mikudagur 6. apríl 2005síða 21

Nr. 64 • mikudagur • 6. apríl 2005 • 79. árgangur • www.sosialurin.fo Tá ið hálini eru stór, sum tey mangan hava verið, nú so nógvur – og smáur – upsi hevur verið at fingið, standa menn og kryvja í nógvar, nógv- ar tímar. Hetta ar- beiðið verður lættari, nú skipini fáa kryvji- maskinu FISKIVINNA Vilmund Jacobsen vilmund@sosialurin.fo Týsdagin landaðu partrol- ararnir, Safir og Smaragd, hjá Beta í Saltangará. Teir høvdu eini 250 kør av fiski, sum viga eini 140.000 pund tilsamans. Hetta er ikki nakar stórur túrur hjá skipunum, og líkt er til, at heldur minni upsi er at fáa í løtuni. Men sum skilst, er vant- andi fiskiskapur ikki einsa- møll orsøkin til, at skipini ikki høvdu meira í lastini, nú tey komu inn at landa. Kryvjimaskinu Sosialurin skilir, at reiða- ríið, sum eigur skipini, hev- ur avgjørt at seta kryvji- maskinu í skipini, og tað er hetta arbeiði, sum nú skal gerast, áðrenn farið verður útaftur. Nógv hevur verið frammi um, at vaktirnar umborð á partrolarunum eru rættiliga langar, tá ið nógvur fiskur er at fáa, og hetta ætlar fe- lagið, sum eigur Safir og Smaragd, nú at gera nakað við. Eru hálini stór, sum tey mangan hava verið, nú so nógvur – og smáur – upsi hevur verið at fingið, standa menn og kryvja í nógvar, nógvar tímar. Hetta gongur útyvir neyðugu hvíldina, og tí eru menn mangan útkoyrdir, tá ið túrurin er av. ChevronTe xaco næst- størst í heiminum OLJUFELØG Jan Müller Amerikanska oljufe- lagið ChevronTexaco, so fekk tillutað leiti- loyvi á føroyska land- grunninum í 2. útbjóð- ing, telist nú millum heimsins allarstørstu oljufeløg. Nú um dag- arnar keypti felagið upp eitt annað stórt oljufelag, amerikanska UNOCAL fyri 18 milliardir dollars ella umleið 100 milliardir krónur. Við hesum keypinum flutti Chev- ronTexaco frá einum fimtaplássi til eitt ann- aðpláss av heimsins størstu oljufeløgum. Nú er bara ExonMobil størri. ChevronTexaco, sum er eitt av mest virknu feløgunum á Atlantsmótinum og nú eisini partur av leit- ingini við Føroyar, ar- beiðir í løtuni fram- vegis við at finna ein pall at bora avmark- ingarbrunnar við markið í summar. Komandi vikurnar fara at vísa um tað verður egg ella ungi. Sera torført er at fáa bori- pallar til hetta farvatn- ið í løtuni. - Skipini fiskaðu í tveir dagar og fingu 340.000 pund av góð- um upsa, sigur Ragn- ar Olsen, reiðari FISKIVINNA Vilmund Jacobsen vilmund@sosialurin.fo Ragnar Olsen, reiðari hjá Beta, heldur, at upsafiski- skapurin seinastu dagarnar hevur verið heldur slakari, enn hann var, tá ið hann var bestur í vár. - Vit plaga at siga, at besta tíðin er í februar og mars, og nú vit eru komin út í apríl mánaða, er líkt til, at tað tekur heldur longri tíð hjá skipunum at fáa túr. Hann sigur, at Bakur og Stelkur á seinasta túri vóru úti tað mesta av eini viku, og tað hevur ikki verið vanligt hjá hesum báðum skipum, sum annars hava fiskað rættiliga væl, síðan tey komu í flotan. Roktúrur Um páskirnar gjørdu nýggju skipini hjá Beta kortini ein av sínum bestu túrum. - Teir vóru á Bill Baily og fingu uppí eftir tveimum døgum. Veiðan vá stívliga 340.000 pund, og hetta var góður upsi. Ragnar sigur, at tað ser- liga var páskaaftan, at skipini høvdu síni bestu hál hendan túrin. - Teir hava síðan verið úti aftur á Bill Baily, men nú hevur verið minni at fingið, sigur hann. Reiðarin sigur, at Bakur og Stelkur koma innaftur at landa í dag, og hann vænt- ar, at skipini eru full undir lúkurnar. - Eg vænti eisini, at hini pørini hjá okkum koma innaftur at landa, tá ið hendan vikan fer at halla, sigur Ragnar Olsen. Bakur og Stelkur høvdu roktúr á Bill Baily Bakur og Stelkur høvdu roktúr um páskirnar. Teir fingu stívliga 340.000 pund í tveir dagar. – Hetta var góður upsi, sigur reiðarin, Ragnar Olsen Mynd: Vilmund Jacobsen Safir og Smaragd skulu hava kryvjimaskinu Kryvjingin umborð á Safir og Smaragd fer at fella lættari, nú skipini fáa kryvjimaskinu Mynd: Vilmund Jacobsen