leygardagur 9. apríl 2005síða 28

28 Nr. 67 - 9. apríl 2005 Dagny Joensen Tað kann vera áhugavert at lurta eftir sendingum, hóast tú ikki hevur innlit í tí, sum tosað verð- ur um. Slík sending er náttúru- sendingin hvønn sunnudag í vetrarhálvuni, sum Jónheðin Tróndheim, útvarpsmaður, skipar fyri. Tú lurtar og gloymir tíðina, tey trý korter sendingin varir. Talan er um veruligt útvarp, har fólk og fæ eru í sínum dagliga umhvørvi. Tú hoyrir áina tutla, lombini jarma og dunnur- nar gvagga. Útvarpsmaðurin gongur við sínum heimildarfólki í bøi og haga, og tú hoyrir á andadráttinum um gingið verður í brøttum ella sløttum lendi ella tá farið verður inn í okkurt fjós. Jónheðin Tróndheim er út- lærdur bilsmiður, harnæst hevur hann verið sjálvlesandi í tónleiki og ljóðtøkni á skeiðsskúla í USA. Í løtuni nemur hann sær grundútbúgving innan landbúnað og hevur verið í starvsvenjing á Royndarstøðini. Hetta seinasta bert við tí fyri eygað, at um hann seinni kundi hugsað sær at tikið við festi, so hevur hann førleikan sum krevst. Hann hevur havt starv í út- varpinum frá 1986, tó at hann hevur verið burtur í tíðarskeið- um, eitt nú sum tøkningur á tíðindadeildini í Danmarks Radio og seinni í Sjónvarp Føroya. Seinastu árini hevur hann verið freelance maður og átikið sær nógvar ymiskar uppgávur. Trívist ikki í vanaarbeiði Jónheðin Tróndheim: - Fyri trim- um árum síðani valdi eg at fara úr starvinum í SvF, av tí at eg trívist ikki so væl í vanaarbeiði. Eg valdi hesa arbeiðsskipan, hóast ein vandi er, at eg kanska ikki havi nakað arbeiði í morgin. Tí eru mínar ymsu útbúgv- ingar gjørdar rættiliga tilvitað, fyri at hava fleiri bein at standa á. Tað ger millum annað, at tú kanst hvíla í tí arbeiðsuppgávu sum tú hevur í løtuni, og ikki skal hugsa um annað, sigur Jónheðin Tróndheim. Í sínum dagliga arbeiði fæst hann við at gera heimasíður og tekur av og á vaktir í útvarp- inum, ella eisini veitir hann eina hjálpandi hond á onkrum bóndagarði, sum hevur tørv á tí. Jónheðin Tróndheim er giftur og eigur tvey børn. Hann er argjamaður og hevur bygt á trøðni hjá ommu og abba sínum. Tríggjar stórar træir eru nærindis sethúsini, har gæs, dunnur og seyður gongur. Tá henda samrøðan varð gjørd, ringdi telefonin hjá Jónheðini. Ein starvsfelagi í útvarpinum bað hann koma at seta klemmur í – Um eg tosi við fólk í haganum ella geri eitt kaffiprát í einum køki, so er altíð okkurt áhugavert at frætta, sigur Jónheðin Tróndheim, útvarpsmaður Fólk og fæ: Alt hevur sína søgu Jónheðin Tróndheim: – Fyri trimum árum síðani valdi eg at fara úr starvinum í SvF, av tí at eg trívist ikki so væl í vanaarbeiði. Eg valdi hesa arbeiðsskipan, hóast ein vandi er, at eg kanska ikki havi nakað arbeiði í morgin Útvarpssendingarnar hjá Jónheðin Tróndheim eru viðkomandi, av tí at hann hittir fólk og fæ í teirra dagliga umhvørvi. Tú hoyrir áina tutla, lombini jarma og dunnurnar gvagga