týsdagur 3. mai 2005síða 25

Nr. 82 - 3. mai 2005 25 Vágbingar kendu seg snýttar, tá dómarin kolldømdi mál, og bara 30 sekund seinni hevði Alex dos Santos sent ein kandidat til heitið sum ársins mál FÓTBÓLTUR Jákup Mørk jakup@sosialurin.fo Einki er at ivast í, hvat samrøðuevnið eftir dystin á Eiðinum millum VB og B36 var. Smáar tíggju min- uttir fyri leiklok sendu vág- bingar fríspark innfyri B36 málið. Bólturin varð stútað- ur í kassan, og vágbingar hildu, at nú var javnvág komin í roknskapin, sum annars vísti 0-1. Men dómarin kolldømdi málið, og so gjørdu gestir- nir skjótt av. Bólturin varð sendur fram á vøllin har brasilianski Santos dróg tvær ferðir, áðrenn hann úr 35 metrum smekkaði til, og hóast Bjarni í VB-málinum stóð har, sum hann skuldi standa, so megnaði hann ikki at forða framúr vakra skotinum í at fara í kassan. Varin byrjan Hetta var helst hendingin, sum avgjørdi dystin, og eftir hetta fekk VB ikki skapt nakran spenning í aftur dystin. Heldur ikki hóast teir tveittu nógv fram seinastu tíðina. Men fram til tá hevði talan verið um eina hampu- liga javna uppgerð. Bæði VB og B36 hava í ár verið sterk í verjupartinum, og tað tóktist eisini skula eyð- kenna dystin sunnudagin. Byrjað varð varliga frá báðum pørtum, og tað var sjáldan, at talan gjørdist um veruligar málmøguleikar. B36 var tó liðið, sum hevði bóltin væl meira, og teir komu eisini fram til nakrar møguleikar, sum tó sjáldan gjørdust heilt vandamiklir. Tað gjørdist tað tó, tá Alex dos Santos ta einu ferðina smekkaði hart innlegg innfyri. Við hand- aru stong kundi Allan Mørkøre møta bóltinum, og so hevði veteranurin aftur gjørt mál fyri B36. Taktiskt spæl Fyri tað mesta gjørdist tal- an síðani um eitt taktiskt spæl, har hvørgin parturin tordi ella vildi satsa ov nógv. B36 tók seg nakað aftur á vøllin – ikki minst eftir at Ingi Højsted varð noyddur av vøllinum – men tað var tó sjáldan, at talan gjørdist um veruligar vandastøður. Ta einu ferðina var tó um reppið, at Milan Kuljic fekk frítt skot, men í málteiginum eydnað- ist Santos at blokera royndini. Móti endanum kom VB tó nakrar ferðir nær nøkr- um, sum líktist einum mál- kjansi, og so kom støðan, sum tosað verður um. Tann parturin endaði tó við, at B36 avgjørdi, og tó at VB tveitti nógv fram seinastu løtuna, so var hetta nyttu- leyst. Samstundis gjørdist vertirnir nakað tunnir í verjupartinum, og eftir at B36 hevði havt nakrar naskar kontra-royndir, kundi Bogi Hermansen staðfesta sigurin, tá hann hegnsliga avsluttaði eitt væl gjøgnumspælt álop. Hjá VB tóktist ósigurin at vera ein staðfesting av, at liðið hevur trupulleikar við at standa seg á heimavølli. Hinvegin skal eisini takast atlit til, at talan var um truplan heimadyst, og at tað tí ikki heilt so væl ber til at draga nakrar niðurstøður úr hesum tapinum. Og spyrt tú ein vágbing í dag, so er hann helst ivaleysur í, at talan skuldi verið um javn- leik. Og um tað hevði verið úrslitið, so hevði tosið í Vági helst verið eitt heilt annað í dag. Fyrst og fremst, so er málið hjá vág- bingunum at byggja eitt nýtt lið upp í ár, og fyribils hevur úrtøkan av hesum ar- beiðinum eisini verið hampuliga góð. Hjá B36 man lagið hinvegin vera av tí besta. Sigrar í Vági eru ikki ger- andiskostur hjá liðnum, og í øllum førum skal leitast heilt langt aftur, um ein so- mikið tryggur sigur skal finnast. Sigurin heldur eisini B36 ovast á talvuni. Komandi tríggjar vikurnar vera tó helst ein styrkis- roynd í so máta, tá liðið hevur dystir móti bæði HB og Skála, sum í løtuni eru á næstu sessunum á talvuni. VB-B36 0-3 (0-1): B36 streyk við øllum Talan var um eina uppgerð, sum í veruleikanum var nakað væl tættari, enn endaliga úrslitið vísti Mynd: Áki Bertholdsen - Hetta er í øllum førum besta úrslitið, sum eg havi verið við til at fáa í Vági. Soleiðis staðfesti B36- miðvallarin, Mikkjal Thomassen, eftir at hann og liðfelagarnir høvdu tog- að ein 3-0 sigur við sær heim, og so er einki at siga til, at frøin í B36-leguni var stór. - Vit eru í øllum førum væl nøgdir. Vit hava kanska ikki tað liðið, sum spælir mest poleraða fót- bóltin í landinum, men vit spæla fyri at vinna. Og tað er væl ein dygd í sjálvum sær í so máta, at vit eru sterkir í verjupartinum. Av seks dystum hava vit fýra ferðir hildið málið reint, og tað gevur eisini nakað av sjálvsálitið, slær Mikkjal fast. Um sjálvan dystin helt Mikkjal, at hann var bilsin um, hvussu gott pláss teir í B36 fingu í fyrra hálvleiki. - Vit fingu loyvi til at hava bóltin øgiliga nógv, og sjálvt um vit ikki skaptu teir nógvu møguleikarnar, so gav hetta okkum frið at spæla. Seinni fella vit nakað aftur á vøllin, men tað er sjáldan, at teir gerast heilt vandamiklir. Spurningurin er so, hvørt hatta málið hjá teimum var off-side ella ikki, men Alex avgerð so alt við einum fantastiska flott- um máli, staðfestir Mikkjal at enda. -jm Fantastiskt úrslit Hóast talan í seinasta enda gjørdist um greitt tap hjá VB, so helt VB-venjarin, John Christensen, ikki, at talan hevði verið um nakað vánaligt avrik frá hansara monnum. - Sjálvandi er 0-3 á heimavølli ikki nakað gott úrslit, men so skalt tú eisini hugsa um, hvat tað er, sum hendir. 10-11 minuttir fyri leiklok halda bæði eg og spælararnir, at vit hava javnað, men tað hildu dómararnir altso ikki. Og bara 20-30 sekund seinni liggur bólturin so í okkara máli. Tað sigur seg sjálvt, at tað tá gerst sera tungt, men eg haldi tó, at vit kortini vísa rætta viljan. Vit satsa í øllum førum alt seinastu løtuna, og um tað so verður 3-0, hevur ongan týdning í so máta. - Men sum sagt, so verða vit punkteraðir av hasum 2- 0 málinum, og eg eri í øllum førum spentur til 3-2 sendingina mánakvøldið, so eg kann síggja hasa kolldømingina umaftur, staðfestir venjarin. Um dystin sjálvan og mótstøðuliðið helt VB- venjarin, at teir hóast alt eisini høvdu møtt einum betri liði. - Eg má viðganga, at B36 var betri enn vit. Teir eru sera væl skipaðir í verjupartinum, og tað ger tað sera trupult at vinna á teimum. Fram eftir vøllin- um skapa teir kanska ikki heilt so nógv, men við toln- um spæli megna teir at bíða, til møguleikin kemur, og tí haldi eg, at hetta er besta liðið, sum vit hava møtt higartil í kappingini. -jm Harmast kolldømingina VB-B36 0-3 (0-1) 0-1: Allan Mørkøre, 18. 0-2: Alex dos Santos, 79. 0-3: Bogi Hermansen, 89. VB: Bjarni Johansen – Mortan úr Hørg, Anders Sør- ensen, Michael í Lágabø, Kári í Lágabø – Nenad Zivanovic (Eyðstein í Lágabø, 46.), Evrad Ble, Milan Kuljic, Símun Samuelsen – Poul N. Poulsen (Kenn- eth Kjærbo, 77.), Dan Djurhuus GK: Milan Kuljic, 39., Evrad Ble, 42., Dan Djurhuus, 51., Poul N. Poulsen, 52., Anders Sørensen, 73. B36: Jákup Mikkelsen – Pól Thorsteinsson,Herbert í Lon Jacobsen,Fróði Benjaminsen,Alex dos Santos – Bergur Midjord (Bárður H.Joensen,85.),Ingi Højsted (Klæmint Matras, 31.), Mikkjal Thomassen, Eyðun Højgaard – Allan Mørkøre, Óbi (Bogi Hermansen, 77.) GK: Pól Thorsteinsson, 44., Klæmint Matras, 66. Dómari: Oddmar Andreasen FAKTA UM DYSTIN