týsdagur 3. mai 2005síða 7

- Vit hava eina kreativa uppgávu við atliti til sjóvinnuna, og á fiskivinnuframsýningin i, North Atlantic Fish Fair, fara vit eitt nú at kunna um okkara tænastur og leggja upp til framtíðar samstarv, sigur Aksel Haraldsen NAFF Vilmund Jacobsen vilmund@sosialurin.fo Føroya Tele er millum tær fyritøkur, sum verða við á altjóða fiskivinnuframsýn- ingini, North Atlantic Fish Fair, sum letur upp klokkan 10 í morgun og varir til og við hósdagin. Nýggjar tænastur Aksel Haraldsen, leiðari fyri sølu av tænastum til vinnulívið, sigur, at Føroya Tele á NAFF-framsýningini serliga fer at leggja seg eftir at kunna um tær tænastur, sum fyritøkan hevur at bjóða sjóvinnuni. - Vit hava eina kreativa uppgávu við atliti til sjó- vinnuna, og á fiskivinnu- framsýningini fara vit at kunna um okkara nýggju tænastur og leggja upp til framtíðar samstarv. Spurdur, hvat Føroya Tele serliga fer at leggja dent á, sigur Aksel, at tey ikki minst fara at kunna um tænastuna, har sjófólk kunnu hava atgongd til sín egna t-post umborð. - Áður hevur tað verið soleiðis, at hevur skipið havt t-post, so hevur hetta verið ein felags t-postur. Nýggja tænastan ger, at sjófólk nú kunnu hava sín egna t-post, sum bert kann lesast við eini pin-kotu. Aksel sigur, at ein fyri- munur við hesi nýggju tæn- astu er, at tá ið sjófólk fara umborð á onnur skip, kunnu tey fáa adressuna við sær. Nýtslan á teldu - Aðrir fyrimunir, sigur Aksel Haraldsen, eru, at nýggja skipanin altíð velir bíligasta veg at senda, og at avrokningin fyri nýtslu sum nevnt kann gerast frá eini heimasíðu. Hetta merkir, at neyðugt er ikki hjá reiða-rí- unum at bíða eftir inter- netnýtsluni hjá manningini, eitt nú fyri at avrokna fyri túr. Í eina tíð hevur verið gjørligt at avrokna fyri telefonnýtslu umborð eftir skipanini hjá Føroya Tele. - Nú ber til at knýta Tel- Log saman við Sjóposti soleiðis, at til ber at síggja telefon-og internetnýtsluna á heimasíðuni. Hetta fer at lætta nógv um hjá reiða- ríunum og eisini tryggja, at allar samrøður, sum verða førdar, eru við í yvirlitin- um. Aksel Haraldsen vísir á, at Føroya Tele fer at koma við uppaftur fleiri tænast- um sum frá líður. - Tí verður básurin hjá okkum avgjørt verdur eina vitjan á fiskivinnuframsýn- ingini, leggur hann aftrat. Nr. 82 - 3. mai 2005 7 TÍÐINDASKRIV Havnar framburðsfelag, valfelag hjá Fólkaflokkin- um í Suðurstreymi skipar á krossmessu, 3 mai klokkan 19.30 fyri fundi um nýggja føroyska stjórnarskipan í miðalhúsinum í Vágsbotni. Flaggdagin var eitt ár liðið síðani grundlógar- nevndin lat frá sær fyrra flaggdagsálitið - eitt álit við við uppskotið til føroyska grundlóg, sum tey kalla stjórnarskipan Føroya. Uppskotið er í 100 §’um við ásetingum um ríkis- støðu Føroya og manna- rættindi, sum í dag ikki eru at finna í stýrisskipanar- lógini. Harumframt hevur nevndin mælt til at broyta týðandi partar av galdandi stýrisskipan. Millum broyt- ingarnar eru nýggjar áset- ingar um fíggjarvaldið, landsstýrismannaábyrgd og tingskipan. Serliga í kjak- inum um játtanarskipan hevur grundlógarnevndin lagt á heilt annan bógv enn verandi stýrisskipan. Allir flokkar á tingi hava sagt seg taka undir við arbeiðnum hjá grundlógar- nevndini, men ósemja hevur tó verið um navnið hjá nevndini og hesi nýggju lógini, sum skal avloysa stýrisskipanarlógina frá 1994. Hóast politiska undir- tøku, og hóast onki er frætt um at danir eru ímóti eini føroyskari stjórnarskipan, so hava fleiri føroyskir juristar sett seg ímóti henni, millum annað tí hon sigst stríða ímóti tingskipanini og tí at nevndin hevur brúkt nakrar søguligar orðingar, sum serliga er fallið einum ónevndum juristi fyri bróst- ið, at summir setningar byrja við orðinum "nú". Ein løgfrøðingur á løg- tingsskrivstovuni segði, at uppskotið fór at vera avvíst í tinginum, meðan ein advokatur segði uppskotið vera í stríð við ríkisgrund- lógina. Havnar Framburðsfelag bjóðar tí til spennandi orrustu um arbeiðið hjá grundlógarnevndini, har fleiri týðandi spurningar verða spurdir: Treingir stýr- isskipanarlógin til ábøtur? Ber tað til hjá føroyingum at hava egna grundlóg undir verandi ríkisstøðu? Skulu vit ansa eftir at danska grundlógin verður hildin, ella kunnu vit sam- tykkja okkara egnu fatan av støðuni? Skal lógarmálið vera juridiskt, norrønt ella nútíðarkent? Og ber tað til sum grundlógarnevndin skjýtur upp at fáa í lag tjóð- skaparliga semju ímillum allar flokkar á tingi? Í panelinum verða: Poul Michelsen, tingmaður og limur í grundlógarnevnd- ini, Súsanna Danielsen, stjóri á løgtingsskriv-stov- uni, Jóannes Hansen, fyrv. limur í grundlógarnevndini og Kári á Rógvi, næstfor- maður í grundlógarnevnd- ini. Fundurin er almennur og øll eru vælkomin. Kjak um føroyska grundlóg í miðalhúsinum í Vágsbotni Føroya Tele veitir tænastur til sjóvinnuna Heima á Sandi er ein nýggj matstova í um- búna. Hon skal halda til í ovaru hæddini í Ungmannafelagshúsi num og verður at byrja við bert opin um vikuskiftið MATSTOVA Edvard Joensen Sandi: Um einar fjúrtan dagar letur ein nýggj mat- stova upp Heima á Sandi. Ætlanin er í fyrsta umfari bert at hava opið um viku- skiftini, sigur annar av sigtakarunum, Fríði Nol- søe. Hann hevur saman við Hera Jacobsen av Sandi tikið stig til hesa matstov- una, sum teir fara at hava í ovaru hæddini í ung- mannafelagshúsinum. Hetta, at teir hava leigað seg inn í ungmannafelags- húsini, kemst av, at teir í fyrsta umfari vilja síggja, hvørja undirtøku tiltakið fær, áðrenn farið veðru undir at gera stórar íløgur. Ungmannafelagshúsið hevur góðkendan køk, har er gott pláss, og tað liggur væl fyri í bygdini. Er lætt at finna, og parkeringpláss eru eisini. Sjávandi skal okkurt gerast, áðrenn farið verður í gongd, sigur Fríði Nolsøe. Eitt nú skulu teir hava nýggj borð og stólar. Eina barr ætla teir at seta upp eisini, og onkrir leysir veggir ella skermar veðra settir millum borðini, so fólk fáa sitið eitt sindur fyri seg sjálvan. Sjálvt rúmið fara teir ikki at gera nakað við soleiðis, sigur hann. Veggirnir eru úr timbri, og tað ger, at tað passar rímilgia væl við tann stílin, teir hava valt. – Vit hava ætlað at gera tað eitt sindur soleiðis »cowboykent«, sigur Fríði Nolsøe. Ætlanin er at hava bæði vanliga marsotvu og café í húsinum, sigur hann. Tað skal bera til at koma inn at eta ein góðan búff, eins og tað eisini skal bera til bara at keypa ein kaffimunn við onkrum afturvið. Teir fara í frysta umfari at hava opið fríggjadag, leygardag og sunnudag. Fríggjadag verður latið upp klokkan 17.00. Hinar dag- arnar verður latið fyrr upp. Møguleiki er eisini at skipa fyri ymsum tiltøkum, har dansur kann verða knýttur at, sigur Fríði Nolsøe. Dansihøli er í niðaru hæddini á ung- mannafelagshúsinum. Fríði Nolsøe sigur, eisini fer at bera til at fáa mat koyrdan heim til hús, um fólk ynskja tað. Hann sigur, at tað, sum í grundini verður bíðað eftir nú, er at fáa endaligt svar upp á umsóknina um skeinkiloyvi. Tá tað er komið - væntandi játtandi - eru teir klárar at fara í gongd, sigur hann. - Básurin hjá Føroya Tele á NAFF-framsýningini verður avgjørt verdur eina vitjan, sigur Aksel Haraldsen Nýggj matstova á Sandi Fríði Nolsøe fer í næstum sjálvur annar undir viku- skiftismatstovu Heima á Sandi. Sandoyggjarfólk hava leingið manglað eitt stað, har tey kunnu fara út at fáa sær ein betri bita, halda teir, sum nú fara at lata matstovu upp í Ungmannafelagshúsinum á Sandi Mynd: Edvard Joensen