fríggjadagur 28. januar 2000síða 4

7 tíðindablaðið sosialurin Nr. 19 - 28. januar 2000 6 tíðindablaðið sosialurin Nr. 19 - 28. januar 2000 ORÐ: DÁNJAL HØJGAARD MYND: JENS KR. VANG 47 ára gamli Tamby Gaetanulrie er úr oyggjarík- inum Móritius í Indiahavi. Seinastu 17 mánaðirnar hevur hann ferðast kring hálvan jarðarknøttin við línuskipinum Borðoyarnesi, sum eitt skiftið sigldi undir navninum Golden Eagle. Borðoyarnes hevur roynt í Suðuríshavinum og heilt har suðri í Indiahavi. Teir hava verið út fyri Vestur- afrika, men í seinastuni hava teir mest roynt á køldu havleiðunum í Norðurat- lantshavi. Fiskasløgini hava verið nógv og ymisk hesa tíðina Tamby hevur verið við, líka frá tannfiski og tunfiski til svartkalva. Ella sum Tamby málber seg: -Black fish, red fish. Every kind of fish. Fylgir skipinum Hesa tíðina, Tamby hevur verið umborð, hevur Borð- oyarnes bæði verið útflagg- aður og heimflaggaður. Í dag er hentleikaflaggið skift út aftur við tað føroyska. Men tað eru ikki bert fløgg- ini, sum eru útskift. Eisini manningarnar hava verið skiftandi, og umframt Mó- ritius-búgvar og føroyingar, hava nógvir aðrir national- itetir eisini mannað Borð- oyarnes hesi árini, skipið hevur verið í eksil. Í dag er Tamby tann ein- asti umborð, sum ikki er føroyingur. Hinir national- itetirnir eru langt síðani farnir av, men Tamby hevur verið trúgvur móti Borðoy- arnesi, líka síðani hann mynstraði fyrstu ferð á Mó- Seyðarhøvd – no problem Altjóða fiskimaður. Hann hevur roynt eftir tannfiski suður móti Antarktis og eftir svartkalva norði við Grønland. Hann er dekkari á Borðoyarnesi, og hevur siglt við skiftandi manningum og undir skiftandi fløggum og skipanøvnum ritius fyri 17 mánaðum síð- ani. -Eg dugi tað mesta, sum er at gera umborð á einum skipi. Og so dugi eg eisini fleiri mál, bæði enskt, franskt og portugisiskt, sig- ur hann, og bjóðar okkum inn í kahyttina, sum er full av øllum møguligum dragsli. Góður matur – No problem, sigur Tamby, tá vit spyrja hann hvussu tað er at vera millum so nógvar føroyingar. – Eg eri komin at kenna lyndið á føroyingum. Still- førir menn, sigur fiskimað- urin av Móritius, sum hevur familju í subrobiska oyggja- ríkinum, men nú fær garna- tálg afturvið døgverðanum heldur enn chili sós. – Eg eti allan føroyskan mat, líka frá seyðakjøti og røstum fiski til grind og seyðarhøvd. Tað er fínasta slag , sigur hann uttan at blunka. Á manningini skilst, at tann døkkleiddi dekkarin er vorðin ein nattúrligur partur av Borðoyarnesi. Eftir øllum at døma er hann eisini væl lýddur, tí tá Sosialurin spyr, hvussu tað er at vera eins- amallur fremmandamaður millum so nógvar føroy- ingar, leggur ein av føroysku manningini uppí. – Her umborð er Tamby eingin fremmandamaður, slær hann avgjørdur fast. Borðoyarnes fór í vikuni av Klaksvík. Leiðin gekk móti Rock All. Og Tamby var sjálvsagt við umborð. Móritius ➧ Oyggjaríki í Indiahavi eystanfyri Madagaskar. 2.000 ferkilometrar til víddar. Uml. 1 millión íbúgvar, 70 % av indiskum uppruna. ➧ Átrúnaður: Hinduar 50%, kristin 30%, musl- imar 20%. Dyrka sukurrøtur, og hava ferða- vinnu. Fiskivinnan og ídnaðurin í menning. ➧ Hálendingar løgdu Móritius undir seg í 1598. Franskt hjáland í 1715 og bretskt í 1810. Óheft ríki í1968. Hevur verið merkt av spenningum millum teir ymsu fólkabólkarnar.