týsdagur 3. mai 2005síða 19

AVSETTUR Jákup Mørk Hóast KÍ nú er í tungum sjógvi við trimum tapum í slag, so var tað tó ikki hetta, sum var á breddanum í lokala tosinum um viku- skiftið. Tað var tað hinvegin, tá tað leygardagin frættist, at landsliðsleikarin, Hjalgrím Elttør, ikki var partur av hópinum hjá KÍ, sum skuldi taka ímóti NSÍ. Nakað av roki hevði fyrr í vikuni um leiklutin hjá KÍ, og venjarin, Ove Flindt Bjerg, sigur, at Hjalgrím fyrst og fremst hevði sett seg sjálvan av liðnum. - Tað vóru tveir spælarar hjá okkum, sum ikki yvir- hildu tær reglurnar, sum eru galdandi fyri lið, undan dystinum móti B36. Tað hava teir so eisini fingið sína revsing fyri. Men tá tað so er ein spælari, sum hartil ikki sýnir ein virði- ligan atburð mótvegis tí samanhaldi, sum skal vera á liðnum, so kostar tað altso. Og eg gav so Hjal- grími boð um, at hann ikki skuldi vísa seg aftur fyrr enn hósdagin, staðfestir KÍ- venjarn, Ove Flindt Bjerg. Fáorðaður Sjálvur vil høvuðspersón- urin ikki gera nakrar se- rligar viðmerkingar til støð- una, sum nú er íkomin. - Eg veit ikki rættiliga, hvat eg skal siga til hetta, so eg havi valt at halda ein lágan profil, staðfestir Hjalgrím. Tað er ein keðilig støða, sum er íkomin, og hana má eg so bara royna at loysa, h e l d u r landsliðs- spælarin. Meira enn tað sama fæst ikki úr spælaranum, sum undan árinum varð roknaður sum vandamesta álopsvápnið á liðnum. Nr. 82 • týsdagur • 3. mai 2005 • 79. árgangur • www.sosialurin.fo Gull í Vági síðurnar 20-22 KÍ-VENJARIN Jákup Mørk Mánamorguin frættist, at KÍ-venjarin, Ove Flindt Bjerg hevði fingið sekkin frá KÍ, og seinni um fyrr- partin vórðu tíðindini váttað. Í tíðindakskrivi, sum varð sent miðlunum, sigur steðfestir nevndin: - Klaksvíkar Ítróttarfelag hevur frá í morgun (mána- dagin 2. mai 2005) sagt upp samstarvsavtaluna við høvuðsvenjara felagsins, Ove Flindt Bjerg. - Dánjal Jákup Joensen røkir fyribils starvið sum høvuðsvenjari til nýggjur venjari verður settur. Nevndin fer á fundi í seinasta lagið týskvøldið at seta nýggjan høvuðs venj- ara. Nevndin hevur havt eitt sera gott samstarv við fyrr- verandi høvuðsvenjaran, men avgerðin um at siga venjaran úr starvið var tik- in av einari samdari nevnd. Tríggir kandidatar Sum skilst úr Klaksvík, so hevur talan á ongan hátt verið um nakra illstøðu millum venjara og spælar- ar. Hinvegin verður ásann- að, at vánaligu úrslitini saman við tungu gongdini sum heild høvdu við sær, at tað rættasta helst var at skifta venjara. Okkum eydnaðist ikki at fáa orðið á frákoyrda venj- aran undan evstamarki okkara. Enn er ikki greitt, hvør nýggi maðurin í KÍ-stólin- um verður, men sum skilst, so snýr tosið í Klaksvík seg fyrst og fremst um hesi trý nøvnini: Oddbjørn Joensen hevur ikki nakað venjarastarv í ár, og hann er tí leysur maður á marknaðinum. Við rót úr Klaksvík er hann eisini ein maður, sum hevur gott festi hjá lokalu viðhaldsfólkunum, og hóast hann hevur fáar royndir sum venjari í bestu deildini, so er helst fáur, sum ivast í innliti hansara í føroyska fótbóltsheimin. Jóannes Jakobsen er í ár venjari hjá AB, og tí er ikki víst, at hann er ein møgu- leiki yvirhøvur. Hann var tó sera væl lýddur millum spælarar og viðhaldsfólk, tá hann fyri nøkrum árum síðani virkaði í Klaksvík. Og so hevur hann eisini tann fyrimunin, at hann áður er traðkaður til í líknandi støðum – og við góðum úrsliti. Jógvan Martin Olsen boðaði í heyst frá, at hann nú fór at halda sær starvið innan FSF, har avbjóðing- arnar eru vorðnar størri og meira krevjandi. Áðrenn hevði hann røkt venjara- starvið í NSÍ umframt starvið í FSF, og spurning- urin er so, hvørt tað var ein haldbar loysn. Tað vóru tað ymiskar fatanir av, men hinvegin er hann helst ein av best útbúnu venjarunum í landinum, og hann er heldur ikki bangin fyri at taka ímóti eini avbjóðing. Hóast tað ofta seinni árini hevur turbolensur kring KÍ-venjaran, so er hetta fyrsta ferðin síðani 1989, at KÍ skiftur venjara mitt í kappingarári. Frákoyrdur Avsettur!