mikudagur 13. apríl 2005síða 15

Sangarar savnaðust á stevnu Einir 200 sangarar úr 12 ymiskum kórum luttóku á klórstevnu á Eysturskúlanum leygardagin KÓRSTEVNA Jan Müller Leygardagin varð kór- stevna hildin á Eysturskúl- anum í Havn. 12 kór um- framt stórt felagskór høvdu konsert seinnapartin. Tað var Kórsamband Før- oya, sum skipaði fyri kór- stevnuni, har kór úr at kalla øllum landinum luttóku. Kórini vóru rættiliga ymisk. Frá kendum kórum við nógvum royndum, so sum Havnarkórið og Kirkjukórið Ljómur í Vági, til nýggja Kvívíkarkórið og Dreingja- kórið undir Brúnni, sum lut- tóku á kórstevnu fyri fyrstu ferð. Eisini var stórt felagskór við á konsertini, sum varð hildin í auluni á Eysturskúl- anum seinnapartin leygar- dagin. Stevnuluttakararnir møttu á skúlanum leygarmorgunin klokkan níggu, og felags- venjingin byrjaði so umleið ein hálvan tíma seinni, eftir at fólk høvdu heilsað upp á hvønn annan, fingið sær ein kaffimun og teknað seg til veitsluna, sum var um kvøldið, eftir at konsertin var liðug. Skráirnar, ymsu kórini framførdu, vóru rættiliga ymiskar. Alt frá kendum, føroyskum forsturlands- sangum, norðurlendskum sangum, negro spirituals, musical og heilt til klassisk- an kórtónleik av J.S. Bach. Og sum heild má sigast, at framførslurnar vóru væl- eydnaðar. Tó slepst ikki udnan at nevna Kamarkórið, sum umframt at syngja rættiliga væl, eisini hevði eina rími- liga skemtiliga framførslu, sum saman við góða sangin- um var eitt avgjørt hæddar- punkt á konsertini. Men kórið, sum fekk flestu klappini, var Dreingjakórið undir Brúnni, sum fyri stóran part var mannað við heilt nýggjum sangarum. Eini nýggjari »generatión«, sum ein av leiðarunum segði, áðrenn framførslan byrjaði. Stóra felagskórið, sum taldi einar 150-160 sangar- ar, framførdi eisini eina blandaðað skrá. Føroyskar fosturlandssangir, nýggjar sangir, bæði uppruna før- oyskan tekst við føroyskum lagi av ávikavist Hanusi Kamban og Kára Bæk, og týðing, sum Aksel Tórgarð í ár hevur gjørt úr svenskum, umframt klassiskan, týskan kórtónleik og amerikanskan musicaltónleik. Seks ymisk- ir kórleiðarar vandu við og stjórnaðu stóra felagskórin- um, sum byrjaði og endaði konsertina. Ein teirra, sum stjórnaði felagskórinum, var » the grand old man« í føroysk- um kórhøpi, tann meira enn 70 ára gamli Ólavur Hátún, sum umframt felagskórin- um stjórnaði ikki færri enn trimum kórum á stevnuni. Hann hevur í vetur vant Havnarkórið, Vágakórið og Kvívíkarkórið. Kórstevnurnar hava ikki verið hildnar á hvørjum ári seinnu tíðina. Men næsta ár verður kortini aftur kór- stevna. Tað boðaðu tey úr Felagskórinum Gøta-Leir- vík frá, fylgd av nógvum lógvabrestum frá kór- sangarunum á stevnuni. Tað verða næsta ár 10 ár, síðan Felagskórið Gøta Leirvík seinast hevði kór- stevnuna, og tað hildu tey vera eitt gott høvi til at hava eina stevnu aftur. Leiðari hjá kórinum er í dag Martin Mouritsen úr Havn. Ólavur Hátún »the grand old man« í kórhøpi frøddist inniliga, tá hann hoyrdi dreingjakórið »Undir Brúnni« Vágakórið her undir leiðslu av ongum minni enn Ólavi Hátún Rútmiska kórið í Hoydølum undir leiðslu av Zacharias Sørensen Nr. 69 - 13. apríl 2005 15