hósdagur 5. mai 2005síða 13

Nr. 84 - 5. mai 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Sum nakað nýtt seta vit nú allar myndir av brúðarpør- um, sum vera sendar til til teigin "Heilsanir", í Viku- skiftis Sosialin í litum. Brúðarmyndirnar koma undir somu treytir sum aðrar myndir til "Heilsanir", t.v.s. at tær kosta 30 kr. Síðsta freist at lata brúðarmyndirnar inn er hósdag kl. 12.00 Sosialurin Litmyndir av brúðarpørum í Dagurin 5. mai – Kristi Himmalsferðardagur. Dagurin eitur Gotthard, deyður í 1038. Abbati og biskupur í Hildesheim. Týskt navn, samansett av orðunum fyri Gud og harður. Kristi Himmalsferðardagur er 40 dagar eftir páskir, og 10 dagar fyri hvítusunnu. Teir seks sunnudagarnir eftir páskir hava eins og sunnudagarnir í føstu serstøk latínsk nøvn í álmanakk- anum. 6. mai. Dagurin eitur Jóhannes fyri borgliði (Johannes ante portam). Dagurin hildin til minnis um at ápostulin Jóhannes varð illa píndur uttan fyri borgliðið Porta Latina í Róm. Hann komst undan, men varð seinni rikin í útlegd út á oynna Patmos. Jóhannes Patursson varð føddur hendan dagin í 1866, og Hans Andrias Djurhuus doyði hendan dagin í 1951. 25 ára starvsdag við Vága Floghavn Tann 9. mai 2005 hevur Sune Hentze Johansen verið í starvi við Vága Floghavn í 25 ár. Hann byrjaði 9. mai 1980 hjá Flogfelag Føroya – í juli 1992 fór hann í starv hjá Atlantic Airways, har hann starvast enn. Í frítíðini fæst Sune við mangt og hvat. Honum dámar væl at ganga úti í nattúruni. Hann er haga- maður í hagapartinum Sund í Sandavági. Av og á koyrir hann eisini Ambulansuna í Vágum, og sunnudagar sæst hann renna runt við floytuni, har hann millum annað dømir 1. deildar fótbólt. Sune er sørvingur, sonur Hentza og Andreu Johansen úti í Geilini, har hann er triðelstur av seks systkjum. Í 1989 flutti hann til Sandavágs at búgva. Hann er giftur við Belindu, og eiga tey tveir dreingir, Hørður og André. Vit ynskja honum hjartaliga tillukku við degnum og góða eydnu í framtíðini. Í dag, 5. mai, verður Johan Evensen sjeyti. Johan Evensen er ættaður úr Havn, sonur Johan Even- sen, betur kendur sum Spinnarin, og Berghild Evensen Arge, fødd Dam, úr Skopun. Johan vaks upp í Lágabø í Havn, ella rættari í Gamla Hospitali, har hann varð føddur. Pápin, sum átti spinnaríið í Sandá, sum í dag hýsir møblahandlinum Eikini, keypti ognirnar hjá hospitalinum, tá Dronning Alexandrines Hospital varð tikið í nýtslu í 1924. Spinn- arin hevði ætlanir um ann- að handilsvirksemið við fiski. Hann seldi spinna- riíð, men gjørdist sjúkur stutt eftir, og doyði í Keyp- mannahavn eftir langa sjúkralegu í oktober í 1935, fimm mánaðir eftir, at Johan varð føddur. Johan er tí uppkallaður eftir pápan- um, og hann varð doyptur sama dagin, sum pápin fór til gravar. Spinnarin er tann fyrsti, sum er grivin í nýggja kirkjugarðinum við Velbastaðvegin í Havn. Umframt Johan áttu Berg- hild og Spinnarin eina dótt- ur, Anna (1927-85), sum var gift við Gunder Johan- sen, seinni Schiller, skradd- ara og handilsmanni í Havn (1925-86). Johan Evensen býr í Lynge í Danmark. Hann hevur verið í Danmark síð- ani hann í 1953 fór í læru hjá B&W sum maskin- smiður. Eftir lokna útbúgv- in í 1957 arbeiddi hann eitt stutt skifti sum sveinur, til hann fór at lesa verkfrøði. Hann tók prógv sum maskinverkfrøðingur í 1961, og fór tá í starv hjá ráðgevandi verkfrøðingafe- lagnum Birch og Krogboe, sum eitt nú var við til ar- beiðið, tá Landssjúkrahúsið í Havn var bygt í seksti- árunum. Í 1961 fór hann í starv hjá Heto, sum fram- leiðir útgerð til laboratorii, sjúkrahús o. a. Har var Johan køliverkrøðingur. Hann fór frá fyri aldur, tá hann var 65 ár. Eftir barnaskúlan fór Johan í Realskúlan í Havn í 1947. Men av tí at hann hevði trupulleikar við bruna í eygunum, var hann nógv burtur frá skúlanum, og gavst tí. Sum smádrongur hevði Johan gingið nógv á verk- staðnum hjá Sigirdi av Reyni í Rættará - og hann hjálpti ofta Frits Jensen ella Bugli-Jensen, sum tá var á verkstaðnum har. Frits Jensen spurdi tí Johan, um hann ikki vildi koma í læru sum bilmekanikari, tá hann nú kortini var givin í skúl- anum - og soleiðis bar á, at hann fór í læru í 1950. Tá í tíðni vóru lærlingar ikki nógv virdir, og teir vóru tí ofta settir til tær keðiligu uppgávurnar - og tá Johan helt tað vera ov nógv við at hava bankað teppir og ganga ørindi fyri konu Frits, gavst hann í læruni eftir stutta tíð. Síð- ani fór hann til Danmarkar, har hann fór á preliminer- skúla. Hann gjørdi seg lidn- an við fyrsta part í 1951. Men tá hann var heima í summafrí, fekk hann aftur bruna í eyguni og kom tí ov seint niðuraftur til skúlan. Hann gavst tí, og tók seinna partin av skúlanum á VBV í Havn, har hann fekk prógv í 1953. Á heystið hetta árið fór hann so í læru hjá B&W í Keypmannahavn. Sjálvur sigur Johan, at tað var mammubeiggin, Petur Mohr Dam, sum hevði útvegað honum plássið hjá B&W, og tað var systkina- barnið, Atli P. Dam, sum tók ímóti honum og hjálpti honum upp á pláss á lærlingaheiminum. Tað var ikki bara sum at siga tað at fáa lærupláss hjá B&W, tí áhugin var so stórur millum ungar dreingir, og tí var Johan fegin um góðu kon- taktirnar, sum mammu- beiggin hevði. Johan er av seinasta ætt- arliðnum í Føroyum við eftirnavninum Evensen. Navnið kemur úr Noreg. Tað var Ole Evensen, ella Ole Nordmand, sum kom úr Noreg til Hvalbiar at starvast í kolinum. Hann var eisini sýslumaður í Suðuroy. Spinnarin var abbasonur hansara. Pápi Spinnaran var Jens Christ- ian Evensen. Hann og bróð- irin, J. P. Evensen komu til Havnar, tá foreldrini doyðu, og vusku upp hjá kenda mentamanninum, Jens Davisen, sum m. a. var bókavørður á fyrsta bóka- savninum, sum arbeiddi hjá fútanum, og sum onkur tíðarskeið bæði var settur ríkisumboðsmaður og fúti. Jens Christian Evensen var prestur, fyrst á Viðareiði, síðani í Hvalba og gjørdist seinni Føroya Próstur á Nesi. Spinnarin og A. C. Evensen, sum eisini var próstur, vóru brøður. Í móðurætt hevur Johan ættarbond í Norðstreymi. Pápin, Óli Dam, var koll- firðingur, borin til garðs í Sjógv í Kollafirði, meðan mamman, Sára Maria var av Heygum í Vestmanna, systir Ólav á Heygum, bónda. Óli og Sára Maria settust niður í Skopun. Tey áttu seks børn, Hannemia, Berghild, Petur Mohr, Jo- hannes, Hákun og Lilly. Óli doyði, meðan børnini vóru smá, og tók ongantíð við garðinum í Kollafirði. Tað var tí Petur Mohr Dam, sum átti at tikið við garð- inum, tí hann var elsti son- ur, men heilsan loyvdi hon- um ikki - og helst hevur hugurin ligið til tað bók- liga. Bróðurin Johannes Dam tók tí við garðnum. Johan giftist í 1961 við Inge-Lise, og saman eiga tey trý børn, Lars (43 ár), Helle (39 ár) og Kell (38 ár). Familjan hevur búð í Birkerød síðani 1961, men fyri nøkrum árum síðani seldu tey húsini og keyptu eini minni hús í Lynge, har Johan og Inge-Lise nú búgva. Adressan hjá teimum er: Nøglegårdsvænge 39 3540 Lynge Tlf: 4581 2940 Mobil: 4026 7940 Johan Evensen sjeyti Tað verður kunngjørt fyri ætt og vinum, at okkara kæra mamma og systir Hanna Telling fødd Hansen úr Svínoy andaðist 3. mai á Holbæk sjúkrahúsi. Jarðarferðin verður lýst seinni. Jóhannes, Erhard, Diddan og Jonhard og Dinna í Skálanum