leygardagur 9. apríl 2005síða 18

18 Nr. 67 - 9. apríl 2005 600 tekningar at velja millum Tað var eingin løtt uppgáva hjá dóms- nevndini at velja út fimm vinnarnar í teknikappingini TEKNIKAPPING Snorri Brend Í samband við at H. C. Andersen fyllir 200 ár, hevur teknikapping verið á barnabókasavninum fyri børn upp til 13 ár. Bestu uppskotini verða prentað sum bókamerk- ir, og teknararnir hava vunnið eina bóka- virðisløn á 500 kr. Fyrradagin vórðu fimm vinnarar valdir: 1. Brynhild Fjallsbak 4 ár, Leitisvegur, Miðvágur (Hin lítla havfrúgvin) 2. Rasmus R. Rasmus- sen 7 ár, Niðaragøta 44, Hoyvík (Hin stinni tinsoldáturin) 3. Jana Joensen 9 ár, Skála (Prinsessan á ertrini) 4. Sudarat Niyomtham 10 ár, Fjalsgøta 16 kj, Tórshavn (Eldførið, Pinkulisa og Mishátti dunnuungin) 5. Eir Nolsøe 12 ár, Áarrás 11, Argir (Náttargalurin) Tá ið freistin var úti, vóru íalt 590 tekningar komnar inn. - Barnabókasavnið takk- ar øllum børnum, sum hava sent tekningar inn. - Tað var ógvuliga ringt at velja vinnarar, tí har vóru nógv flott og spennandi uppskot, verður sagt. Havnagentan Sudarat Nioymtham teknaði snøgt sagt bara trý ævintýr inn í somu tekning. Og tað var so mikið væl gjørt, at hon vann eitt gávu- kort í teknikappingini um H.C. Andersen- ævintýrini TEKNIKAPPPING Snorri Brend snorri@sosialurin.fo Havn: Sudarat hevði ein trupulleika: Henni dámdi væl ævintýrini hjá H.C. Andersen. Tað vóru tó serliga trý teirra, sum henni dámdi allarbest. Men hvussu í víðu verð skal ein fáa trý ymisk ævintýr á eina og somu tekning? Hvussu kann ein fáa hermannin í Eldførinum við á eina einastu tekning, har tann mishátti dunnu- ungin eisini skal við, saman við Tummilisu? Og hvat munnu tey í dómsnevndini fara at siga til eina slíka tekning? Men dómsnevndin hjá Býarbókasavninum var kortini samd um, at mynd hennara var sera vøkur. So vøkur, at hon vann eina av fimm heiðurslønum í kapp- ingini. - Hetta hevði eg als ikki væntað, sigur 10 ára gamla Sudarat Niyomtham, sum gongur í 2. A í Hoyvíkar skúla. Umframt lærugreinarnar føroyskt og kristni, so eru tímarnir í handarbeiði og list nakrir teirra, sum hon gleðir seg mest til hvørja viku. Ordiliga glað Tá tey frá Býarbókasavnin- um ringdu til pápan miku- dagin gjørdist fyrst hann sera bilsin. Tá hann so for- taldi hetta fyri Sudarat gjørdist eisini hon sera bils- in og sera glað. Og tað høvdu tey alla or- søk til: Sudarat hevði bara sent inn hesa einu tekning- ina, - og tað var júst henda eina tekningin sum gjørdist vinnari í kappingini, saman við fýra øðrum tekningum frá børnum ymsastaðni frá í Føroyum. Tað er longu langt síðani at onkur hevði verið og av- myndað børnini, meðan tey teknaðu myndir úr ævintýr- unum hjá H.C. Andersen. Tá hevði viðkomandi lagt merki til hesa frálíku tekn- ingina hjá Sudarat. Hon skildi seg á ein hátt burtur úr hinum tekningunum. - Men, sigur Sudarat. Eg hevði als ikki væntað at eg fór at vinna. - Men tá eg so fekk at vita í gjár - t.v.s. mikudag - at eg hevði vunnið, so gjørdist eg ordiliga glað. Eisini hini Hetta at tekna er ikki nakað nýtt hjá Sudarat. Henni hevur altíð dámað væl at tekna. Best dámar henni at tekna slíkt sum er livandi. Tað kann t.d. vera fólk, djór, trø og blómur. Slíkt sum lív er í. Til kappingina hjá Býar- bókasavninum var tað meira bundið, hvat tey skuldu tekna. Tað skuldi vera onkur mynd úr einum av ævintýrunum hjá hesum danska skaldinum. Sudarat helt, at tað ljóðaði spennandi, men so var bert eftir at finna eitt ævintýr og eitt motiv burtur úr hesum ævintýrinum. Alt byrjaði í roynd og veru við at ein av lærarum teirra í 2. A - ein sum eitur Maibritt - kom við einum pappíri um kappingina. Hon fortaldi flokkinum at nú var ein teknikapping útskrivað og at øll sum vildu, kundu senda inn tekningar til hesa. - Eg valdi so at senda eina tekning inn. Og eg haldi, at nógv onnur í flokkinum gjørdu tað sama sum eg, sigur Sudarat. Trý í einum H.C. Andersen hevur jú skrivað ein hóp av ævintýr- um, harav flestu teirra munnu vera kend um okkara leiðir. Nú var Sudarat ikki so kend við øll hesi ævintýr- ini, men hon kendi kortini nøkur teirra rættiliga væl. Tað vóru ævintýrini Eldfør- ið, Mishátti dunnuungin og Pinkulisa. Spurningurin hjá henni var bara, hvat teirra hon skuldi tekna. - Eg visti ikki hvat av teimum eg skuldi velja, so eg valdi bara at tekna øll trý í somu tekning, sigur hon. Og sum tað sæst á tekn- ingini, hevur hon dugað sera væl at seta øll trý sam- an í einu og somu tekning. Hetta helt dómsnevndin eisini, og tí var Sudarat millum teir hepnu vinnar- arnar av einum gávukorti við bókum uppá 500 kr. - Eg veit ikki enn, hvørjar bøkur eg fari at keypa. Men tað finni eg útav. Elektronisk kelidjór Hóast Sudarat dámar væl at tekna, so hevur hon eisini tíð til nógv annað virksemi, bæði innandura og uttan- dura. Seinnapartin hósdagin var ein vinkona hennara, sum eitur Ingibjørg komin á vitjan, og sótu tær báðar og hugdu eftir teknifilmi. Sudarat býr í húsi nr. 16, meðan Ingibjørg býr í nr. 38, so tað er stutt millum báðar vinkonurnar. Tær plaga tó eisini at gera annað enn at hyggja eftir filmi. Viðhvørt spæla tær teldu ella tær taka súkklurnar útum og súkkla uttanfyri. Eitt dámar teimum sera gott, og tað er at spæla við tað elektriska kelidjórið - tvs. ein elektriskan hund, sum skal passast og pleyg- ast allan dagin. - Hetta er ordiliga skeg, tí vit kunnu eisini fáa teir at "tosa" saman, siga Sudarat og Ingibjørg. HB-álop Tá tú kemur inn í heimið hjá Sudarat so sær ein bein- anvegin, at onkur í húsinum er ein sannur HB-fjeppari. Á eini bókahill hongur ein keppur og eitt turriklæð hjá felagnum, og onnur ting geva eisini eina týðiliga ábending um hvat lið, ið fólkini halda við. Sjálv spælir Sudarat eisini við HB. Hon spælir í bólkinum 8 til 10, og er við í álopinum á liðnum. Enn hava tær tó ikki verið rættiliga í dysti. Sudarat dámar væl at røra seg, tí tá fótbólturin ikki er á skránni, so ger hon fimleik við Havnar Fim- leikarfelag. - Men so spæli eg eisini ofta við Ingibjørg, sigur hon. Sendi eina tekning inn - og vann - Mær dámar sera væl at tekna, sigur 10 ára gamla Sudarat Niyomtham í Havn, sum vann eina av virðis- lønunum í teknikappingini um ævintýrini Mynd: Jens K. Vang Tekningin hjá Sudarat er trý ævintýr í einum – Eldførið, Mishátti dunnuungin og Pinkulisa