týsdagur 5. apríl 2005síða 15

Men hann helt eisini, at íløgur í okkara mentan og mentanartilboð eru eins týdningarmiklar. – Í altjóðagerðini er neyðugt, at vit ikki bert hugsa um sjálva tøknina. Vit skulu eisini hugsa um innihaldið og virðini, sum vit skulu brúka tøknina til. Okkara børn og ung- dómur skulu dubbast til at gerast heimsborgarar, læra fleiri heimsmál og vinna sær nýggja vitan. Men tað hevur ongantíð verið meira neyðugt enn nú, at vit eisini styrkja okkara egna mál og mentan til at gerast ein nútímans mentan í heimin- um. At vit fáa føroyskt undir- vísingartilfar, føroyskt sjónvarp, føroyskar bøkur og føroyskt mál inn í heimssamfelagið. Tað er ein fortreyt fyri at gagnnýta altjóðagerðina, at vit styrkja okkara egna grundarlag, samstundis sum vit lata okkum upp mótvegis umheiminum. Somuleiðis eiga vit at taka alla okkara útbúgv- ingarskipan til endurskoð- anar í innihaldi, bæði fólka- skúlalóg eins og barna- garðs- og dagstovnaøkið skal samskipast meira við skúlan. Okkara miðnámsskúla- skipan má endurskoðast og gerast munandi meira liðilig við bæði vinnuligum og bókligum møguleikum. Málið eigur at vera, at yvir eitt ávist áramál hava allir føroyingar eina miðnáms- útbúgving. Og vit skulu sjálvsagt hava eitt veruligt fróðskap- arsetur, sum kann gerast eitt kraftsentur fyri gransk- ing og hægri útbúgvingum og sum samstarvar við hægri skúlar kring allan heim. Nr. 63 - 5. apríl 2005 15 Tjóðveldisflokkurin biður um fólksins stuðul Á flokstingið í Sumba hetta vikuskiftið er niðurstøðan hjá Tjóðveldisflokkinum, at stórar avbjóðingar standa fyri framman og tí biðjur hann um fólksins stuðul til at fremja umfatandi broytingar Yvirlýsing Á flokstinginum varð ein yvirlýsing samtykt, har flokkurin visir til ta dyggu undirtøku, sum veljarin hevur víst flokkinum á teimum seinastu valunum og við tí í huga, heitir flokkurin á føroyingar um stuðul, til - at seta á stovn einar sjálvstøðugar Føroyar, sum í alheimsgerðini kunnu virka á jøvnum føti millum heimsins tjóðir - at vinna føroyingum somu viðurkenning sum tjóð sambært fólkarættinum, sum grønlendingar hava vunnið sær fyri stuttum - at fáa økt samstarv og fleiri samstarvsavtalur við onnur lond á øllum økjum - at fremja veruligan vinnupolitikk við ítøkiligum stutt- og langtíðarætlanum - at fáa tillaging, menning og nýskapan innan høvuðsvinnuna - at menna alternativar vinnur við góðum og javnbjóðis kørmum - at rudda upp í lógini um vinnuligan fiskiskap - at umleggja Framtaksgrunnin til ein veruligan framtaksgrunn, ið millum annað skal menna øll økini í landinum - at einskilja almennar vinnuligar fyritøkur og nýta inntøkuna til afturrindan av skuld og til gransking og menning - at seta á stovn Búskapargrunn Føroya - at veita munandi betri karmar og meira fígging til gransking, Fróðskaparsetrið og nýhugsan - at endurskoða alla føroysku útbúgvingarskipanina - frá fólkaskúla til hægri lesnað og eftirútbúgvingar - at stuðla mentanarligari menning í øllum landinum - at tryggja okkum eitt framkomið almanna- og heilsuverk - at fáa í lag breiða semju um nýggja føroyska eftirlønarskipan skjótast tilber - at styrkja økini í landinum við m.a. at leggja málsøki út til kommunurnar, støðugt útbyggja samferðslukervið og eggja til frambrot um alt landið - at virka fyri javnstøðu í øllum samfelagsins liðum harafturat heitir flokstingið á sitandi landsstýri um: - ikki at binda Føroyar í nýggja heimastýrisskipan við Danmark - ikki at tøma alla uppsparing føroyinga í Landsbanka Føroya - ikki at fara undir beinleiðis rakstrarstuðul til vinnulívið aftur - ikki at veita skattalættar á 240 mió. kr. til tey hægstløntu, samstundis sum skerjingar verða gjørdar innan nógvar týðandi vælferðartænastur - heldur at leggja alla tíð og orku í at menna samfelagið, soleiðis at Føroyar veruliga vera millum fremstu lond nú og komandi, sigur flokkurin at enda í yvirlýsing eftir flokstingið hetta vikuskiftið. Á flokstinginum í Sumba um vikuskift- ið, vann Hallur Ellingsgaard valið um at gerast nýggjur aðalstjórnarformaður í tjóðveldisflokkinum FLOKSTING Áki Bertholdsen aki@sosialurin.fo Tjóðveldisflokkurin hevur fingið nýggjan aðalstjórn- arformann. Tað varð er greitt, nú flokkurin hevur floksting í Sumba hetta vikuskiftið. Eitt tað fyrsta á skránni á flokstinginum fríggja- kvøldið, var at velja nevnd- ir og tá boðaði formaðurin í aðalstjórnini, Jóannes Dalsgarð, frá, at hann tók ikki vil afturvali. Hann helt ikki, at hann hevði neyðugu tíðina til at taka ein so virknan lut í floksarbeiðnum sum ein formaður eigur at gera. Hann vísti á, at stórar- beiðið stendur fyri framm- an eftir at floksarbeiðið hevði verið nógv darvað av innanhýsis ósemjum sein- astu tíðina. Tí helt, at at tað var rætt- ari at onkur annar kom framat. Tvey uppskot vóru til aðalstjórnarformann: Hall- ur Ellingsgaard úr Oyndar- firði og royndi politikarin, Heini O. Heinesen úr Kun- oy Tá ið atkvøtt varð, fekk Hallur Ellingsgaard 22 at- kvøður ímóti 14 til Heina og sostatt er nýggi formað- ur í aðalstjórn tjóðveldis- floksins úr Oyndafirði. Annars vóru ongar broyt- ingar í leiðsluni og hini í starvsnevnd floksins eru Áki Jacobsen, peninga- røkil, Áki Andreasen, skrivari, Høgni Hoydal, Karsten Hansen, Heidi Petersen og Kristina Há- foss, Hallur Ellingsgaard er 52 ára gamal. Hann er lærari í Oyndafirði.Hann hevur verið nevndarlimur í Eyst- uroyar Tjóðveldisfelag í 20 ár og formaður hesi bæði seinastu árini. Hann hevur eisini royndir úr bygda- ráðnum í Oyndafirði, eisini sum formaður. Tjóðveldið fingið nýggjan oddamann Hallur Ellingsgaard úr Oyndafirði er nýggjur formaður í aðalstjórn tjóðveldisfloksins g nýhugsan Tjóðveldisfólk lurta við áhuga eftir formannin, tá ið hann leggur síni sjónarmið fram