hósdagur 14. apríl 2005síða 14

14 Nr. 70 - 14. apríl 2005 Ætlanir eru um at gera Gøtudal til nýggjan handils- miðdepil í megin- økinum við fleiri handilsmiðdeplum og vinnufyritøkum HANDILSLÍV Terji Nielsen terji@sosialurin.fo Tað eru ikki hissini ætlanir, ið ymisk vinnulívsfólk hava fyri Gøtudal. Eitt nú hava teir, ið standa aftan fyri handilin hjá Haraldsen í Fuglafirði og PW í Norðra- gøtu, keypt bygningin hjá Aluplast beint eystan fyri niðankoyringina til Leir- víkstunnilin, og sum skilst letur nýggjur matvøru- handil upp har. Eisini nýbygging Hetta merkir sjálvsagt, at Aluplast skal hava nýggj hølir, og hesar ætlanir eru eisini komnar væl ávegis. Fyritøkan hevur fingið fat- ur á einum grundstykki nakað vestan fyri Leirvíks- vegin, og har fer Aluplast at byggja nýggjan bygning til alt virksemi hjá fyritøkuni. Men Aluplast verður vænt- andi ikki einsamallir vestan fyri Leirvíksvegin. Nakrir vinnulívsmenn hava fingið fatur á stykkinum, sum liggur beint upp at tunnils- vegnum, og har er ætlanin at byggja eina nýggja handilsmiðstøð við fleiri handlum. Hetta merkir sostatt, at tveir nýggir bygningar vest- an fyri tunnilsvegin, men eystan fyri verður eisini víðkað um virksemi. Sum áðurnevnt hevur Samkeyp ognað sær bygn- ingin hjá Aluplast, men beint við síðuna av hesum bygningi eru eisini ein sethús. Hesi sethús hevur Fastognarfelagið fingið hendur á, og sum skilst eru ætlanir um at byggja enn ein bygning á stykkinum, sum hoyrir til sethúsini. Hvat slag av virksemi, ið Fastognarfelagið hevur ætl- anir um í Gøtudali, er tó ikki greitt enn. Kapping um kundarnar Tað man verða lítið at ivast í, at tað er Norðoyartunni- lin, ið hevur við sær, at tað er blivin stórur áhugi fyri at gera Gøtudal til nýggjan handilsmiðdepil í meginøkinum. Øll ferðsla til og úr Norð- oyggjum fer beint gjøgnum økið, og harafturat er stutt hjá flestøllum eysturoying- um at koyra inn til Gøtudal. Nær møguleiki verður fyri at fara til handils í Gøtudali, er tó ikki greitt enn, men sum skilst hava Samkeyp og Aluplast gjørt eina avtalu um, at Samkeyp yvirtekur gamla bygningin um eitt ár. Týskvøldið var ein 87 ára gamal maður funnin lívleysur á sjónum beint við felagshølini hjá Havnar Róðrarfelag BJARGING Terji Nielsen terji@sosialurin.fo Klokkan var farin av níggju, tá ið alarmsentral- urin fekk fráboðan um, at ein maður lá lívleysur á sjónum beint uttan fyri bátadráttin hjá Havnar Róðrarfelag í Álakeri. Bæði sjúkrabilur og løg- regla vóru skjótt á staðnum. Vaknaði við aftur í sjúkrabilinum Vitnir, sum Sosialurin hev- ur tosað við, greiða frá, at menn, ið vóru úti og róðu, høvdu lagt til merkis ein mann, ið gekk og spákaði í grótkastinum í Álakeri. Nakað seinni verður borið eyga við lívleysa mannin á sjónum, og tveir mans vóru skjótir at flota ein bát og rógva teir fáu minuttirnar út eftir manninum. Til alla lukku eru tveir mans, ið rógva við átta- mannafarinum hjá Havnar Róðrarfelag, Ørvi, og sum vóru á staðnum, læknar, og teir fór beinan vegin undir at arbeiða upp á mannin. Maðurin bleiv í skundi fluttur við sjúkrabili stutta teinin á sjúkrahúsið, og ávegis í sjúkrabilinum vaknaði maðurin við aftur og spýði nógvan sjógv upp, upplýsir vakthavandi á politistøðini í Havn. Vakthavandi upplýsir eis- ini, at enn er ógreitt, hví 87 ára gamli maðurin endaði á sjónum. Gøtudalur verður handilsmiðdepil Lá lívleysur á sjónum Bæði løgregla og sjúkrabilur vóru skjót á staðnum, tá ið tann 87 ára gamli maðurin bleiv funnin lívleysur á sjónum uttan fyri dráttin hjá Havnar Róðrarfelag týskvøldið mynd: www.ansni.fo Eigararnir av handlinum hjá Haraldsen í Fuglafirði og PW Kolonial í Norðragøtu hava í felag keypt gamla bygningin hjá Aluplast, og sum skilst er ætlanin at lata nýggjan og stóran matvøruhandil upp í bygninginum Mynd: Jonhard Hammer Tað er her vestan fyri tunnilsvegin til Leirvíkar, at ætlanin er at byggja eina nýggja handilsmiðstøð við alskyns handlum. Longur vesturi skal Aluplast eisini byggja sær ein nýggjan bygning Mynd: Jonhard Hammer