týsdagur 26. apríl 2005síða 23

ikki bara dugir at seta ferð á, men eisini kann steðga eitt sindur á og spæla við stórum kenslum og innilig- um tónum. Seinasti sangurin var aftur ein meira lívligur sangur, har Uni sang meira enn í teimum báðum und- anfarnu løgunum. Tón- leikurin var í miðdeplinum, gittarin slapp fyrst og fremst at snakka, og tað gjørdi GoGo Blues til ein heilt serligan bólk hetta kvøldið. Betri endi enn byrjan Eyðun Nolsøe var seinastur av teimum trimum finalist- unum, og hann var tann mest popputi av teimum. Framførslan hjá Eyðun endaði betur, enn hon byrj- aði. Fyrsti sangurin var mest sum ov hampuligur og fittur at seta hol á við, men bólkurin vísti tó, at teir hava tríggjar sera góðar sangarar. Kim Hansen legði eitt sindur óvæntað fyri sum sangari, Jens Marni Hansen tók yvir, áðrenn Eyðun Nolsøe sum tann triði kom á vøllin – tað er neyvan nakar annar popp- bólkur sum kann manna so sterkt vokallið sum Eyðun Nolsøe og Showmenn. Eyðun Nolsøe spældi tríggjar sangir, sum hann áður hevur spælt í Prixnum, og eftir tann fyrsta sangin kom eitt sindur meira lív í, og bólkurin fekk luft undir veingirnar. Seinasti sangurin byrjaði við einum útvarpsbroti, har nakrar av viðmerkingum, sum hava verið um serliga Eyðun Nolsøe og Terja Rasmussen, rungaðu aftur við bleiktrandi ljósum. »Í kvøld doyði føroyskur tón- leikur«, »eg vildi spýggja« og so víðari ljóðaði tað, áðrenn sangurin »So nógv- ar røddir« drønaði avstað. Hetta mundi vera besti og mest fangandi sangurin í Prix-finaluni, og fram- førslan hjá Eyðuni endaði so væl, sum hon kundi gera. Uni á toppinum Vinnarin av Prix Føroyum gjørdist GoGo Blues, og tað var væl uppiborið. Uni Debess og hansara menn spældu sera væl, og blues- tónleikurin hjá teimum er – so løgið tað ljóðar – ein hugalig nýskapan í før- oyskum tónleiki. Blues – aldargamli tón- leikur, sum føroyingar ong- antíð av álvara hava tikið til sín – situr nú á Prix-trún- uni anno 2005, og tað hevur ein ungur tónleikari og fyrrverandi lastbila- mekanikari størsta heiðurin av. Uni Reinert Debess er ein eyðagóður og dugnalig- ur tónleikari, sum arbeiðir miðvíst og seriøst við sín- um tónleiki, og hann er ein verdugur vinnari av Prix Føroyum 2005. Seinasta dømingin dumpaði Dømingin í finaluni var øðrvísi enn í teimum fimm innleiðandi kappingunum. Dømt var eftir somu treyt- um, men ístaðinfyri 10 før- oyskar dómarar vóru tað í finaluni 23 útlendskir dóm- arar og eingir føroyskir. Teir føroysku dómararnir høvdu fingið sekkin. Men at lata tríggjar før- oyskar bólkar spæla til eitt stórsligið føroyskt tiltak, sum bara er framleitt av føroyingum, og so lata út- lendskarar dómarar hava alt at siga, virkar illa umhugs- að. Vanliga hava útlendskir gestir dømt saman við før- oyingum, og tað hevur hóskað seg væl, men bara at hava útlendskar dómarar er nærmast ein háðan av bólkunum í finaluni. Hvussu nógv mundu dómararnir skilja av fram- førsluni hjá Terja Rasmus- sen og Eyðuni Nolsøe, har orð, føroyskir tekstir og speiskar viðmerkingar spældu ein týðandi leiklut? Víst skulu vit hugsa um útlandið við okkara tón- leiki, men at koyra allar teir føroysku dómararnar burt- ur úr og lata útlendskar gestir, sum nógvir eru komnir til Føroya at leita eftir onkrum heilt serligum, einsamallar finna vinnaran í Prix Føroyum, var ikki besta loysnin. Nr. 77 - 26. apríl 2005 23 Uni Debess fótaði sær, hóast ein strongur fór av stemningi undir framførsluni í Prix Føroyar finaluni. Hann heldur, at tað besta við at vinna var, at hann fekk eina viku í góðum studio VINNARI Eyðun Klakstein eydun@sosialurin.fo Oddamaðurin í bólkinum GoGo Blues var ein sera glaður maður, eftir at Atlantic Music Event hevði verið. Hansara bólkur var kosin at vera tann besti í eini atkvøðu- greiðslu um eina AME- virðisløn, og hann vann Prix Føroyar kappingina. – Tað var fantastiskt. Tað besta við at vinna Prix Føroyar var, at vit fingu eina viku í einum góðum studio. Tað var akkurát tað, sum vit høvdu brúk fyri, tí vit hava nógv tilfar liggjandi, sum vit vilja hava spælt inn, sigur Uni R Debess. – Eg helt, at tað var ómøguligt, at ein bólkur, sum spælir blues-tónleik, kundi vinna Prix Føroyar. Strongur gleið Undir fyrsta sanginum leygarkvøldið fór ein strongur á gittaranum hjá Una av stemningi, og tað kom rættiliga upp á tvørs, men hann kláraði tó at fóta sær og fekk strongin upp á pláss aftur. – Tá ið tú spælir improvisatións-tónleik, liggur tú allatíðina á eggini, men tú klárar altíð at lofta tær onkursvegna. Soleiðis skal tónleikur verða, heldur Uni Debess. – Eg væntaði, at strongurin, sum gleið, fór at vera ein vansi í døm- ingini, og tí hevði eg als ikki væntað at vinna kappingina – hvørki áðrenn ella aftaná. Men tað gjørdist ikki avgerandi, og Uni vann hóast alt. Mánadagin tók Uni sær av løttum eftir eitt strævið vikuskiftið, men í dag stendur aftur tónleikur á skránni, tí hann og bólkurin skulu fyrireika seg til eina ferð til Grøn- lands í næstu viku. ur – men tann ungi vann Uni í sjeynda blues-himli ðurin av Mynd: Jens Kr. Vang Eyðun Nolsøe endaði Prix Føroyar finaluna við helst besta og mest fangandi sanginum í finaluni yvirhøvur Mynd: Jens Kr. Vang