mikudagur 27. apríl 2005síða 21

Nr. 78 - 27. apríl 2005 21 - Tá ið vindur fer at blæsa, og aldurnar reisast, eri eg fullvísir í, at sjómaðurin mangan hevur kent seg lítlan. Mangir eru teir, sum hava boygt síni troyttu knø og takkað honum, sum øllum valdar fyri, at teir vunnu upp land. Hetta eru treytirnar, tá ið tú søkir sjógvin. Men við áræði verður aftur lagt út á hav, segði Símun Johanne- sen, borgarstjóri í Nes kommunu, tá ið ný- bygningurin, Hansa Maria, hevði lagt til bryggju á Toftum í góðveðrinum mána- kvøldið MÓTTØKA Vilmund Jacobsen vilmund@sosialurin.fo Nógv fólk høvdu leitað sær oman á Toftagjógv mána- kvøldið, tá ið nýggi trolbát- urin, Hansa Maria hjá Hans Andriasi Poulsen, stevndi inn um pierin á Toftum. Hátíðarligur hornatón- leikur ljómaði, meðan fólk bíðaðu spent eftir at síggja nýbygningin, sum er hin fyrsti á Toftum í fleiri ár. Onnur skip eru komin til bygdar seinastu árini, men hetta er skip, sum hava nøkur ár á baki. Seinasta skipið undan Hansu Mariu, sum menn hava lagt rygg til at keypa, er trolbáturin, Randi hjá Jens Jacob Olsen, sum er keyptur úr Danmark og umbygdur til trolvinnu. Við hátíðarløtuna á Toft- um sungu eisini kirkjukórið og sangkórið. Alfred Olsen, kommunu- skrivari, greiddi frá, hvussu Nes kommuna, sum stóð fyri móttøkuni, hevði skip- að tiltakið, og røðari við løtuna í góðveðrinum mánakvøldið var borgar- stjórin, Símun Johannesen. Eftir at borgarstjórin hevði hildið sína røðu, takkaði eigarin av nýggja og snotuliga skipinum fyri stórfingnu og hátíðarligu móttøkuna og beyð øllum vælkomnum umborð at síggja skipið. Flagg og flaggstríð Símun Johannesen nýtti í sínari røðu høvi til at siga nøkur orð um flaggið, nú nýggja skipið júst kom til bygdar flaggdagin, 25. april. - Í dag eru øll fløgg vundin á stong – ikki bara her við Toftagjógv, tí vit hava fingið eitt nýtt skip, men fløggini veittra um alt landið, nú flaggdagur er. Borgarstjórin vísti á, at tað í ár eru liðin 65 ár, síðan føroyska flaggið varð góð- kent sum okkara tjóðar- merki. - Flestu av okkum hava helst hoyrt ella lisið um, tá ið vestmenningurin, Jákup Kristoffersen, stevndi inn á Havnina við skipi sínum, sluppini Neptun – við føroyska flagginum í húnar hátt. Hetta var, meðan flaggstríðið var upp á tað harðasta og ikki var loyvt at nýta føroyska flaggið. Hann segði, at tá ið týsk- arar høvdu hersett Dan- mark, og Føroyar komu undir bretskt vald í apríl 1940, sluppu føroysk skip ikki longur at sigla við donskum flaggi. Tá gjørdu bretar ikki matari enn, at teir kravdu føroyska flaggið málið á skipssíðuna, áðrenn tey sluppu útaftur úr bretsk- ari havn, har meginparturin av føroyska flotanum sigldi við fiski. - Tað eru fólk ímillum okkum her í dag, sum upp- livdu og minnast hesa tíð, men flestu av okkum hava bert sæð myndir av skipum við føroyska flagginum málað á skipsíðuna. Borgarstjórin helt fyri, at nógv er broytt hesi mongu ár síðan flaggstríðið. - Tað er ein frægd at síggja hetta stásiliga far liggja flaggskrýtt – við Merkinum um krosstræið saman við alskyns signal- fløggum yvir øllum skipin- um. Æra at eiga skip - Áræði og framfýsni hevur sermerkt fólkið her í øki- num, og hetta er ikki minst galdandi, tá ið ræður um okkara sjófólk. Tað er til gleði og sóma fyri alt fólkið, ið her býr, at vit eiga fólk við áræði og visjónum. Mong eru tey, sum gjøg- num tíðirnar hava staðið her á Toftagjógv og heilsað skipum vælkomnum. Símun vísti á, at ofta hoyrir tú menn standa og práta um skip, fiskiskap, fiskirættindi og slíkt. - Tað, sum altíð gongur sum ein reyður tráður í hesum práti, er, at vit mugu ansa væl eftir okkara rætt- indum og loyvum, so tey vera verandi á plássinum. Hesum úttalilsum, sum koma frá okkara vinnulívi, havi eg alstóra virðing fyri. Hann helt fyri, at hyggja vit rundan um okkum – ja, so er tað sjógvurin og fisk- urin, sum er grundarlagið fyri tí vøkstri, sum her hev- ur verið. - Tað er gleðiligt at hoyra, at menn taka bygdirnar við í sínum metingum, um teir skulu halda fram ella ikki. Teir kenna tað sum eina æru at eiga skip og vera við til at skapa tann trivna og tað virksemi, sum vit øll nýta so nógv gott av. Hetta fegnast vit um og eru teim- um takksom fyri, segði borgarstjórin. Og hann helt fram: - Vit standa her í dag og heilsa Hansu Mariu væl- komnari, men tað er ikki meira enn tríggir mánaðir síðan, vit seinast stóðu her og sóu trolbátin, Randi hjá Jens Jacob Olsen, leggja til bryggju fyri fyrstu ferð. Aðrar ætlanir eru eisini í umbúna hjá okkara fram- fýsna fólki. Tað er hugaligt hjá okkum øllum at síggja hetta stásiliga far, sum nú skjótt skal riggast til við trolum, weirum og lemm- um - og vera karmur um eitt nútímans arbeiðspláss á havinum. At vinna upp land… Borgarstjórin helt fram við orðunum, "Conquerors of the seas" ella "Havets erobrere". - Hesi orðini hava verið at sæð, eitt nú í lýsingum hjá teimum stóru reiðaríun- um, tá ið søkt hevur verið eftir aspirantum at útbúgva seg á sjónum. Sjálvur havi eg ongantíð kunnað tikið undir við hesi útsøgn, tí eitt vita vit øll; at vinna á havinum er ikki nakað, man bara ger. Til tess er neyðugt við skynsemi og góðum sjómansskapi. Tá ið vindur fer at blæsa, og aldurnar reisast, eri eg fullvísir í, at sjómaðurin mangan hevur kent seg lítlan. Líka so full- vísur eri eg í, at mangir av okkara sjómonnum onkun- tíð í lívinum hava boygt síni troyttu knø og takkað hon- um, sum øllum valdar fyri, at teir vunnu upp land. Hetta eru treytirnar, og tað vita allir, sum hava søkt sjógvin. Men við áræði verður aftur lagt út á hav, tí livast má – og sum væl- kenda orðatakið sigur, at – siglast má - ! At enda ynskti borgar- stjórin eigaranum og mann- ing hansara hjartaliga til- lukku við nýggja skipinum. - Vegna kommununa og fólkið, sum her býr, ynski eg, at hann, sum øllum valdar, má verða við á ferðini, og at eydnan verður við skipi og manning. Við hesum orðum heilsa vit Hansu Mariu vækomnari til bygdar, segði Símun Jo- hannesen. Seinastur at taka orðið við móttøkuna á Tofta- gjógv, var eigarin, Hans Andrias Poulsen, sum beyð øllum vælkomnum umborð at síggja skipið, og somu- leiðis beyð hann øllum niðan á Svangaskarð til ábit. Hópur av fólki heilsaðu Hansu Mariu: – Tað er ein æra at eiga skip sum skapa trivna og virksemi Í góðveðrinum mánakvøldið verður lagt til bryggju. Nógv fólk tekur ímóti, og Nes kommuna skipar fyri hátíðarligari móttøku Mynd: Vilmund Jacobsen Eigarin, Hans Andrias Poulsen, takkar fyri stórfingna móttøku og bjóðar øllum umborð at síggja skipið. Kvinnan í myrka frakkanum, Kristianna, er mamma skipaeigaran Mynd: Vilmund Jacobsen