hósdagur 14. apríl 2005síða 24

24 Nr. 70 - 14. apríl 2005 Chelsea vardi borg Hóast Bayern Mün- chen skapti fleiri mál- møguleikar enn Chelsea, so var tað London-liðið, ið sleppur at halda fram í Champions League. Hin fjórðingsfinalan millum Milan og Int- er varð avblást, tá eitt korter var eftir at leika orsakað av ófriði á áskoðara- plássunum. UEFA fer at gera ein úrskurð um málið í nærmastu framtíð, men Milan fer við vissu víðari til hálvfinaluna CHAMPIONS LEAGUE Stefan í Skorini stefan_skorini@hotmail.com Enn einaferð megnaði José Mourinho at skapa polemik í sambandi við ein stórdyst. Hesuferð var Chelsea á vitjan í suðurtýska býnum München, men Mourinho hevði leikbann og mátti tí sita á áskoðaraplássunum ístaðinfyri við síðulinjuna, har hann plagar at dirigera sínum troppum. Seinastu vikurnar hevur eitt áhaldandi stríð verið millum UEFA øðrumegin og Chelsea og Mourinho hinumegin. UEFA hevur m.a. givið Mourinho tveir daga leikbann fyri hansara ákæringar móti dómara- num Anders Frisk. Hetta hevur eisini sett dám á ítróttarsíðurnar í teimum evropeisku bløðunum. Og týsdagin vísti Chelsea enn einaferð sína vanvirð- ing yvirfyri UEFA. Hetta hendi á tíðindafundinum undan dystinum millum Bayern og Chelsea. Meðan Bayern sendi sínar kanónir, sum vóru venjarin Felix Magath, Oliver Kahn og Owen Har- greaves, at svara spurn- ingum frá fjølmiðlunum, so sendi Chelsea Luis Faria, ið stendur fyri kropsligu venj- ingini hjá Chelsea-leikar- unum, og eykamannin Mikael Forssell. Hetta var eitt greitt signal til heimin um, at Chelsea ikki ætlar sær at dansa eftir pípuni hjá UEFA. UEFA umboðsmaðurin var ikki blíður eftir tíðinda- fundin og vísti á, at hetta var sera óhóskandi atburð- ur, og at ein slík lítisvirðing av tíðindafundinum bert kundi tulkast á ein hátt, og tað var, at Chelsea vildi vinna UEFA neisir fyri leikbannið móti Mourinho. Dysturin Men aftur til dystin (tá Mourinho er í nánd endar tað mangan við, at man tosar um tað, ið hendir utt- anfyri vøllin). Bayern München vann dystin 3-2, eftir at Chelsea hevði verið frammanfyri 1- 0 í steðginum. Tað var sum ikki einaferð miðvallarin Frank Lampard, ið fekk fyrsta málið í dystinum. Joe Cole var upphavsmaður, tá hann legði bóltin útfrá til Lampard, sum royndi seg við langskoti. Bólturin bar við beinið hjá Lucio og snýtti fullkomiliga Kahn í málinum. Bayern legði annars hart út, og hevði tvær vanda- miklar royndir innanfyri fyrst tíggju minuttirnar. Tað var øllum greitt, at týska stórfelagið ikki fór at tapa uttan ein harðan dyst. Tí var tað ein dyggur smeitur fyri týskarar, tá Chelsea fekk hetta sera hepna málið. Eftir steðgin helt Bayern fram við at leggja trýst á Chelsea málið, og tað gav eisini úrslit miðskeiðis í seinna hálvleiki. Tann altíð vandamikli Ballack sendi ein góðan høvdara móti málinum, ið Cech bert fekk bjargað á stongina, og so hevði Pizarro lætt við at javna til 1-1. Løtuna eftir útjavnandi málið legði Bayern nógv fyri í jagstranini eftir fleiri málum, og tað stóð eisini nógv á hjá Chelsea. Eitt innlegg endaði á tvørstong- ini, og Gudjohnsen bjargaði eisini á sjálvari málstrikuni. Chelsea fekk tó avgerandi málið tíggju minuttir fyri leiklok. Enn einaferð var tað Joe Cole, ið stóð fyri upplegginum. Hann fang- aði ein bólt heilt niðri í horninum, sendi innfyri til Drogba, ið sera hegnisliga snaraði innlegginum innum handara stólpa til 2-1. Tá var dysturin í roynd og veru liðugur, tí Bayern nú skuldi skora trý mál fyri at lív- bjarga sær. At Bayern skoraði tvey mál í teimum seinastu min- uttunum hevði bert kosmet- iskan týdning. Samanlagda úrslitið gjørdist tískil 6-5 til Chelsea, sum fer víðari í hálvfinaluna. Chelsea skal tá møta antin Juventus ella Liverpool. Veikleikin hjá Chelsea er heilt einfalt, at ov nógv mál fara ígjøgnum, og spurn- ingurin er, um tað ikki kann raka teir meint, tá teir ev- entuelt møta tí traditionelt sterka italska verjuspæl- inum. Skandala á San Siro Dysturin á San Siro millum AC Milan og Inter varð steðgaður, tá sjeytitríggir minuttir vórðu leiktir. Or- søkin var, at viðhaldsfólk hjá Inter tveittu fýrverk á vøllin, og eitt rómverjaljós rakti eisini málverjan hjá Milan, Dida. Dómarin Markus Merk gjørdi fyrst av at steðga dystinum eina løtu fyri at vita, um ikki áskoðararnir fóru at sissast. Men einki batti, tí enn meira fýrverk varð tveitt út á vøllin. Eftir ein steðg, ið vardi tjúgufimm minuttir, varð dysturin steðgaður, og UEFA skal nú taka støðu til, hvussu hetta málið skal avgreiðast. Væntandi fer Milan víðari uttan víðari hóvasták, og Inter fær eina stóra bót. Støðan var annars 1-0 til Milan, tá dysturin varð avblástur. Málið skoraði Shevchenko eftir hálvan tíma, tá hann breyt ígjøgn- um úr høgru og sendi eitt skot upp í hornið. Shev- chenko skuldi annars havt verið rikin av vølli eftir bert tríggjar minuttir, tá hann skallaði verjuleikaran Mar- co Materazzi, men dómarin varnaðist ikki hendingina. Shevchenko kann tí vænta sær leikbann til hálvfinal- una, um UEFA velur at taka málið til viðgerðar. Milan liðið var als ikki so væl fyri, sum vit áður hava sæð teir. Inter hevði fleiri vandamiklar møguleikar, men málverjin Dida stóð ein branddyst og helt eisini málið reint. Inter hevði eitt skot á stongina og eitt brotsspark, ið ikki bleiv dømt. Tað, ið fekk bikarið hjá Inter viðhaldsfólkunum at flóta yvir, var tá málið hjá Cambiasso varð kolldømt á sera tunnum grundarlagi. Eftir hetta regnaði fýrverk- ið út á vøllin, og dysturin steðgaður. Milan skal møta antin PSV ella Lyon í hálv- finaluni. UEFA Champions League, 2. fjórðingsfinalur: Bayern München — Chelsea 3-2 (0-1) 0-1: Frank Lampard (30) 1-1: Claudio Pizarro (65) 1-2: Didier Drogba (81) 2-2: Paul Guerrero (90) 3-2: Mehmet Scholl (90) Chelsea vinnur samanlagt 6-5 Inter — AC Milan 0-1 (0- 1) 0-1: Andrei Shev- chenko (30) (Dysturin avblástur eftir 73 minuttir vegna ófrið á áskoðaraplássunum) Milan vinnur samanlagt 3- 0 (UEFA skal tó taka enda- liga støðu í málinum) Marco Materazzi (Inter) og Rui Costa (Milan) bíða, meðan rómaraljósini brenna á vøllinum á Guiseppe Mezza stadion Mynd: Reuters Milan vann dystin Eftir at greinin varð skrivað, feldi UEFA dóm um, at seinna fjórð- ingsfinalan millum Inter og Milan verður ikki uppafturtikin. Tá ið dysturin bleiv av- blástur, var støðan 1-0 til Milan, og ein um- boðsmaður fyri UEFA boðaði seint týskvøldið frá, at Milan verður dømt at vinna dystin, og harvið halda fram í Champions League kappingini.