týsdagur 19. apríl 2005síða 12

12 Nr. 73 - 19. apríl 2005 Tøkk Hjartaliga takka vit øllum, sum sýndu samkenslu tá ið kæri maður, pápi, abbi og langabbi Kjartan Gregersen Syðrugøta andaðist og varð borin til hvíldar. Tøkk til Martin Restorff Jacobsen og Martin Olsen fyri góð orð í kirkjuni og Paula Høj fyri góð orð í kapellinum og Lisu fyri vakran sang. Tøkk til kirkjutænarar og tykkum, sum hjálptu sera væl til við ervinum og tykkum, sum góvu gávu til Kelduna. Tøkk til øll, ið fylgdu honum til hvíldar. Tøkk fyri blómur og kransar. Má Harrin signa tykkum øll. Inger Katrin og Fróði v/ familju NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Fríggjadagin 15. apríl 2005 hevði Bogi Samuelsen í Havn 30 ára starvsdag hjá Skipafelagnum Føroyar. Bogi er ættaður úr Sumba, og bæði foreldrini eru haðani. Hann flutti sum smádrongur til Havnar, tá pápin Jóhan Samuelsen byrjað sum lærari á Sjó- mansskúlanum. Bogi er útbúgvin stýri- maður og skipsførari og eftir at hava siglt sum yvir- maður í nøkur ár, byrjaði hann sum 35 ára gamal í pakkhúsinum hjá Skipafel- agnum Føroyar í Havn. Í dag arbeiðir hann sum søluráðgevi hjá felagnum. Starvsfelagarnir ynskja Boga hjartaliga tillukku við degnum. Í dag fyllir Joan Joensen í Esbjerg 50 ár. Joan er ættað úr Norðragøtu, men búði í Havn í fleiri ár, áðrenn hon og familjan fluttu til Danmarkar fyri átta árum síðani. Aftan á skúlan arbeiddi Joan á Klædnavirkinum og á Harenga í heimbygdini. Síðani var hon eina vertíð á Flateyri og í Ólafsvík í Ís- landi, og heimafturkomin fór hon at arbeiða í handli, og tað gjørdi hon í mong ár. Fyrst var hon í handlinum hjá Eiler Rasmussen, foto- grafi í Klaksvík, áðrenn hon flutti til Havnar. Har byrjaði hon hjá Good Look, sum tá helt til á Landavegn- um, og seinni var hon hjá Jacob Lútzen á Áarvegn- um. Tá SMS kom, fór Joan hagar at arbeiða. Ta fyrstu tíðina var hon á matstovuni, men seinni var hon hjá Hans Joensen og í barna- handlinum Pinkuni. Tey seinnu árini arbeiddi Joan í byggibúðini hjá Balslev og seinast á Shell-støðini á Norðara Ringvegi. Joan varð væl dámd sum hand- ilskvinna. Altíð brosandi og altíð til reiðar at hjálpa viðskiftafólkunum. Síðani tey fluttu til Dan- markar, hevur Joan passað sonin, sum er menningar- tarnaður. Hon er gift við Árna Joensen, og tey eiga eisini eina dóttur. Tøkk Øllum tykkum, sum við vitjan, heilsanum og telefonpráti, gleddu meg og gjørdi mær 85 ára føðingardagin til ein minnisríkan dag, takki eg hjartaliga Petur Vilhelm,Vágur Joan Joensen 50 Bogi Samuelsen, Tórshavn: 30 ára starvsdag hjá Skipafelagnum Føroyar Jacoba Benjaminsen sjeyti Hósdagin, 21. apríl, fyllir Jacoba Benjaminsen á Nesi sjeyti ár. Dagurin verður hildin leygardagin, 23. apríl, hjá soninum, Harry Benjaminsen á Toftum. i