týsdagur 3. mai 2005síða 26

26 Nr. 82 - 3. mai 2005 Runavíkingar strídd- ust allar 90 minuttir- nar fyri sigrinum, og tað var meira, enn vertirnir úr Klaksvík gjørdu FÓTBÓLTUR Jákup Mørk jakup@sosialurin.fo Fótbóltslagið í Klaksvík er í botni í løtuni. Tríggir ósigr- ar á rað er ikki akkurát tað, sum viðhaldsfólkini eru von við, og helst skal leitast aftur til sera laka 1995, um ein tilsvarandi keðilig úr- slitarøð skal finnast. Men leingi tóktist tó, at talan als ikki skuldi gerast um triðja ósigurin á rað, tá NSÍ var á vitjan sunnu- dagin. Spælið hjá KÍ var kanska ikki tað besta, og fyri tað nógva varð miðvøll- urin bara lopin um, tá verjan ístaðin sendi langt niðan móti áleyparunum, men hetta gav úrslit. Tvær ferðir slapp Julian Samuelsen - hevði fingið møguleikan í álopinum fyri frákoyrda Hjalgrím Elttør – rætti maðurin á rætta staðnum, og hann var ivaleysur. Bæði eitt og tvey null til KÍ vóru úrslit av konsekventum avslutn- ingum, tá mótstøðan ikki var nóg ansin, og so skuldi KÍ verið á sigurskós. Góður moralur Men runavíkingarnir vildu ikki gevast. Hóast spælið ikki var av tí poleraða slagnum, so hildu teir á fram í royndunum at stressa klaksvíkingarnar. Tað mundi eisini munað væl í so máta, at Christian Høgni Jacobsen við eini perlu bankaði bóltin í málið av brotsteigarmarkinum smáar tíggju minuttir fyri steðgin. Hetta tóktist eisini geva gestunum neyðuga sálar- liga sparkið, samstundis sum KÍ helst datt nakað aft- ur, og so var kósin løgd. Eftir steðgin gekk tað nevn- liga fyri tað mesta ein veg- in. Runavíkingar hildu á fram at trýsta, og áðrenn alt ov leingi fingu teir eisini lønina. Eftir frísparksinn- legg hevði KÍ-verjan trup- ulleikar við at rudda burtur, og so smekkaði Óli Hansen til, tá møguleikin beyðst. Um nakað, so setti málið enn meira ferð á NSÍ. Teir spældu seg ferð eftir ferð oman móti KÍ-málinum, og mest av øllum, so var tað bara ein spurningur um tíð, áðrenn sigursmálið skuldi koma. Og hetta kom eisini, tá hálvleikurin var hálvrun- in. Eftir uppspæl í høgru var Dánjal Hansen fyrstur á innleggið, og so var fagnað- urin á runavíkingum stórur. KÍ fekk í evstu løtu møguleika at javna, tá Er- ling Fles varð sendur púra leysur móti málinum, men ógvuliga eyðkennandi fyri truplu støðuna hjá KÍ í løt- uni, so sendi hann omanfyri. Breiddin er í lagi Sigurin var tann fyrst hjá NSÍ, síðani teir í fyrsta um- farinum vunnu í Gundadali. Tí var skilligt, at fagn- aðurin var stórur, men umframt úrslitið, so høvdu runavíkingarnir eisini nógv annað at fegnast um. Ikki minst, at teir tykjast hava ein hóp, sum er nóg breiður til at taka tey bak- køst, sum við vissu koma í einum longum og strævn- um kappingarári. Hesaferð vóru hvørki Sjúrður Jacob- sen, Gert Langgaard ella Ike við á liðnum, og tað eru leikarar, sum sjálvsagdur saknur er í. At liðið so kort- ini - og úr nærum vónleys- ari støðu – megnar at venda einum dysti á útivølli móti KÍ ber boð um, at knotur eru í monnum. Enn er talan eisini um nógvar dystir, sum eru eftir í kappingini, og tí kunnu runavíkingarnir eisini hava eina væl grundaða vón um, at liðið fer at klintra longur upp eftir talvuni. Heilt so væl grundað man vónin hjá KÍ ikki vera í løtuni. Tríggir ósigrar á rað hava sett síni sjónligu spor, og tað skilst á øllum brøgdum, at viðhaldsfólk- ini eru meira enn ónøgd um avrikini. Ein sigur kann tó gera undurverk í so máta, og enn er KÍ heldur ikki heilt afturúrsiglt. Skal gongdin vendast, so krevur tað tó, at stór tøk verða tik- in. Og tey mugu takast í felag, soleiðis at alt liðið verður drigið rætta vegin. Sjálvsálitið er slitið KÍ-venjarin er ikki samdur í teimum, sum siga, at KÍ ikki hevur nakran geist í løtuni, men hann viðgongur, at sjálvsálitið er um at vera slitið KÍ Jákup Mørk Tað er einki at ivast í, at lag- ið var í botni hjá KÍ-hóp- inum sunnudagin. Ein – at síggja til – trygg 2-0 var als ikki so trygg kortini, skuldi tað vísa seg, og við einum góðum liðavriki eydnaðist NSÍ at venda dystinum. Og heldur ikki venjarin hjá klaksvíkingunum, Ove Flindt Bjerg, var serliga fegin um úrslitið, sum hann staðfesti, ikki hevði verið nóg gott. - Tað sigur seg jú sjálvt, at tað ikki er serliga spenn- andi, tá ein dystur gongur soleiðis. Og fyri okkum er tað sjálvandi sera harmiligt, haldi eg. Men tit fáa jú eina dreymabyrjan. Hvat er tað, sum gongur galið? - Tað er kanska fyrst og fremst tað, at NSÍ skorar upp á sárliga týdningarmik- ið tíðspunkt. Tað gevur teimum trúnna uppá, at tað kanska skal eydnast teimum at venda dystinum. Og samstundis er hetta sjálv- andi eitt ordans bakkast hjá okkum at fáa beint fyri steðgin, heldur KÍ-venjarin. Slitið sjálvsálit Hetta var triðja ferðin á rað, at KÍ fór av vøllinum sum taparar. Byrjanin til landskappingina hevði annars verið góð við einum sigri á HB, men sjálvsálitið, sum tann dysturin gav, tykist nú vera fullkomuliga burturi. - Tað er jú ein vandamikil tankagongd, sum kemur, tá tú byrjar at tapa. Tá verður tú bangin fyri at spæla, og kemur tú hartil, so er næstan ov seint at venda gongdini. Tað síggja vit eisini nú, hóast klók fólk uttan fyri vøllin tosa um moral og geist á liðnum. Sjálvandi skulu hesi hava loyvi at hava sínar meiningar, men tá ein áleyp- ari er púra blankur tveir minuttir fyri tíð, og hann skjýtur uppum. So hevur tað altso einki við vantandi mor- al ella geist ella gera, slær venjarin fast. Breiddin vantar Tað hevur ofta verið tikið til, at um KÍ vinnur á HB, so halda tey seg vera heims- meistarar, og gloyma at hava sambandi við jørðina. Byrj- anin upp á kappingarárið kundi kanska bent tann veg- in, men sjálvur heldur Ove Flindt Bjerg, at hetta er ein nakað lætt-keypt frágreiðing. - Tað kann mann sjálv- andi siga, tá tú hyggur at úrslitunum higartil, men tað er ein heldur foreinklað útgáva av veruleikanum. Sjálvur haldi eg, at okkara størsti trupulleiki er, at vit hava ein heldur tunnan hóp. Vit hava fleiri ungar leikar- ar, sum ivaleyst kunnu ger- ast heilt góðir, men tað er ikki her og nú, at teir skulu vera berandi kreftir. Í løtuni er støðan bara tann, at hava vit einar 2-3 spælarar, sum ikki eru á toppinum, so eru vit ov tunnir til at byrgja upp fyri hesum. Tað er ein veruleiki, sum vit mugu fyrihalda okkum til, og til dømis hevur eingin enn grett orð um, at vit ikki hava Jacob Bymar við á liðnum longur. Hann var hóast alt toppskjútti hjá okkum í fjør. Og at vit so samstundis hava havt nakrar disciplinærar trupul- leikar ger altso ikki støðuna betri, staðfestir Ove Flindt Bjerg at enda. KÍ-NSÍ 2-3 (2-1): Góður NSÍ-moralur Andy Olsen og liðfelagarnir stríddu seg úr vónleysari støðu til sigurs, tá NSÍ sunnudagin vitjaði í Klaksvík Týdning- armikið skump Jónstein Petersen hjá NSÍ var sum vera man fegin um stigini, sum teir vunnu sær í Klaksvík sunnudagin. Ikki minst, tí stigini vóru úrslit av einum sonnum liðavriki, har allir lyftu í felag. - Vit spæla heilt væl fyrstu løtuna, men teir fáa so tvey kontra-mál, sum ikki passa okkum serliga væl, men tað gevur okk- um eitt lyft, tá Christian Høgni skorar. Eftir steðg- in koma vit fram til nógv- ar møguleikar, og sjálvt um spælið kanska ikki er so flótandi, so koma vit fram til eina rúgva av møguleikum. Ikki minst var Jónstein nøgdur um, at liðið hevði staðið royndina, hóast fráveru av fleiri týðandi spælarum. - Vit hava verið illa sperdir hesa vikuna, har fleiri spælarar hava verið skadir og sjúkir. Tí høvdu vit ikki bestu kortini á hondini undan dystinum. Hartil hava vit havt ein keðiligan óvana við ov nógvum javnleikum. Tað hevur tú ikki ráð til, tá oddaliðini tykjast vera so væl koyrandi, sum tey eru. - Vit hava jú ikki vunnið síðani fyrsta umfarið, so hesin sigurin var sera týdningarmikil fyri okk- um. Eisini hóast spælið ikki gekk eftir ætlan, staðfesti Jónstein Peter- sen at enda. -jm VB-B36 0-3 (0-1) 0-1: Allan Mørkøre, 18. 0-2: Alex dos Santos, 79. 0-3: Bogi Hermansen, 89. VB: Bjarni Johansen – Mortan úr Hørg, Anders Sør- ensen, Michael í Lágabø, Kári í Lágabø – Nenad Zivanovic (Eyðstein í Lágabø, 46.), Evrad Ble, Milan Kuljic, Símun Samuelsen – Poul N. Poulsen (Kenn- eth Kjærbo, 77.), Dan Djurhuus GK: Milan Kuljic, 39., Evrad Ble, 42., Dan Djurhuus, 51., Poul N. Poulsen, 52., Anders Sørensen, 73. B36: Jákup Mikkelsen – Pól Thorsteinsson,Herbert í Lon Jacobsen,Fróði Benjaminsen,Alex dos Santos – Bergur Midjord (Bárður H.Joensen,85.),Ingi Højsted (Klæmint Matras, 31.), Mikkjal Thomassen, Eyðun Højgaard – Allan Mørkøre, Óbi (Bogi Hermansen, 77.) GK: Pól Thorsteinsson, 44., Klæmint Matras, 66. Dómari: Oddmar Andreasen FAKTA UM DYSTIN