fríggjadagur 8. apríl 2005síða 19

Nr. 66 - 8. apríl 2005 19 Meinhard framvegis skaddur Nýggi málverjin hjá GÍ, Meinhard Joen- sen, sum felagið fekk fatur á undan hesum kappingarárinum, er framvegis skaddur SKAÐAR Terji Nielsen terji@sosialurin.fo Tað er nú nakað síðani, at Meinhard breyt sær eitt bein í arminum, og eftir ætlan skuldi gipsið takast av farna fríggjadag, men hetta bleiv útsett. Neyvan klárur enn Meinhard Joensen greiðir frá, at eina góða viku eftir at hann fekk skaðan, datt hann í kavanum, og tað hevur helst gjørt ilt verri. Tískil er gjørt av, at Mein- hard ikki fær gipsið av fyrr enn síðst í komandi viku, og síðani ganga nakrar vikur, áðrenn hann verður førur fyri at spæla aftur. - Eg havi roynt at hildi formin viðlíka, meðan eg havi verið skaddur, og tí verður tað fyri so vítt bert hondin, ið skal venjast upp aftur, tá ið eg eri sloppin av við gipsið, greiðir Mein- hard Joensen frá. Sjálvur vónar klaksvík- ingurin í GÍ-málinum, at hann verður førur fyri at spæla aftur umleið mánað- arskifti apríl/mai, men enn er ilt at meta um hetta. Nú Meinhard er skaddur, hevur Hallur Hansen vart málið hjá gøtumonnum. Tað sær ikki út til, at nýggi GÍ-málverjin, Meinhard Joensen, verður førur fyri at spæla fyrr enn um mánaðarskiftið. Mynd: Jonhard Hammer Samanbresturin mill- um Liverpool og Ju- ventus gjørdist bæði undirhaldandi og spennandi. Tað er tó framvegis Juventus, ið er favorittur undan seinna dystinum. Í hinari fjórðingsfinal- uni eydnaðist PSV Eindhoven at fáa ein kærkomnan 1-1 javn- leik á útivølli ímóti Lyon CHAMPIONS LEAGUE Stefan í Skorini stefan_skorini@hotmail.com Dysturin millum Liverpool og Juventus á Anfield Road varð spældur í skugganum av tí ræðuligu tragediu, ið leikvøllurin Heysel var karmur um fyri júst tjúgu árum síðani. 39 fólk lótu lív í einari av ræðuligastu fót- bóltsvanlukkum nakrantíð. Tey 39 vóru fyri tað mesta italsk viðhaldsfólk, og revsingin frá UEFA var, at ensk feløg ikki sluppu at luttaka í evropeiskum kappingum í fimm ár. Liverpool fekk trý ár løgd afturat tí revsingini. Nú møttust júst hesi bæði liðini aftur fyri fyrstu ferð síðan vanlukkuna í 1985. Hetta merkti eisini upptakt- ina til dystin. Nógv varð gjørt burturúr at minnast tey, ið lótu lív í vanlukkuni, og serliga Liverpool hevur tikið stig til ymisk tiltøk í sambandi við Heysel-van- lukkuna. Liverpool legði hart út Men tá dysturin varð bríkslaður í gongd, var tað hesin dysturin, ið var í mið- deplinum. Tá bert tjúgu- fimm minuttir vóru leiktir, hevði Liverpool sera óvæntað skorað tvey mál. Fyrst stóð Hyypia á rætta staðnum við handaru stong eftir hornaspark og hamraði bóltin í kassan. Síðani sendi Garcia eitt sera vakurt bananskot í netið, so tað sang í meskunum. Liverpool legði út sum eitt óløgi, og tað sást á øll- um brøgdum, at Juventus leikararnir vórðu tiknir á bóli fyrsta hálva tíman. Liverpool spældi við fullari ferð oman ímóti málinum hjá Buffon, og Juventus hevði ilt við at fóta sær. Seinastu løtuna av fyrra hálvleiki vísti Ju- ventus tó, at teir sanniliga eisini kunnu bíta frá sær. Fyrst sendi sviin Zlatan Ibrahimovic eitt skot á stongina, og síðani mátti ungi málverjin Scott Car- son toyggja seg í hvørjari lykkju fyri at bjarga skoti frá Del Piero, ið var púra leysur. Sami Del Piero fekk eisini bóltin í meskarnar, men hann var av órøttum veitraður at vera rang- staddur. Juventus hevði undan hesum dystinum bert fingið tvey mál ímóti sær í teim- um átta undanfarnu dystun- um. Nú vóru brádliga tvey mál skotin ímóti Juventus, og tað mundi koma óvart á tey flestu. Juventus fekk útimálið Í slíkum finalum er tað ofta altavgerandi at fáa eitt mál á útivølli. Og tað var júst tað, ið Juventus megnaði. Eftir steðgin hevði Ju- ventus initiativið, og tað var italska liðið, ið setti dags- skránna. Capello royndi seg eisini við tí somu útskift- ingini, ið hann framdi ímóti Real Madrid í undanfarna umfari, tá hann setti Treze- guet inn fyri Del Piero. Tá seinni hálvleikur varð hálvrunnin eydnaðist tað Juventus at fáa málið, ið teir høvdu dyrgt eftir. Zam- brotta legði innfyri til verjuleikaran Cannavaro, ið hevði leitað sær fram í brotsteigin. Hann setti høvdið á bóltin, og mál- verjin Carson fekk ikki hildið bóltinum. Málið verður Carson, ið bert hevði spælt tveir vaksna- mannadystir undan hesum, noyddur at taka á sín kappa. Eingin ivi var um, at tað var uppiborið, at útiliðið fekk tað eina málið. Teir høvdu skapt fleiri vandamiklar møguleikar og enntá fingið eitt mál kolldømt, sum skuldi verið góðkent. Í seinna hálvleiki vísti Juventus sínar dygdir. Pavel Nedved, ið altíð er vandamikil, kom meira við í dystin, og gav verjuni mikið høvuðbrýggj. Móti endanum dovnaði dysturin nakað, og bæði liðini hugsaðu mest um at tryggja núverandi støðu heldur enn at satsa alt ov nógv frameftir. Liverpool tók seg aftur Liverpool var bert ein skuggi av tí, teir vístu fyri steðgin. Hetta var møguliga ætlanin hjá Benitez, ásann- andi at tað er ómøguligt at spæla við somu ferð allan dystin. Hetta var eisini eitt skert lið, ið Benitez sendi á vøll- in. Bæði Hamann og Al- onso sita uttanfyri við skaða, og hann mátti nýta Carson, ið vanliga er triðja val, í málinum. Harum- framt er Cissé langtíðar- skaddur og Pellegrino og Morientes hava ikki loyvi at umboða Liverpool í Champions League. Eingin ivi er um, at Ju- ventus verður mett at vera greiður favorittur at spæla seg í hálvfinaluna, og Liv- erpool skal veruliga standa sína roynd, tá teir møta Juventus á Stadio Delle Alpi um eina viku. Men út- gangsstøði er, at Juventus skal fram at skora. Hetta kann møguliga geva einum leikara Baros gott pláss í kontraspælinum. PSV væl fyri Hin fjórðingsfinalan týs- kvøldið vakti ikki eins stóran ans sum dysturin millum Liverpool og Ju- ventus. Hon var ímillum Lyon og PSV Eindhoven. Dysturin endaði 1-1, og tað munnu teir í PSV vera fegnast um. Tað var Lyon, ið legði seg framum, tá bert tólv minuttir vóru farnir. Tað var Florent Malouda, ið skoraði málið fyri heima- liðið. Tað var eisini Lyon, ið stýrdi dystinum, og kundi lættliga lagt seg framum við tveimum málum, men tað var stolpe-ud heldur enn stolpe-ind hjá Lyon. Ístaðin fekk PSV út- javnandi málið, ið eisini er eitt kærkomið útimál hjá hollendska liðnum. Tað var garvaði miðvallarin Philip Cocu, ið stóð fyri tí. Lyon skal tí skora í úti- dystinum ímóti PSV, um teir skulu gera sær vónir um at koma víðari. Champions League, 1. fjórðingsfinala: Liverpool - Juventus 2-1 (2-0) 1-0: Sami Hyypia (12) 2-0: Luiz Garcia (25) 2-1: Fabio Cannavaro (64) Lyon - PSV Eindhoven 1- 1 (1-0) 1-0: Florent Malouda (12) 1-1: Philip Cocu (79) Juventus enn góð kort í hondini