mikudagur 20. apríl 2005síða 7

Nr. 74 - 20. apríl 2005 7 Bowlinghøll í Leirvík Arbeiðið upp á at byggja eina bowling- høll í Leirvík er farið í gongd, og væntandi verður klárt at bowla í heyst BOWLINGHØLL Terji Nielsen terji@sosialurin.fo Herfyri var farið undir at grava út fyri eini bowling- høll í Leirvík. Tað er Ólav- ur Olsen í Leirvík, sum skal byggja høllina beint oman fyri Statoil-støðina, ið Ólavur sjálvur eigur. Gong- ur tað eftir ætlan, verður klárt hjá eysturoyingum og øðrum at fara at bowla í Leirvík í heyst. Gomul ætlan Ólavur Olsen sigur, at tað er ein gomul ætlan hjá hon- um at byggja eina bowling- høll, men hann hevur bíð- að, tí hann hevði væntað, at onkur annar fór í gongd við eina líknandi ætlan. - Eg ivaðist ikki í, at tá ið høllin var komin í Havn, fór tað ikki at ganga rúm tíð, áðrenn onkur eysturoyingur tók stig til at byggja eina líknandi høll í oynni, men so var ikki. Sjálvur hevði leingi havt eina slíka ætlan, og nú er hon so veruleiki, greiðir Ólavur Olsen frá. Bygningurin, ið Ólavur Olsen letur byggja, verður 700 fermetrar stórur, og hann fer at hava seks bowl- ingbreytir. Ólavur Olsen roknar við, at planeringin av stykkinum, ið byggjast skal á, verður liðug innan fyri ein mánað, og síðani verður farið í gongd við sjálva byggingina. Kostnaðarmikil íløga At talan er um ein risiko- íløgu, dylur Ólavur Olsen ikki fyri. - Hetta er ein kostnaðarmikil íløga. Alt í alt kemur tað at kosta mær einar fimm milliónir krón- ur, men tað hevur gingið væl við at fáa fígging, sigur Ólavur Olsen, ið er einasti íleggjarin í nýggju bow- linghøllini. Ólavur Olsen heldur, at útlitini fyri at ein slík bowlinghøll kann bera seg eru góð. - Tað er skjótari ella líka skjótt hjá øllum eysturoyingum at koyra til Leirvíkar at bowla sum til Havnar, og harafturat kem- ur norðoyatunnilin í næst- um, og tá verður tað eisini møguligt hjá norðoyingum at koyra sær ein lítlan biltúr til Leirvíkar, sigur hann. Ólavur Olsen ímyndar sær eisini, at tá ið høllin er liðug, og bowlingin er komin í gongd, fer at verða skipað fyri kappingum í samstarvi við bowlinghøll- ina í Havn, og at man kann fáa lagt lunnar undir eina bowlingmentan í Føroyum. Nú spakin er settur í, eru fólk í Eysturoynni sera spent upp á høllina, og alla- staðnis har Ólavur kemur, verður hann tráðspurdur av fólki um ætlanina. - Eg haldi, at ætlanin er ógvuliga væl móttikin av fólki, og somuleiðis hevur kommunan allatíðina verið ógvuliga positiv í fyrireik- ingunum, sigur Ólavur Olsen. Bert bowling í fyrstu atløgu Spurdur um hann eisini fer at hava poolborð og annað í høllini, soleiðis sum vit kenna tað aðrastaðnis, sigur Ólavur Olsen, at tað verður tað ikki í fyrstu atløgu, men pláss er í høllini fyri tí, um so er. - Í fyrstu atløgu fara vit at konsentrera okkum um bowlingina, men tað er ikki óhugsandi, at tað verður víðkað um virksemi í fram- tíðini. Í høllini verða sjálv- sagt eisini borð, sum fólk kunnu sita við, men av tí at kafeteria og kiosk er í Statoil-støðini 10 metrar frá bowlinghøllini, verður eingin kafeteria í høllini. Ístaðin kunnu fólk, ið skulu bowla, keypa tað, ið tey hava tørv á, inni á Statoil- støðini, sigur Ólavur Olsen. Bæði Rútmiska kórið í Hetlandi og Havn- arkórið fara í næst- um á vitjan í Het- landi KÓR Á KONSERTFERÐ Terji Nielsen terji@sosialurin.fo Tað er vorðið alsamt meiri vanligt, at føroysk kór fara á konsertferð í okkara grannalondum. Næsta mánaðin fáa hetlendingar vitjan av tveimum før- oyskum kórum. Økt mentanarsamstarv Síðst í hesi vikuni hevur Rútmiska Kórið í Hoy- dølum tvær ferðir konsert í Hetlandi. Fyrra konsertin verður fríggjakvøldið í Yell, og á hesi konsertini luttekur eisini ein violin- bólkur og eitt kór, ið nevn- ist Mid Yell Choir. Leygarkvøldið hevur kórið konsert í Lerwick. Hesaferð verður framførsl- an í einari kirkju, Lerwick Methodist Church, og eisini á hesari konsertini fara lokalar tónleikakreftur at luttaka. Millum annað verður eitt hetlendskt ung- dómskór við á konsertini. Í komandi mánað fer Havnarkórið eisini at leggja leiðina til Hetlands, har kórið fer at hava eina konsert. Hon verður í Ler- wick á einum stað, ið verð- ur nevnt Lerwick's Isles- burgh Community Centre. Hesar báðar konsert- ferðirnar eru ein partur av økta mentanarsamstarvin- um millum Føroyar og Hetland. Davie Gardner, ið umsitur tónleikamál í Het- landi, sigur við blaðið Shetland News, at tað er ein náttúrlig gongd, tá ið búskaparliga samstarvið millum londini er vaks- andi, at mentanarsamstarv- ið eisini verður økt. Hann vísir á, at føroysk kór eru á sera høgum støði, og tí kunnu hetlendsku áhoyrar- arnir vænta sær eina ógloymandi tónleikaupp- living, sum hann málber seg í Shetland News. Føroysk kór á vitjan í Hetlandi Seinni í hesu vikuni fer Rútmiska Kórið í Hoydølum at hava tvær konsertir í Hetlandi Tað er her beint oman fyri Statoil-støðina í Leirvík, at nýggja bowlinghøllin verður bygd Mynd: Regin Bjarnastein