leygardagur 2. apríl 2005síða 9

Nr. 62 - 2. apríl 2005 9 Framsýning við listar- verkum, har sigling og havið eru í miðdepl- inum, lat fríggjadagin upp á Listasavni Føroya. Trý donsk listarfólk sýna fram fotomyndir, stand- myndir og málningar LIST Eyðun Klakstein eydun@sosialurin.fo Fríggjadagin lat ein fram- sýning um sigling og havið upp á Listasavni Føroya. Framsýningin kallast Maritim Kontekst, og tað eru trý donsk listarfólk, sum sýna fram listarverk av ymsum slagi. Framsýningin umfatar verk eftir listafólkini Bjørn Kromann-Andersen, Mari- anne Thingholm og Ralf Mabillon. Verkini eru foto- myndir, standmyndir og málningar, og øll verkini hava havið og sigling sum íblástur. Marianne Thingholm roynir seg við løttum ný- mótans segldúki úr dacron og við fotomyndum av skipsmyndum, og harum- framt er hon upptikin av tí skapi, sum skipsskrokkurin hevur, sum hann sæst í landi. Ralf Mabillon er hugtikin av sjónum, sum gevur og tekur lív, og í hansara máln- ingum hómast eisini gomul sjókort, himmal og hav. Í standmyndunum hjá Bjørn Kromann-Andersen verður sipað til skip, tog- verk, stevnismyndir og skipsprýði. Havið var týðandi íblástur Fyri umleið tveimum ættar- liðum síðan vóru havið og sigling í nógv størri mun keldur til íblástur hjá donskum listafólkum, enn tey eru í dag, og tað gjørdi tað sama, um um tey ar- beiddu við orðum, tónleiki, myndum ella standmyndum. Sigling á okkara døgum fer fram umborð á skipum, sum fyri tað mesta eru bygd í fremmandum londum, og siglt verður sjáldan í dansk- ar havnir. Hóast nógvar havnir í Danmark nú liggja tómar, og siglingin er alt verri at fáa eyga á, so ber vøksturin av frítíðarhúsum við sjógvin, stuttleikafør og tað at havnirnar verða um- lagdar til stuttleikabáta- havnir við marglætishúsum ella skrivstovubygningum boð um, at havið og sigl- ingarumhvørvið framvegis hugtekur nógv fólk. Føroyingar og havið Í Føroyum er støðan ein onnur, enn hon er í Dan- mark. Føroyingar liva fram- vegis nógv nærri havinum, og tað sæst eisini aftur í listini hjá nógvum týðandi føroyskum listarfólkum. Longu tíðliga í myndlist- ini arbeiddu listamenn sum Christen Holm Isaksen og Jógvan Waagstein við sjó- lívinum sum myndevni. Mikines legði lunnar undir fatanina av, at havið var fylt av sál og ímyndum, og seinni, sum til dømis hjá Jack Kampmann, verður havnin brúkt sum miðil til at lýsa tað modernaða lívið og estetikkina í modernaða ídnaðinum. Havið og lívið á havna- lagnum, hvørt tey verða tulkað lýriskt ella dramat- iskt, eru framvegis megin- temu hjá listafólkunum Ingálvi av Reyni, Eyðun av Reyni, Jónu Rasmussen, Torbjørn Olsen og Olivur við Neyst. Listasavn Føroya sigur, at tað tí er ein stór gleði fyri savnið at vera karmur um framsýningina Maritim Kontekst, og við henni vísa eitt nýtt perspektiv á ta list, sum arbeiðir við havinum og havnini. Framsýningin Maritim Kontekst lat upp fríggja- dagin 1. apríl kl. 17.00 og er opin til 1. mai. Rocksangarin Karl Martin Samuelsen fer um vikuskiftið at syngja við klassiskum orkestri í rygginum. Konsertir verða í Klaksvík og í Havn TÓNLEIKUR Eyðun Klakstein eydun@sosialurin.fo Karl Martin Samuelsen er kendur sum ein av landsins bestu rocksangarum, men um vikuskiftið fær hann eina øðrvísi uppgávu á konsertum hjá Aldubáruni. – Eg skal syngja, so tað er ikki nógv nýtt í tí. Tað er sum hjá einum sjónleikara at fáa ein nýggjan leiklut. Hann skal framvegis spæla sjónleik, men bara í einum nýggjum leikluti. Og hetta er ein nýggjur leiklutur hjá mær, sigur Karl Martin Samuelsen. Hann er serliga kendur sum oddamaður í rockbólk- inum Hjarnar, sum í meira enn 30 ár hevur verið virkin á føroyska tónleikapallin- um, og sum aftur um nakrar dagar verður at hoyra til eina konsert í Fuglafirði. Men Karl Martin Samu- elsen hevur eisini roynt at syngja og spæla annan tón- leik enn rock. Hann hevur verið sangari á fleiri barna- fløgum, og hann hevur eisini sungið í kóri. – Mær dámar væl at arbeiða við einum projekti í senn. Seta meg inn í tað, fara í dýbdina við tí og royna at fáa tað besta burturúr, sigur hann. Fegin um nýggju uppgávuna Soleiðis er eisini við tí nýggjastu uppgávuni hjá honum, sum er at syngja til tónleikin, ið vinmaðurin Páll Sólstein hevur skrivað til yrkingar hjá kendum føroyskum yrkjarum. Hesin tónleikurin verður spældur á konsertum, sum Aldubár- an hevur í Atlantis í Klaks- vík fríggjakvøldið og í Havn sunnudagin. – Eg kenni meg privilig- eraðan at verða biðin til hesa uppgávuna og fáa møguleikan at spæla saman við so góðum og útbúnum tónleikarum. Eg eri altíð opin fyri at læra nakað nýtt, og tað havi eg eisini gjørt við hesari uppgávuni, sigur Karl Martin. Hann hevur verið ein av teimum, sum hevur arbeitt tættast saman við Páll Sól- stein um tónleik. Páll hevur spælt løgini fyri honum, fingið Karl Martin at syngja tey, og síðani arbeitt víðari við teimum. – Eg ætlaði alla tíðina, at Karl Martin skuldi syngja sangirnar. Eg vildi hava ein góðan sangara, sum kundi syngja hesi løgini, og sum ikki endiliga var ein klass- iskur sangari, sigur Páll. – Mær hevur altíð dámt væl, tá ið tónleikastílir hava verið blandaðir saman. Sum til dømis The Beatles gjørdi við popptónleiki og klassiskum tónleiki. Karl Martin í hóslag við tey klassisku Um vikuskiftið verða tað ikki bankandi trummur og pumpandi bassur, sum Karl Martin Samuelsen skal spæla sær á. Hinvegin hevur hann góðar klassiskar tónleikarar í rygginum Mynd: Jens Kr. Vang Listasavnið á havinum Listarverk av ymsum slagi verða sýnd fram, tá ið framsýningin Maritim Kontekst letur upp á Listasavninum í dag Fyri umleið tveimum ættarliðum síðan vóru havið og sigling í nógv størri mun keldur til íblástur hjá donskum listafólkum, enn tey eru í dag, men tað eru framvegis listarfólk, sum arbeiða við havinum sum íblástur