað hevur føroyski landsliðs- venjarin, Henrik Lar- sen, valt at leggja frá sær í úrtíð av persón- ligum orsøkum. Frá- bóðanin frá stóra dan- anum kom ógvuliga óvart á FSF, sum tó hevur gjørt skjótt av og tryggjað sær Brian Laudrup sum nýggjan landsliðsvenjara NÝGGJUR LANDSLIÐSVENJARI Terji Nielsen terji@sosialurin.fo Føroyska fótbóltslandsliðið hevur fingið nýggjan venj- ara. Venjarin hjá okkara fremstu fótbóltsmonnum seinnu árini, Henrik Lar- sen, hevur av persónligum orsøkum valt at leggja frá sær. Fótbóltssambandið hevur tó ikki ligið á løtu síðuni, tí FSF hevur longu funnið avloysaran hjá Henrik Larsen, og tað er ikki hvør sum helst. Leingi droymt um venjarastarv Talan er um fyrrverandi danska landsliðsleikaran Brian Laudrup, sum man verða ein tann kendasti danski fótbóltsspælarin nakrantíð. Brian Laudrup gavst sum yrkisleikari fyri nøkrum árum síðani, og síð- ani tá hevur hann ikki fing- ist við fótbólt. Í sínari glæsi- ligu tíð sum yrkisleikari um- boðaði Brian Laudrup so mæt feløg sum Milan, Fi- orentina, Chelsea, Ajax Am- sterdam, Bayern Munchen og Glasgow Rangers. Beint fyri evstamark okk- ara eydnaðist okkum at fáa orð á Brian Laudrup. Hann var eitt sindur ovfarin av, at tíðindini longu vóru komin út, men hann váttaði tó, at hann er komin ásamt við FSF um ein sáttmála, ið er galdandi fram til juli 2006. - Vit hava ikki skrivað undir sáttmálan enn, men hetta verður gjørt á einum tíðindafundi í komandi viku. Eg má viðganga, at eg altíð havi droymt at roynt meg sum venjara, og nú fái eg so møguleikan, sigur Brian Laudrup. Spurdur hvønn kunnleika hann hevur til føroyskan fótbólt, sigur Brian Lau- drup: - Eg havi spælt móti Føroyum einaferð, og so havi eg spælt saman við Toda Jónsson í FC Keyp- mannahavn eitt skifti. Ann- ars veit eg ikki tað stóra um føroyskan fótbólt, men Henrik Larsen hevur játtað at virka sum eitt slag av ráðgeva hjá mær fyrstu tíð- ina, sigur Brian Laudrup. Ætlar at hava lands- liðsvenjing í næstum Av tí at nýggi landsliðs- venjarin ikki veit so nógv um teir føroysku spælarar- nar enn, hevur hann í sam- ráð við hjálparvenjaran, Jógvan Martin Olsen, gjørt av at samla landsliðshópin til felagsvenjing í næstum. - Tað er umráðandi hjá mær sum skjótast at koma at kenna spælararnar á før- oyska landsliðnum. Eg ætli mær ikki at broyta leikskip- an, men út frá teimum ein- støku leikarunum kann eg møguliga gera onkrar til- lagingar á liðnum, sigur Brian Laudrup, ið væntandi kemur at ferðast nógv til Føroya næstu tíðina, so at hann kann fáa eitt størri innlit í føroyskan fótbólt. Sáttmálin millum Brian Laudrup og Fótbóltssam- band Føroya kemur í gildi í dag 1. apríl. Sum vit skrivaðu í blaðnum í gjár, so hevði B36 eftir øllum at døma eins og KÍ nýtt ólógligar leikar- ar, tá ið teir spældu seg víðari í steypa- kappingini. Hetta verður nú váttað av FSF, sum fer at taka málið upp SPÆLARASKRÁ- SETING Terji Nielsen terji@sosialurin.fo Talan var um Eyðun Høj- gaard hjá B36, sum ikki hevur fingið spæliloyvi upp á pláss, hóast hann hevur verið við bæði í steypasigr- inum á Skála og í ósigrin- um móti NSÍ 2. páskadag í Formuladeildini. UEFA-reglarnar eru greiðar Á umsitingini hjá FSF verður váttað, at spæliloyv- ið hjá Eyðun Højgaard varð flutt úr Føroyum tann 31. august í fjør, og at tað ikki er komið aftur til Føroya. Umboð fyri UEFA søgdu í blaðnum í gjár, at reglar- nar hjá europeiska fótbólts- sambandinum eru ógvuliga greiðar. Um eitt lið nýtir ólógligan leikara, verður viðkomandi lið dømt at tapa dystin 0-3, og tað hev- ur einki at siga, um talan er um snýt ella eitt mistak, segði pressustjórin hjá UEFA, Frits Ahlstrøm, í gjár. Hetta vil siga, at um kappingarnevndin hjá FSF skal fylgja reglunum hjá UEFA, so verða bæði KÍ og B36 tveitt úr steypakapp- ingini. Harumframt skal B36 tapa 0-3 móti NSÍ ístaðni fyri 0-1, sum úr- slitið gjørdist 2. páskadag, tí tá var spæliloyvið hjá Eyðuni Højgaard framvegis ikki komið upp á pláss. Lagnudagur hjá KÍ og B36 Kappingarnevndin hjá FSF fer allarhelst at hava fund í kvøld, har støða verður tikin til, hvørja revsing KÍ og B36 skulu hava fyri at hava nýtt ólógligar leikarar. Tað er einki at taka seg aft- ur í, at bæði í Havn og Klaksvík sita fleiri mans, ið eru rættuliga heitir um skallan, og óivað eru tey mong, sum við spenningi bíða eftir avgerðini hjá kappingarnevndini. Um so er, at niðurstøðan verður tann, at bæði liðini verða tveitt úr kappingini um Løgmanssteypið, so er lítið at ivast í, at avgerðin verður kærd til dómsnevnd- ina hjá FSF, og so gongur aftur ein tíð, áðrenn nøkur endalig niðurstøða fyri- liggur. Kappingarnevndin hevur tó fordømir at halda seg til. Fyri tveimum árum síðani var AB dømt at hava nýtt ein ólógligan leikara í dysti móti Sumba, og tá vóru argjamenn dømdir at tapa dystin, sum teir annars vunnu 2-0. Tá ið Jákup Mikkelsen á sinni vardi málið hjá Her- følge, var hann einaferð í Føroyum og leikti ein steypadyst við KÍ. Jákup fór síðani niður aftur og vardi málið hjá Herfølge í dysti móti AGF stutt eftir, sum Herfølge vann. Men spæliloyvið hjá landsliðs- málverjanum var ikki kom- ið aftur til Danmarkar, og tí var Herfølge dømt at tapa dystin. Spæliloyvið hjá Eyðun liggur í Danmark Brian Laudrup verður nýggjur føroyskur landsliðsvenjari, eftir at Henrik Larsen av persónligum ávum hevur lagt frá sær mynd: Álvur Haraldsen