fríggjadagur 29. apríl 2005síða 8

8 Nr. 81 - 30. apríl 2005 – Ein avtala er næstan í pottinum um at bjarga sjúkuraktum alibrúkum í einum møguligum arbeiðs- stegði í næstu viku ARBEIÐI Í VERKFALLI Áki Bertholdsen aki@sosialurin.fo Tá ið verkfall var seinast, varð nógv sagt og skrivað um, hvussu hetta ávirkaði tey alibrúk, sum vórðu fongd við ILA. Arbeiðsgevarar søgdu, at verkfallið var ein vanlukka fyri alivinnuna, tí arbeið- arafeløgini vildu ikki geva undantaksloyvi, so at teir sluppu at røkta tey sjúku- raktu alibrúkini og at taka tann deyða fiskin. Arbeiðarafeløgini varaðu skjótt aftur, at tey høvdu verið vælviljað, men at arbeiðsgevarar misnýttu støðuna til eisini at gera annað arbeiðið enn tað, sum hevði við sjúku at gera. Síðani hevur nógv verið tosað um at fáa eina avtalu ímillum Arbeiðsgevarar og arbeiðarafeløg soleiðis at undantak kann fáast til at røkta sjúkurakt alibrúk og so at sjúkur fiskur kann takast, skuldi arbeiðssteðg- ur verðið. Avtala undir landi Og tað tykist sum um at báðir partar hava tikið støð- una í stórum álvara og hava roynt at fáa skipað viður- skifti á hesum øki, tí nú er ein avtala ímillum arbeiðs- gevarar og arbeiðarafeløg um tey sjúkuraktu alibrúk- ini í sambandi við arbeiðs- steðg, við at koma undir land. Á aðalfundinum hjá Før- oya Arbeiðarafelag hós- dagin, upplýsti Ingeborg Vinther, forkvinna, fyri fundarfólkinum, at ein semja um tey sjúkuraktu alibrúkini var heilt undir landi. Ingeborg Vinther kundi ikki siga so nógv um av- taluna, tí semjan var ikki heilt greið enn, men hon segði, at semjan bygdi ikki á, at arbeiðarafeløgini á nakran hátt skuldi frásiga sær verkfalsrættin. – Men tað er semja um at fáa skipa viðurskifti á øki- num, so at undantaksloyvi kann gevast til at fóðra og annars røkta sjúkurakt alibrúk fyri at forða fyri at stór virði fara fyri skeyti, sigur hon. Hon sigur, at talan er um eina tvey ára avtalu um tey sjúkuraktu alibrúkini. Í stuttum ber avtalan í sær, at undantaksloyvi verður givið í hvørjum ein- støkum føri og hvørja ferð skal sjúkuváttan fáast til vega frá djóralæknanum. Nær avtalan verðuur klár at skriva undir, var ikki greitt hósdagin, men Inge- borg Vinther segði, hon var nær við. – Kanska var tað skattalættin, sum kostaði javnaðar- flokkinum fólkatings- mannin, sigur Inge- borg Vinther FØROYA ARBEIÐARA- FELAG Áki Bertholdsen aki@sosialurin.fo – Skattalættin,sum sam- gongan hevur framt, er ein rossahandil, sum rakar tey lágløntu meint. Tað sigur Ingeborg Vinther, forkvinna í Føroya Arbeiðarafelag í ársfrá- greiðing síni á aðalfund- inum í felagnum hósdagin. Ikki óvæntað fingu politikararnir nøkur orð við sær á vegnum í formansfrá- greiðingini. Tá ið skattalættin varð latin, vóru lág- og miðal- inntøkurnar við sviðusoð, tað festi Ingeborg Vinther. Hon vísti á, at Arbeiðara- feløgini høvdu gjørt eitt uppskot, ið gav lág- og miðalinntøkunum skatta- lætta, meðan háinntøkurnar heldur komu at gjalda meiri skatt. – Hetta løgdu vit fíggjar- nevndina hjá løgtinginum, men tað fekk kalda mót- tøku og varð ikki tikið til eftirtektar,sigur Ingeborg Vinther. Hon heldur ikki, at tíðin er til at lata skattalætta, nú hall er á fíggjarlógini. – Men skuldi skattalætti gevast, so var tað ikki há- inntøkurnar, sum skuldi fáa hann, men til láginntøku- bólkarnar. – Vit kenna øll til polit- iskar rossahandlar, og tað varð gjørt í hesum máli. Hon sigur, at javnaðar- flokkurin gjørdi ein rossa- handil fyri at fáa sam- gonguna at gangavið til at hækka inngjaldið til sam- haldsfasta eftirlønar-grunn- in. Aftur fyri at bøtt um samhaldsfasta, gekk flokk- urin við til at lata teimum háinntøku skattalætta. – Hetta var ein rossa- handil og teir raka aloftast vanliga fólkið. Vit kunnu kanska siga, at hetta kost- aði javnaðarflokkinum fólkatingsmannin á fólka- tingsvalinum. Møguliga hava teir lært nakað av hes- um, sigur Ingeborg Vinther. Men tað eru eisini onnur dømi um, tað at samgongan arbeiðir til frama fyri há- inntøkurnar. Hon sipar til lógina um skuldareftirgeving til tey, ið skylda landskassanum milliónir, – Nógv av skuld- ini stavar frá, at tey settu pening í veð sum skatta- spekulatión. Onnur skylda milliónir í mvg, sum tey ongantíð hava goldið. – Ótrúligt, at nakar við politiskari ábyrgd kann vera við til at gera tílíkt lógligt. Skyldar ein vanlig- ur løntakari 200–500.000 krónur og søkir um at fáa skuldina strikaða, fær hann at vita, at hann skyldar ov lítið og noyðist at gjalda skuldina. – Men tann, sum skyldar milliónir, skal sleppa undan skuldini og tað skilji eg ikki. Samráðast um at bjarga sjúkuraktum alibrúkum í arbeiðssteðgi Tey lágløntu offraði í politiskum rossahandli Nevndin í Føroya Arbeiðara- felag er tann sama eftir aðal- fundin hósdagin. Frá vinstru sita Agnar Olsen, Margretha Rasmussen, Karla Einarsson, Sunrid Vang, Páll Nielsen, sakførari felagsins, Georg F. Hansen, næstformaður og á talarastólinum, Ingeborg Vinther. Mynd: Finnur Justinussen Á aðalfundinum hósdagin fingu limirnir í Føroya Arbeiðarafelag at vita, at arbeiðarafeløgini og Arbeiðsgevarar eru um heilt tætt við at gera eina søguliga avtalu. Norðurlendsk fløgg eru á borðinum, tí í sambandi við 25 ára starvsdag hjá forkvinnuni, eru gestir úr fleiri Norðurlondum komnir til Føroya Mynd: Finnur Justinussen